ليله الموعوده بقلم عمرو راشد

مساء الخير
وليك عين تيجي لحد هنا .. يا اۏسخ خلق الله بقا انا تسيبني ليلة فرحنا ومتجيش 
في ايه يا ست ايه قلة الأدب دي
وهو انت لسة شوفت قلة أدب
كنت عارف ان الموضوع مش هيعدي على خير بس هي معاها حق.. انا سيبتها ليلة الفرح فعلا ومروحتش لكن الموضوع مبدأش من هنا كل بني آدم بيكون عنده أخطاء في الدنيا وخلي بالك الأخطاء مش بتتقاس اذا كانت كبيرة أو صغيرة.. الغلط اسمه غلط مهما كان كبير او صغير ولكن هل هتلحق تصلح غلطك قبل ما تقابله.. مش هطول عليكو وهبدأ في حكايتي علطول.. الموضوع بدأ من ساعة ما تعبت في نص الليل.. جاتلي حاجة أشبه بالأزمة القلبية وبما اني عايش لوحدي مكنش معايا حد ينجدني.. حاولت اقوم واتحرك ولكن اعصاب جسمي كلها واقفة كأني اتشليت بعد خمس دقايق بالظبط بدأ الموضوع يتحسن وجسمي يرجع ل طبيعته والازمة عدت بس انا شخص شكاك شوية.. وفعلا روحت للدكتور تاني يوم وعملت تحاليل وفي خلال يومين كان الدكتور بيتصل بيا عشان اروح و استلم النتيجة.. واول ما روحت هناك بلغني بالخبر

استاذ جمال.. حضرتك راجل مؤمن بالله وعارف ان ربنا دايما كاتبلنا الخير
ممكن تدخل في الموضوع علطول من غير مقدمات
الحقيقة انا مش عارف اقولك ايه
كان باصص في الأرض وعلامات القلق ظاهرة بشكل كبير عليه
حضرتك مصاپ بمرض نادر جدا.. وواضح ان الموضوع دا حصل من بدري بس تأثيره مكنش واضح.. والمړض كان بينتشر اكتر في جسمك لحد ما سيطر عليك بشكل كامل.. الازمة اللي حصلتلك دي ممكن تتكرر تاني وتالت والله اعلم ايه اللي هيحصل ساعتها
انا مش فاهم حاجة.. انت بتقول ايه
انا هكون صريح معاك.. بالتحاليل اللي انا شايفها دي ف انت قدامك 10 ايام بالظبط دا اذا مكنش اقل.. للاسف قلبك في حالة صعبة جدا وحتى مش هنعرف نعمل تدخل جراحي.. الوضع صعب
كنت حاسس ان صوته كل شوية يبعد أكتر عني كأنه بيكلمني من مكان بعيد أو انا اللي روحت دنيا تانية حاسس بعدم اتزان.. بحاول اسيطر على نفسي لكن مش عارف لحد ما صوته رجع يقرب تاني
استاذ جمال حضرتك سامعني
بصيتله وانا لسة في حالة التوهان اللي انا فيها شايف شفايفه بتتحرك وبيكلمني ولكني مش سامعه.. قومت و مشيت من عنده.. يعني انا قدامي 10 ايام و اموت احساس غريب أوي بتحس بيه ساعتها بتشوف الدنيا صغيرة اوي وملهاش لازمة بتفتكر كل غلطة عملتها كل كدبة كل حاجة حصلت في حياتك كأنها شريط وبيمر قدام عنيك بالتدريج بعد أكتر من أربع ساعات ماشي في الشوارع قررت ارجع البيت.. وانا طالع الشقة لقيت سامح قاعد قدام الشقة مستنيني سامح دا يبقا دراعي اليمين اللي ماسك الشغل بتاعي كله
حضرتك كنت فين يا جمال بيه.. انا دورت عليك في كل مكان
فتحت الشقة ودخلت من غير ما ارد حتى.. قعدت على الكنبة وانا لسة ساكت وفي نفس الحالة اللي انا فيها
مالك يا جمال بيه حضرتك زعلان من حاجة
مردتش ومكنتش باصصله اصلا
طب انا هفرحك.. احنا النهاردة كسبنا المزاد زي ما حضرتك توقعت بالظبط وبسعر اقل كمان تخيل!
بصتله ساعتها وانا تقريبا مش مستوعب اي شئ حواليا وسألته
هتعمل ايه لو فاضلك 10 ايام وټموت
بص ليا ب استغراب وبعدها ضحك لكن سكت بسرعة لما شافني مضحكتش معاه و رجع يرد على كلامي
مش عارف بس الاكيد اني هحاول اتبسط في الايام اللي باقية ليا
تتبسط ازاي يعني
يعني اعمل و اجرب كل حاجة مجربتهاش.. اعمل كل حاجة نفسي فيها
ماهو دا ممكن يوقعك في غلطات زيادة
يا باشا المهم اتبسط.. انا حياتي هتخلص ومش هعرف اعوضها تاني يبقا اعيشها بقا بالشكل اللي تريحني
حتى لو دا هيخليك تاخد ذنوب أكتر
ربنا هيسامحني ان شاء الله.. ربنا كبير يا باشا وبيسامح بس هو حضرتك بتسأل ليه السؤال الغريب دا
عشان انا الشخص اللي بكلمك عنه دا
مش فاهم يعني ايه
يعني انا كل اللي فاضل ليا في الدنيا 10 ايام ويمكن اقل
دا ازاي دا حضرتك متأكد من اللي بتقوله
انا لسة راجع من عند الدكتور دلوقتي وهو اللي بلغني بكدا
يا جمال بيه نروح ل دكتور واتنين و عشرة كمان لحد ما نتأكد ولو الموضوع صح ممكن تسافر تتعالج برا.. كل حاجة ليها حل متقلقش
اسمعني يا سامح.. مبقاش في وقت للكلام اللي انت بتقوله دا انا لازم استغل كل دقيقة في عمري انا عملت غلطات كتير أوي وعايز اصلحها
رد عليا بسخرية
اه طبعا وانت هتقولي
عشان كدا محتاج اصلح كل اللي عملته في حياتي
طب قولي حضرتك محتاج مني ايه
عايزك تساعدني.. انا مش هعرف اعمل دا لوحدي
طيب ازاي
احنا هنبدأ واحدة واحدة ونحاول نصلح

---

اللي فات جايز الناس تسامحني
هو انت أذيت ناس كتير اوي كدا
انا تقريبا مسيبتش حد غير لما أذيته يا سامح.. انا حتى أذيت نفسي و انا مش واخد بالي مكنتش اعرف ان المۏت قريب كدا.. مكنتش اعرف اني ممكن ييجي ويعدي عليا يوم زي دا
مش عايزك تشيل أي هم.. احنا هنحاول نعمل اللي علينا بس قولي الاول هنبدأ بمين
سندت دماغي ل ورا وبدأت افتكر و اعيد شريط حياتي من الاول.. عدا دقيقتين و اتعدلت من مكاني وقولت
شيرين
مين شيرين دي
واحدة كنت اعرفها زمان
طب و دي عملت معاها ايه
أبدا كنت متفقين على الفرح و مروحتش
مروحتش فين معلش
مروحتش الفرح
سيبتها يوم فرحها ومروحتش
خلاص بقا يا سامح.. متفكرنيش
طب وانت عملت كدا ليه
كنت صغير مش عايز اشيل مسؤولية.. خاېف منها وهي كمان كانت مستعجلة وعايزة تتجوز بسرعة
فيكون الحل انك تسيبها يوم الفرح
مكنش عندي حل تاني
طب ايه الحل
عايز اعرف مكانها وفي أسرع وقت يا سامح
هدور واقولك متقلقش
بسرعة يا سامح مفيش وقت هي اسمها شيرين سيد عبدالحميد.. ساكنة في الدقي
هحاول الاقيها وهكلمك
سامح مشي من عندي ساعتها.. وانا في اليوم دا النوم راح من عيني فضلت صاحي طول الليل.. كأني خاېف انام.. خاېف اغمض عيني لحد ما سمعت اذان الفجر ولاول مرة ادخل اتوضا وأنزل اصلي في المسجد.. اول ما دخلت حسيت ب رهبة كبيرة أوي.. حسيت اني مكسوف ومش قادر ارفع عيني.. باصص في الأرض ومكسوف منه عشان انا عمري ما كنت هاجي هنا ولا هنزل في وقت زي دا الإمام اقام الصلاه وبدأنا نصلي.. ومع اول سجدة دموعي نزلت وبكيت.. قد ايه انا كنت مقصر في حقه قد ايه انا كنت عايش ومش هاممني اي حاجة غير نفسي.. بين يوم وليلة كل حاجة اتغيرت كل حاجة اتبدلت للاسوء وبقيت في الدنيا مش هاممني حاجة غير اني احسب اللي باقي ليا خلصت صلاه وطلعت الشقة كنت حاسة ب راحة.. قلبي مطمن.. نمت على السرير لحد ما عيني غفلت محستش بنفسي غير لما تليفوني رن كانت الساعة 12 الضهر.. قومت عشان ارد كان سامح
خير يا سامح
انا عرفت مكان شيرين
ابعت العنوان بسرعة
اكيد مش هنروح للناس دلوقتي
يا سامح مفيش وقت.. ابعت العنوان و انا جايلك حالا
قومت بسرعة غسلت وشي وفي خلال 10 دقايق كنت لبست ونزلت ركبت العربية ومشيت.. طول الطريق بفكر انا هقابلها ازاي ولا هقولها ايه.. الموضوع صعب جدا بس للاسف انا معنديش حلول تانية.. وصلت العنوان كانت الساعة 2 ونص..لقيت سامح مستنيني عند البيت
بقلم عمرو راشد
انت ايه اللي جابك
اومال عايزني اسيبك لوحدك في موقف زي دا.. لازم ابقا معاك طبعا
قولي انت لقيتها ازاي اصلا
انا روحت الجامعة سألت عليها وعرفت عنوان اهلها لانك طبعا قايل العنوان ناقص ومش فاكره أصلا.. عرفت عنوان بيت اهلها و روحت هناك سألت البواب وعرفت بيتها
طب يلا
انت متأكد انها لسة فاكراك
اه طبعا.. عارف يا سامح شيرين دي كانت بتحبني أوي
طلعنا البيت.. واحنا طالعين سامعين صوت زعيق كأنها خناقة أو مش كأنها هي خناقة فعلا.. كان الصوت جاي من الدور الرابع وصلنا ولقينا باب الشقة مفتوح وناس كتير واقفة.. ومن وسط كل الناس دي كان واحد و مراته پيتخانقو.. بس مراته دي كانت..
خدت نفس عميق وكملت
شيرين
بقا عايز ترميني في الشارع انا وولادك يا عرة الرجالة
احترمي نفسك يا شيرين.. انا ساكتلك عشان الناس اللي واقفة دي
لا متسكتش يا حبيبي.. متسكتش يا عنيا اتكلم ووريني هتقول ايه
شكلك ناوية على طلاقك يا شيرين
حبيت انهي المشكلة دي و تدخلت بينهم.. ومن وسط كل الناس دخلت ووقفت قدامهم و ابتسمت وقولت
مساء الخير
رد عليا جوزها وقال
مساء النور اهلا يا سيدي.. ثواني هطلق المدام و اجيلك
بعدها شيرين كملت على كلامه
ايوا استنا انت دلوقتي.. اما نشوف هيطلقني ازاي
و رجعت تكمل خناقة لكن بعدها ب دقيقة وقفت و بصتلي وقالت بإندهاش
جمال!!!!!
ابتسمت و رديت عليها
ازيك يا شيرين
فجأه لقيت ملامحها بتتبدل و هتبدأ تهجم عليا
وليك عين!! ليك عين تيجي لحد هنا يا ژبالة يا ساڤل يا واطي
و حقېر كمان.. معاكي حق في كل كلمة هتقوليها بس ارجوكي حاولي تفهميني
افهمك!! بقا انا تسيبني ليلة فرحنا ومتجيش يا واطي يا اۏسخ خلق الله
في ايه يا شيرين ايه قلة الأدب دي
وهو أنت لسة شوفت قلة ادب
يا شيرين الموضوع كبير اسمعيني عشان خاطري
جوزها ساعتها اتكلم بصوت خشن جدا وقال
هو مين دا يا شيرين
دا اللي كان هيتجوزني قبلك.. الاكس
اكس ايه يا شيرين.. مانتي عارفة ان الحاجات دي من المحرمات
يا راجل انت دماغك راحت فين.. انا قصدي يعني ان البيه كان خطيبي وعملنا الفرح بس الباشا مجاش الفرح

---

و هرب
جوزها قرب مني ومسك القميص بتاعي
انت بقا يا حمادة اللي عملت في مراتي كدا
اسمي جمال
حمادة يعني
والله يا استاذ حسين انا معملتش حاجة.. هو بس الحلاق كان زحمة يومها
وكمان بتهزر
والله لا.. هو كان زحمة فعلا حتى ممكن تسأل سامح.. ولا ايه يا سامح اتكلم قول اي حاجة
سامح قرب وكان لسة هيتكلم لكن حسين قاطعه
جمال بيه مبيكدبش فعلا يا.....
ارجع ورا يا حمادة زي ما كنت.. لما اقولك اتكلم تبقا تتكلم
ساعتها حسيت اني في موقف سئ جدا ولازم امشي من هنا حالا
انت النهاردة بتاعي.. انت هيتعمل معاك احلى واجب
معلش خليها مرة تانية
لا طبعا ميصحش
مسك القميص و شدني أكتر وقال بنفس صوته الخشن
مالك خاېف من ايه
من صوتك
ايه!!
قصدي يعني انك ليك هيبة ووقار
انا حمار!! اشهدي يا منطقة حمادة جاي يغلط فيا في بيتي وقدام مراتي ويقولي انت حمار
شيرين ردت هي المرادي
انت جاي ليه يا جمال
في موضوع مهم لازم تعرفيه
موضوع ايه
حسين سابني ساعتها و رجع يتكلم معاها
مواضيع ايه اللي بينكو دي يا شيرين
انا معرفش.. ماهو قدامك اهو اسأله
انتهزت الخناقة اللي قامت بينهم تاني وجريت بسرعة نزلت الشارع و ركبت العربية وهربت من المكان كله.. انا كنت عارف ان الموضوع مش هيكون سهل بس دا كدا فعلا صعب اكتر مما توقعت.. دا جوزها بلطجي رجعت البيت و اترميت على السرير.. انا كدا محتاج ادور على حد تاني.. بس اكيد عمري ما هفتكر الناس كلها قومت و دخلت اوضة المكتب و بدأت ادور في كل الدفاتر القديمة اللي موجودة عندي ساعة واتنين وتلاتة لحد ما لقيت اسم انا عارفه كويس أستاذ مجدي كان زميلي في الشركة اللي انا شغال فيها قبل ما اشتري نصها وابقا انا المدير.. كانت الساعة 10 ونص بليل لقيت التليفون بيرن.. كان رقم غريب لكن رديت
ألو
مين
انا شيرين يا جمال
شيرين!!! عشان خاطري اسمعيني
هو اللي انا سمعته دا بجد يا جمال
سمعتي ايه
انت فعلا عندك مرض نادر
مين اللي قالك
سامح صاحبك
شيرين انا مبقاش فاضل قدامي كتير في الدنيا.. كلها ايام و اموت.. عشان خاطري اديني فرصة و انا هشرحلك كل حاجة
ازاي دا حصل
صدقيني انا معرفش ومش عايز اعرف دا حصل ازاي.. انا كل اللي انا عايزه اني أحاول اصلح اللي فات
بس دي حاجة فات عليها زمن يا جمال.. انت عارف انت سايبني بقالك قد ايه 6 سنين و 4 شهور و 15 يوم.. طول المدة دي انا بسأل نفسي كل يوم انت عملت معايا كدا ليه انا عملتلك ايه عشان تعمل فيا كدا.. انت قتلتني وانت مش حاسس يا جمال
انا عارف ان اللي أنا عملته كبير وكلمة اسف مش هتصلح اي حاجة.. بس انت محتاج اشوفك.. واعتبريها اخر طلب
هحاول
قفلت معاه وانا دموعي على خدي كل حاجة كنت بحاول انساها رجعت تاني في ثانية.. والحقيقة أني معرفتش اتخطى اي حاجة حصلت ولا عرفت ابطل احبك يا جمال.. خدت نفس عميق ولسة كنت هقوم عشان ادخل اوضتي لقيت حسين جاي وواقف قدامي وباصصلي بنظرة شك وقالي
بتكلمي مين يا شيرين
أبدا.. دي الخياطة.. كنت بتفق معاها تعمل ليا كام عباية
خياطة اه طب وريني تليفونك!!!!!!
عمرو_راشد
الليلة_الموعودة
يتبع
كنتي بتكلمي مين يا شيرين
أبدا دي الخياطة.. كنت بتفق معاها تعمل ليا كام عباية
خياطة اه طب وريني تليفونك كدا
انت شاكك فيا ولا ايه يا حسين
ماهو لما تتكلمي بصوت واطي يبقا لازم اشك فيكي.. من امتا وانتي بتتكلمي بالشكل دا
وهو لازم الناس كلها تسمع صوتي عشان حضرتك تتبسط
وريني تليفونك يا شيرين ومش هقولها تاني
وانا بقولك لا.. و اسمع بقا كدا انت لو شاكك فيا طلقني عشان انا اصلا لسة عند كلامي.. انا مش عايزة اكمل معاك
مش عايزة تكملي!!.. طب متكمليش يا شيرين والباب عندك اهو
سيبته و دخلت اوضتي وقفلت عليا.. من الواضح ان المشاكل بدأت بدري أوي من وقت ظهورك يا جمال
فضلت صاحي لحد صلاه الفجر.. نزلت صليت في المسجد ورجعت نمت.. صحيت الساعة 2 الضهر لقيت رسالة من شيرين بتقولي انها هتقابلني الساعة 5.. وبعتتلي لوكيشن المكان اللي هنتقابل فيه.. قومت و دخلت خدت دش.. خلصت وخرجت لبست هدومي ونزلت وطبعا كنت عامل حسابي اني هخلص معاها و اروح على الأستاذ مجدي زميلي في الشغل.. النهاردة تاني يوم يعني فاضل 8 ايام بس.. لازم اتحرك اسرع من كدا وصلت المكان اللي هقابلها فيه و بالمناسبة هو كان كافيه قديم اسمه ورد كنا بنتقابل فيه زمان.. وصلت قبل معادي ب ربع ساعة ولكن الغريب اني لقيتها موجودة هناك
اتأخرت
انا قاعدة هنا من الساعة 4
احنا متفقين اننا نتقابل 5
بس انا حبيت آاجي المكان واقعد فيه شوية لانه كان

---

واحشني
رديت ب ابتسامة
لسة زي ما هو متغيرش
بس في حاجات تانية هي اللي اتغيرت يا جمال
بصي يا شيرين.. انا مش جايبك النهاردة عشان اتأسفلك لاني عارف ان كلمة اسف مش كفاية بس انا محتاجك تسامحيني.. خليكي احسن مني زي ما انتي طول عمرك احسن مني.. انا عارف اني ظلمتك بس ربنا بياخد حقك بإنه خلاني عارف معاد مۏتي عشان اعيش في التوتر والعڈاب اللي انا فيه دلوقتي.. انا جاي النهاردة وعلى امل انك تسامحيني واي حاجة هتطلبيها انا موافق اعملها مهما كانت ايه هي
تقدر ترجعلي عمري تقدر ترجع الليالي اللي انا فضلت مستنياك فيها حتى تيجي تفهمني انت عملت كدا ليه هتقدر تخلي الناس تنسا شكلي وأنا في القاعة وانت مش معايا.. هتقدر تخليني انسا كلامهم وهما بيقولو ان العريس عرف اني واحدة مش كويسة عشان كدا مجاش طب هتقدر تشيل الۏجع وانا كل يوم نايمة جنب راجل انا مبحبوش.. تقدر تحس بالعڈاب اللي بحس بيه وهو بيقربلي.. انت عملت فيا كتير أوي وأنا كنت بدأت اتعود وقررت ارضى باللي ربنا كتبهولي لكن انت مرحمتنيش برضو وجاي تظهر تاني في حياتي عشان تفكرني بكل اللي انا بحاول بقالي سنين انساه
كنت مستغرب قوتها.. مفيش دمعة واحدة نزلت منها كانت موجوعة بس قادرة تتكلم وتواجه لكن الامر كان منعكس عليا انا عشان انا اللي مكنتش قادر اتكلم
ساكت ليه
عشان انا لو فضلت اتكلم من هنا ل بكرا مش هقدر ابرر ليكي اي حاجة
مش عايزاك تبرر يا جمال.. انا جيت النهاردة عشان أسمعك انت ومش عايزة اتكلم في اللي فات تاني
انا بالشكل دا بقا فاضل ليا 8 ايام بس.. انا مستعد اعوضك بأي طريقة أنتي عايزاها بس تسامحيني
من غير ما تعمل حاجة يا جمال.. انا مسامحاك من يوم ما مشيت ومرجعتش تاني.. رغم كل اللي انت عملته فيا انا معرفتش اكرهك.. بس السؤال اللي دايما ييجي في بالي هو انا ليه معرفتش اكرهك اكتشفت اني عشان اكرهك لازم اقطع جزء كبير من قلبي جزء فيه أحلامي و ذكرياتي و كل حاجة عيشناها سوا وانا كنت أضعف من اني اعمل كدا
كانت بتتنهد وكأنها بتحاول تبان متماسكة اكتر
انا مسامحاك يا جمال
من قلبك
من قلبي قولي الاول انت هتعمل ايه بعد كدا
في ناس كتير انا ظلمتها ومحتاجهم يسامحوني برضو
طب في حاجة اقدر اقدمهالك
انتي كدا عملتي اللي عليكي و زيادة شكرا يا شيرين انا حاليا مضطر امشي عشان عندي مشوار مهم
هشوفك تاني
اكيد حتى ولو مرة على الاقل قبل ما اموت محتاجة اوصلك
لا انا تمام.. روح انت عشان تلحق مشوارك
بقلم عمرو راشد
خرجت من الكافيه وانا شايف ومتابع نظرات عنيها وهي مراقباني لحد ما بعدت تماما عن المكان ومشيت بالعربية.. الجو كان بدأ يمطر وأنا في الطريق لقيت سامح بيكلمني
يا باشا انت فين.. انا روحتلك البيت ملقتكش موجود
انا عندي مشوار هخلصه و اجيلك
طيب انا كنت عايز اقولك اني حددت معاد مع أستاذ حاتم شوقي رئيس شركة الحديد والاسمنت
اي حاجة ليها علاقة بالشغل تتأجل يا سامح
يا باشا تمام ماشي بس الراجل دا انت لازم تقابله.. احنا تعبنا عشان ناخد معاه معاد
وانا مش فاضي دلوقتي.. في حاجات اهم بكتير من الشغل
بس كدا مصالحنا هتقف
انا اللي حياتي كلها هتقف.. فاهم انا حياتي بتخلص سلام يا سامح
قفلت وكملت طريقي لحد ما وصلت ل بيت مجدي.. طلعت و رنيت الجرس بس فتحلي شخص غريب انا معرفوش
مساء الخير هو أستاذ مجدي موجود
أستاذ مجدي مين
مجدي سعد.. هو كان ساكن هنا في الشقة دي
اه تقصد عم مجدي
عم مجدي!!! عم مجدي مين
ماهو هو اللي كان ساكن هنا.. بس هو دلوقتي بقا ساكن فوق
الدور اللي فوق يعني
لا يا فندم ساكن فوق السطوح
وهو ايه اللي خلاه يسكن فوق
مكنش قادر يدفع الايجار على حد علمي و بعد كدا انا اشتريت الشقة دي
كنت في حالة صدمة كبيرة.. مش مصدق انه ممكن فعلا يكون هو ساكن في السطوح.. كملت و طلعت فوق لقيت واحدة ست خارجة من أوضة..
السلام عليكم
مين حضرتك
انا كنت جاي عايز اقابل أستاذ مجدي
أستاذ!! كتر خيرك والله طب ثواني
بعد دقايق خرج راجل باين عليه العجز.. دقنه بيضا شعره ابيض لا يمكن يكون دا مجدي.. مجدي دا أصغر مني ب حوالي 3 سنين.. يعني مثلا يكون عنده حاليا 38 سنة
خير يا بيه
ازيك يا أستاذ مجدي انت مش فاكرني
اسف والله مش فاكر حضرتك
انا جمال عز الدين احنا كنا صحاب زمان
فكر في الاسم لثواني وبعدها نظرته اتحولت 180 درجة ل نظرة اڼتقام وبدأ يقرب مني
جاي ليه
انا جاي اطمن عليك
تطمن عليا ولا تشمت فيا
عيب يا أستاذ جمال

---

دا انا جايلك في خير والله
خير!! وهو انت يجي من وراك خير
اسمعني بس وانا هفهمك.. انا جاي عشان اعتذرلك عن اللي عملته زمان معاك
قصدك قضية الرشوة اللي كنت هتحبس فيها ظلم اللي انت أصلا كنت سبب فيها وكل دا عشان امشي من الشركة عشان انا اللي كنت اقرب واحد للترقية و دا معجبكش دايما بتغير مني وحاقد عليا وعلى نجاحي.. مش عايز حد يبقا احسن منك ولما انا عملت كدا كنت هتحبسني في قضية ظلم.. وساعتها جيت وعرضت عليا عرض فاكره يا جمال
فلاش باك
انا ممكن اخرجك من القضية دي دلوقتي حالا
ابوس ايدك يا جمال.. ابوس ايدك متسبنيش
متقلقش بس تمشي من الشركة دي.. انا هروح اكلم المدير و اقنعه انه يتنازل عن البلاغ اللي قدمه فيك بس مجرد ما اخرج من هنا انت هتكتب استقالتك حالا اتفقنا
باااك
اللي عرفته بعدها يا جمال انك انت اللي خدت الرشوة.. وجاي بعد كل دا عايزني اسامحك
مستعد اعملك اي حاجة انت هتقولها بس تسامحني في الاخر
انت شايف انا عايش فين شايف انا لابس ايه تعالى ادخل وشوف عيالي هيصعبو عليك من قلة الاكل عشان مش عارف اجبلهم اي حاجة.. انت ډمرت حياتي يا جمال.. انا فكرت كتير في الاڼتحار بس كل مرة كان ربك بينجدني في اخر لحظة لكن المرادي هي انسب فرصة
كان لسة بيقرب مني وانا برجع ل ورا لحد ما فجأه لقيته جري بسرعة ناحيتي وھجم عليا لحد ما وقعنا من فوق السور!!!
عمرو_راشد
الليلة_الموعودة 2
يتبع
انا ممكن اخرجك من القضية دي دلوقتي حالا
ابوس ايدك يا جمال.. ابوس ايدك متسبنيش
متقلقش هخرجك بس تمشي من الشركة دي.. انا هروح اكلم المدير و اقنعه انه يتنازل عن البلاغ اللي قدمه فيك بس مجرد ما اخرج من هنا انت هتكتب استقالتك حالا اتفقنا
باااك
اللي عرفته بعدها يا جمال انك انت اللي خدت الرشوة.. وجاي بعد كل دا عايزني اسامحك
مستعد اعملك اي حاجة انت هتقولها بس تسامحني في الاخر
انت شايف انا عايش فين شايف انا لابس ايه تعالى ادخل وشوف عيالي هيصعبو عليك من قلة الاكل عشان مش عارف اجبلهم اي حاجة.. انت ډمرت حياتي يا جمال.. انا فكرت كتير في الاڼتحار بس كل مرة كان ربك بينجدني في اخر لحظة لكن المرادي هي انسب فرصة
كان لسة بيقرب مني وانا برجع ل ورا لحد ما فجأه لقيته جري بسرعة ناحيتي وھجم عليا لحد ما وقعنا من فوق السور كان في صوت بيقرب مني ساعتها وكل شوية يقرب اكتر لحد ما بقيت قادر اسمع هو بيقول ايه.. دا كان صوت مجدي كان بيقولي
أستاذ جمال.. أستاذ جمال فووق حد يجيب كوباية مية
بدأت افتح عيني كنت حاسس بۏجع في قلبي قومت بهدوء واتعدلت
هو ايه اللي حصل
انت اول ما شوفتني فجأه لقيتك ماسك قلبك ومش قادر تتنفس بعدها وقعت على الأرض هو انت تعبان
حاجة زي كدا
بتاخد دوا معين ابعت حد من العيال يجيبه
لا انا اللي عندي ملوش علاج يا مجدي
خير ان شاء الله
بإختصار كدا يا مجدي انا كل اللي باقيلي في الحياه 8 ايام بس
لا حول ولا قوة الا بالله و دا من ايه
مرض نادر في القلب المهم انا كنت جايلك اطمن عليك
فيك الخير يا أستاذ جمال.. انا الحمدلله بخير
بتشتغل فين دلوقتي
هنا
هنا فين
هنا في العمارة ماهو انا البواب بتاع العمارة
بواب!! بواب ازاي دا انت معاك شهادة و ما شاء الله عندك خبرة كبيرة في السوق دا انت كنت انجح واحد فينا
و اطيب واحد فيكو وعشان كدا معرفتش اكمل معاكو.. منه لله بقا اللي كان السبب
قصدك مين
اللي حط ليا علامة سودا في ملفي لدرجة ان مفيش مكان واحد قبلني
وانا جاي النهاردة عشان اعوضك عن دا.. انا جاي ومستعد ارجعك الشركة و اخليك تقبض اضعاف ما كنت بتقبض زمان ايه رأيك
لا يا أستاذ جمال كتر خيرك.. انا مبسوط كدا
انا عارف اني غلطت في حقك وكنت السبب في قضية الرشوة بس وحياه ولادك تسامحني وانا مستعد اعملك اي حاجة تطلبها
متتعبش نفسك يا أستاذ جمال.. انا مش محتاج حاجة لإني الحمدلله عايش كويس ومستور انت خليتني اشوف الحياه بنظرة مختلفة تماما خليتني اشوف ان الطيب هو اللي دايما حقه ضايع هو اللي دايما الناس بتظلمه بس ربك مبينساش حق حد.. ربك منتقم جبار
ابوس ايدك يا مجدي تسامحني انا غلطان واستاهل كل اللي يحصلي.. ولكن انا جايلك دلوقتي و بطلب منك تسامحني انا اللي باقيلي مش كتير ومش عايز اموت وانا شايل كل الذنوب دي
ربك هو اللي بيسامح يا بيه لكن حنا بني آدمين
ماهو عشان احنا بني آدمين طبيعي نغلط.. دي اساسا طبيعتنا اننا نغلط ونتعلم من غلطنا
وهو انت اتعلمت

---

يا جمال يعني انت لو مكنتش تعبان تفتكر كنت هتجيلي انت جاي بس عشان محتاج مني حاجة ولو مكنتش محتاجها عمرك ما كنت هتفتكرني اصلا اذن دا معناه انك متعلمتش حاجة
بس انا ندمان على دا
لما عرفت انك ھتموت ندمت و دي برضو طبيعتنا ك بشړ بنندم بعد فوات الأوان كل اللي اقدر اقولهولك ربنا معاك ويسامحك على كل اللي عملته لان اكيد في غيري كتير أوي انت محتاج تروحلهم برضو
قولي اي حاجة طيب اطلب مني أي طلب
لقيته قام وقف وابتسم وقال
نورت يا بيه.. مع السلامة
قومت بقلة حيلة ومشيت نزلت ركبت عربيتي و رجعت البيت دخلت اترميت على السرير كلمة اسف مش دايما هتصلح غلطك لكن مفيش مانع انك تقولها لكن في النهاية هي مش بتمحي العقاپ يعني مفيش مفر لكن هل دا ينطبق على كل الناس بالتأكيد لا في ناس زي شيرين بتسامحك بمجرد ما تغلط وحتى بدون ما تستنا اعتذارك وفي ناس زي مجدي بتعتذرله ولكن هو بيرفض اعتذارك وفي نوع تالت و دا الأخطر فيهم لأنك بمجرد ما بتغلط هو بيبدأ يهاجمك شريط حياتي بدأ يهاجمني ويمر قدام عيني وافتكرت افتكرت ان حتى اقرب الناس ليا أذيتهم خالي كان من ضمن الناس اللي اتسببت ليهم في أذى كبير وهو اني استغليت انه كان بايت لوحده في المكتب بتاعه و بعتله واحدة وساعتها كلمت مراته من رقم غريب عشان ابلغها و طبعا راحت هناك وشافتهم وطلبت الطلاق للعلم ان خالي كان بيحب مراته جدا ومن بعدها وهو في حالة صدمة كأنه مش مصدق انها سابته كل دا كان بسبب ارض كانت ملكنا وكل الورثة موافقين الا هو فكان لازم اخليه في حالة تجبره انه يوافق على اي حاجة لانه مش هيبقا واعي واكتر حاجة كانت توجعه هي مراته.. لكن المشكلة ان حالة الصدمة زادت اكتر لما مراته اتجوزت واحد تاني ومن هنا خالي أتحول وبقا شخص تاني تماما وكأنه مش عايش معانا تقريبا كل مرحلة هتكون أصعب من اللي قبلها.. بصيت على الساعة لقيتها 11 مكنش ينفع اني انزل في وقت زي دا لكني قومت غيرت هدومي وصليت الفروض اللي فاتتني و قررت اني انام لكن قبل ما عيني تغفل لقيت جرس الباب بيرن.. قومت فتحت
بقلم عمرو راشد
اخيرا لقيتك
في ايه يا سامح.. الساعة 12
ماهو حضرتك مبتردش عليا من ساعة ما قفلت
وجاي عايز ايه
عايزك تقابل الراجل
راجل مين
أستاذ حاتم
قولتلك يا سامح انا مش هقابل حد.. قولتلك الغي اي مواعيد عندنا انت مبتسمعش الكلام ليه
يا جمال بيه دا شغل ومش هنعرف نعوضه قابل الراجل بس وبعدها مش هطلب منك اي حاجة تاني
وانا قولتلك لا ومش هكرر كلامي تاني ولو مش عاجبك تقدر تقدم استقالتك من دلوقتي
هي وصلت لكدا
معلش يا سامح سيبني دلوقتي
هو انت عملت ايه مع الراجل اللي انت كنت رايحله دا
رفض وتقريبا طردني
معرضتش عليه ياخد أي حاجة
عرضت بس الناس اللي زي دي مش بيهمها الفلوس.. كل اللي بيهمه هو كرامته وعزة نفسه عشان كدا لو فضلت اعرض عليه ل بكرا مش هيوافق برضو
ليه يعني هو بيشتغل ايه حاليا
بواب تخيل أن العمارة اللي كان ساكن فيها بقا هو البواب بتاعها
وهو حاليا قاعد فين
في أوضة فوق السطوح
هو المفروض بيكون تحت اصلا على اول العمارة
يمكن مش عايز حد يشوف عيلته وهو نازل او وهو طالع.. جايز
طب انا عندي حل انت تشتري الشقة بتاعته من اللي ساكن فيها دلوقتي وتكتب العقد ب اسمه وترجعله الشقة تاني وتحاول تشوفله وظيفة يعيش منها
عرضت عليه برضو بس موافقش
اكيد لما هيشوف ان شقته رجعتله تاني هيفرح
هفكر
تليفوني رن في اللحظة دي.. كان رقم شيرين
ازيك يا شيرين
الحمدلله انت رجعت البيت ولا لسة
لا رجعت بس اشمعنا
بطمن عليك
طيب شكرا والله انا راجع من ساعة تقريبا
حمدالله على سلامتك
الله يسلمك بس أنتي بتتكلمي ازاي دلوقتي
يعني ايه
قصدي على جوزك
حسين لسة مرجعش من برا وبعدين انت بتسأل عليه ليه
عشان مش عايز اعملك مشاكل
متقلقش مفيش مشاكل ولا حاجة
عموما انا اتبسطت أوي اني شوفتك النهاردة
انا كمان اتبسطت جدا كان بقالنا كتير مقعدناش ولا اتكلمنا بالشكل دا
كنت لسة هرد لكن فجأه لقيتها قالت
طيب اقفل دلوقتي وانا هكلمك تاني
قفلت لما سمعت صوت الباب بيتفتح وتقريبا حسين رجع حطيت التليفون جنبي وهو لقيته جه ووقف قدامي وباصصلي ب ترقب وشك
مالك
انتي كنتي فين النهاردة يا شيرين
كنت عند الخياطة مانا قولتلك امبارح
طب هتقولي ايه لو قولتلك اني لسة راجع من عند الخياطة وقالتلي انك مروحتيش عندها النهاردة خالص قوليلي بقا أنتي كنتي فين النهاردة
عمرو_راشد
الليلة_الموعودة 3
يتبع
انتي كنتي فين النهاردة يا شيرين
كنت عند الخياطة مانا قولتلك

---

امبارح
طب هتقولي ايه لو قولتلك اني لسة راجع من عند الخياطة وقالتلي انك مروحتيش عندها النهاردة خالص قوليلي بقا أنتي كنتي فين النهاردة
ماهو انا روحت عند واحدة تانية غير اللي بتعامل معاها
ومقولتليش ليه
عادي نسيت
نسيتي!! شيرين انا حاسس انك مخبية حاجة
حاجة ايه مش فاهمة
دا اللي انا عايز افهمه منك دلوقتي
انا مش مخبية حاجة وياريت تبطل بقا اسلوبك دا
اسلوبي دلوقتي مبقاش عاجبك.. الله يرحم ايام زمان
كل حاجة بتتغير مع الوقت
وظهور حبيب القلب هو اللي خلاكي كدا
مين حبيب القلب دا
الباشا اللي كان هنا واحنا پنتخانق
لو سمحت يا حسين.. جمال ملوش علاقة باللي احنا فيه
وهو ايه اللي احنا فيه.. اتنين زي اتنين متجوزين وبيخانقو عادي لكن أنتي اللي اتغيرتي من وقت ما ظهر البيه
اتعصبت وقومت من مكاني
خلي بالك من كلامك يا حسين.. انا متغيرتش و لسة زي ما انا.. انت بس اللي عايز تعمل اي مشكلة وخلاص
دا انا بقيت مچنون كمان
هو انت ايه مبتزهقش من طريقتك دي.. يااخي انا زهقت وتعبت منك
عايزة ايه يعني
انا عايزة اتطلق يا حسين
بعد ما قفلت معايا رجعت تاني قعدت مع سامح
هو في حاجة يا جمال ولا ايه
لا متشغلش بالك.. قوم روح انت دلوقتي عشان محتاج انام
عندك مشوار تاني بكرا
طبعا
تمام.. لو احتاجت حاجة كلمني
سامح مشي.. هو اللي انا بعمله دا صح ولا غلط يعني اني اكلم واحدة متجوزة دا صح.. اكيد لا يارب هو انا كنت ناقص ذنوب.. مش كفاية الراجل اللي مش عايز يسامحني دا والله اعلم لسة مين تاني غمضت عيني ونمت محستش بنفسي غير تاني يوم الساعة 1 الضهر
بقلم عمرو راشد
قومت اتوضيت وصليت الضهر و قعدت عشان افطر بعدها دخلت اخدت دش وغيرت هدومي ونزلت.. ركبت عربيتي ومشيت رايح على بيت خالي.. خاېف اوي ومتوتر.. مش متخيل شكله وأنا بقوله كل الكلام دا وصلت وفضلت قاعد في العربية مش قادر اطلع.. رجلي مش بتتحرك من الخۏف خصوصا بعد الحالة اللي هو وصلها اكيد رد فعله هيكون صعب أوي لكن عدت ساعة واكتر والشمس بدأت تغيب.. كان لازم اطلع وبالفعل طلعت و رنيت الجرس فتحلي الباب
ازيك يا خالي
انت مين
انا جمال ابن اختك
جمال ايوا افتكرتك.. تعالى ادخل
دخلت و قفلت الباب ورايا و روحت قعدت قدامه بحذر
انت ايه اللي فكرك بيا
وحشتني قولت اجيلك اقعد معاك شوية
انا زي ما انت شايف اهو
مالك ماانت زي الفل اهو.. دا انا حاسس انك اصغر مني
قولتها على سبيل الهزار بحيث أحاول افتح مجال الكلام ولكن هو سكت و مردش
بصراحة يا خالي انا كنت جايلك ومحتاج اتكلم معاك في موضوع
خير
انا عندي مرض خطېر.. والمړض دا هيموتني خلال عشر ايام بالظبط
طب يا بختك والله
انا كنت جاي وطالب منك تسامحني
اسامحك على ايه
اترددت وبدأ الكلام يتوه من على لساني
انا كنت السبب في طلاقك انت ومراتك
سبب في طلاقي ازاي
انا.... انا اللي بعتلك واحدة على المكتب واتصلت بمراتك تيجي عشان تقفشك معاها خالي انا والله ما كنت اقصد وحرفيا انا ندمت على كل حاجة عملتها بس وحياه اي حاجة بينا تسامحني
دموعه كانت على وشك انها تنزل لكن بص في الأرض وقالي
اطلع برا
خالي ارجوك.. ارجوك سامحني انا والله عارف اني غلطان بس...
لقيته قام من مكانه و شد ايدي
قولتلك قوم اطلع برا
مكنش في اي فرصة انه يسمعني وفعلا انا خرجت من الشقة.. نزلت تحت و ركبت عربيتي وفضلت قاعد فيها لكن بعدها ب دقايق فجأه لقيت شخص وقع من البلكونة قدام العربية.. قلبي اتقبض خرجت بسرعة من العربية و كان زي ما توقعت.. خالي هو اللي وقع الناس بدأت تتجمع والستات كلها بتصرخ.. مكنتش مصدق اللي انا فيه وحرفيا مصډوم ومش قادر انطق من الواضح اني كنت سئ لدرجة ان مفيش اي حد هيفكر انه يسامحني.. بس انا توبت يارب انا عارف انك غفور و رحيم.. بطلب منك تسامحني يارب اغفرلي انا عارف اني مستاهلش بس انا ندمان ومستعد اصلح اي خطأ ليا بس انا مش عايز اقابلك وانا شايل كل الذنوب دي... ومن اللحظة دي قررت اني مش هروح لاي شخص تاني.. الكلام عمره ما هيجيب نتيجة.. لازم فعل نشرت إعلانات في الجرايد والمجلات وعلى السوشيال ميديا اني محتاج موظفين وفعلا ناس كتير استجابت.. اما بالنسبة ل مجدي ف انا جبتله عرض شغل من مكتب تاني وخليتهم هما اللي يكلموه عشان ميرفضش طبعا.. اي شخص كان لييه عندي حق رجعته.. اما خالي ف انا بعمل صدقات كتير على روحه لأجل ان ربنا يسامحني على اللي عملته فيه.. و بما أنه معندوش عيال فقررت اتبرع بكل نصيبه في الورث للجمعيات والمستشفيات وفي وسط

---

كل دا كانت شيرين كل يوم بتتصل بيا ولكن كنت متجاهلها تماما لحد ما لقيت رسالة منها بتقول
انا اتطلقت من حسين
مهتمتش وكملت اللي انا بعمله.. الايام كانت بتعدي وانا بحاول استغل كل دقيقة بتمر لإني عارف اني مش هعرف اعوضها تاني لحد ما كملت اليوم التاسع الساعة دلوقتي 11 بليل وانا حاليا قاعد على سجادة الصلاه مستني نصيبي.. فضلت قاعد مكاني لحد ما شوفت نور ابيض خارج من اوضتي قومت و روحت الأوضة شوفت طيف ابيض مكنتش قادر احدد اي ملامح منه.. لكن هو أتكلم وقال
أبشر الجنة تنتظرك
ساعتها حسيت بنفس الازمة اللي بتجيلي لكن المرادي كان الموضوع اصعب بكتير.. انا مبقتش قادر اقف على رجلي.. روحت وقعدت على السرير ونمت وبدأت افقد كل الاحساس بجسمي وكأني مټخدر و انا لسة شايف الطيف واقف قدامي وانا مبتسم.. طاير من الفرحة وشايف باب السما مفتوح الف حمد وشكر ليك يارب.. من بعدها فقدت الاحساس بكل شئ
فوقت لقيت نفسي في مكان ضلمة وشايف نور بسيط.. حاولت اتكلم ولكن مش قادر.. مش عارف اتنفس انا في القپر.. سامع صوت الأدعية من فوق.. الناس بدأت تمشي ومع اخر رجل مشيت من المكان ساعتها سمعت صوت بيسأل
من هو ربك
كل حاجة طارت من على لساني.. مش فاكر اي حاجة
ما هو دينك.. من هو رسولك
انا المفروض داخل الجنة.. ايوا انا شوفت الجنة.. انا...
نفس الصوت رد عليا وقال
دا اللي كان في دماغك انت يا جمال.. إنما الحقيقة غير كدا
فلاش باك
قولي يا سامح.. انت لو باقيلك 10 ايام وټموت هتعمل ايه
هجرب كل حاجة مجربتهاش قبل كدا وهعمل اي حاجة نفسي فيها
باااك
الصوت كمل كلامه وقال
بس مش دي الحقيقة يا جمال.. الحقيقة انك انت اللي رديت كدا مش سامح
فلاش باك
انا بقا يا سامح باقيلي 10 ايام واموت.. محتاج اعمل كل حاجة واجرب كل حاجة مجربتهاش قبل كدا
باااك
انت مۏت بسبب جرعة زايدة من المخډرات.. و دلوقتي انت على بعد خطوات من الڼار يا جمال استعد لتلقى عذابك الأبدي
يارب انجدني.. يارب يارب سامحني انا جمال عز الدين وأنا معترف اني استاهل كل دا وجاهز للعقاپ... بس لو انت شوفت رسالتي دي ادعيلي 
لو عجبتك الرواية سيب كومنت لطيف 
عمرو_راشد
الليلة_الموعودة 4
يتبع