عشقته اربعيني

اسكربت
الجزء الاول
معقول يا سيلا تحبي دكتور مراد انتي اټجننتي 
قالتها هبة پصدمة وهي باصة لسيلا اللي كانت قاعدة سرحانة وباصة قدامها بشرود وبعد كلام هبة ليها اتنهدت بحيرة وردت باحباط
عارفة انها حاجة غريبة بس مش بإيدي يا هبة انا قلبي حبه معرفش امتي وازاي بس دي الحقيقة
هبة نفخت بضيق ومكنش عاجبها كلام سيلا صاحبة عمرها وقالتلها بعتاب
اللي انتي بتقوليه ده مينفعش يا سيلا اولا لان دكتور مراد كبير عليكي جدا وثانيا بقي لان هو مش شايفك بالطريقة دي خالص هو بيعتبرك بنت صاحب اعز صديق لوالده انتي متخيلة 
نفخت سيلا بضيق وحست بخنقة بعد كلام هبة اللي كله صح وقالت بتهرب من الكلام 

طب قفلي عالموضوع بقي واوعي تقولي لحد وتعالي نطلع نقعد مع جدو احسن زمانه فاكرنا بنعمل مصېبة
ضحكت هبة وردت بتأكيد وهي بتقوم 
والله عندك حق جدو جلال سعات بحس انه بيتعامل معانا علي اننا عصابة
مكملتش هبة كلامها لما دخل عليهم جلال جد سيلا وبصلهم بغموض وقالهم 
امممم محدش سامع صوتكم يعني لعله خير يارب
ضحكت سيلا وهبة وهما بيبصو لبعض وكأنهم كانو عارفين ان جلال هيعمل كدة ويدخل عليهم وردت سيلا وهي بتقوم من مكانها وبتقرب منه 
والله يا حج جلال احنا كنا بندردش في موضوع سري للغاية ومتقلقش مش بنتآمر عليك لا تقلق
ابتسم جلال ورد علي سيلا وهو بيقرصها من خدها 
وهو حد يقدر يعمل كدة في بيت جدك برضه يا سيلا انا قولت اطمن عليكم يلا هسيبكم تكملو الموضوع السري للغاية بس متنسيش صحيح انهاردة عيد ميلاد نور بنت مراد وهنروح بليل
نفخت سيلا بضيق وردت بزهق وهي بتفتكر نور 
والله يا جدو البت دي غير مراد خالص بحس كدة انها مغرورة اوي ورغم انها اصغر مني بس بحسها باللي بتعمله في نفسها انها اكبر مني بمراحل
ضحكت هبة وردت هي كمان بتأكيد علي كلام سيلا 
والله عندك حق ده احنا فرق بينا وبينها 8 سنين ورغم انها في المدرسة بس تحسيها كبيرة بسبب تصرفاتها
رد جلال بحسم وهو بيبص لهبة وسيلا بتحذير وبيشاورلهم بايديه 
احنا مالناش دعوة وخدو بالكم منها ومضايقوهاش وحاولو قربو منها يمكن تقدرو تخلوها تتغير البنت لسة صغيرة
ابتسمت سيلا وردت بحب وهي بتحب علي راس جلال جدها 
من عيوني يا جلال يا قمر انا هلبس واجهز وابلغ حضرتك
...........................
في ڤيلا مراد كان واقف قدام المراية وبيربط الجرافتة بتاعته وشوية ودخلت عليه نور بنته وهي بتقول بابتسامة 
هاي يا بابي حضرتك جاهز 
ابتسم مراد واتكلم وهو بيلف وشه وبيبص لنور بس قطع كلامه فجأة واتحولت ملامحه للضيق وهو بيتكلم 
انتي ايه اللي لبساه ده يا نور اللبس ده اوڤر شوية اتفضلي روحي غيريه
كشرت نور وهي بتبص علي لبسها وردت بضيق 
ماله لبسي يا بابي انا شايفة انه حلو اوي
وانا مش شايف كدة ومن غير نقاش تدخلي تغيري حالا
قالها مراد بعصبية وهو بيشاور لنور علي باب القوضة وهي اضايقت من طريقته وتحكمه فقالت پغضب 
حاضر يا بابي بس افتكر انك نكدت عليا في عيد ميلادي
قالت نور كلامها وخرجت ووقتها اتنهد مراد بحيرة ورمي نفسه عالكرسي باهمال ومكنش حاسس باي حاجة غير تعبه من محاولة انه يقرب من بنته بس للاسف مش عارف
......................
في الحفلة ابتسمت سيلا بتلقائية اول ما عنيها لمحت مراد وهو نازل عالسلم كانت بصاله بتوهان ومش حاسة باي حد غير وجوده وقلبها دق جامد اوي اول ما عنيه اتقابلت مع عنيها وشافت ابتسامته اللي اترسمت علي وشه بجاذبية وكل خطوة كان بيقرب منها كانت حاسة ان روحها سابقاها وبتجري عليه انتبهت لصوت هبة اللي قالتلها بهمس وهي بتقرب من ودنها 
لمي نفسك يا سيلا شكلك باين عليه اوي وجدك ممكن ياخد باله
انتبهت سيلا لنفسها وبصت في الارض بإحراج بس رفعت وشها تاني اول ما وصل مراد عندها واتكلم وابتسامته الجذابة علي وشه 
ازيك يا سيلا انا كنت مستنيكم من بدري واتأخرتو اوي يا عمي جلال 
سيلا اكتفت انها ترد بابتسامة جميلة وهي بتبص في عيون مراد وفي نفس الوقت رد جلال علي مراد بابتسامة 
معلش يا

---

جلال يا حبيبي بس تقول ايه بقي في البنات ودلعها صحيح عملت ايه في موضوع العروسة اللي قولتلي عليه 
انتبهت سيلا ورفعت وشها بسرعة وبصت لمراد بقلب مقبوض وهي بتتمني اللي سمعته يكون غلط بس مراد اكد علي كلام جلال ورد بحيرة 
والله مش عارف يا عمي انا فكرت ان هو ده الحل الوحيد انا حاسس ان نور محتاجة ام اكتر ما محتجاني انا دلوقتي
حرك جلال راسه بايحابية ورد بتأكيد 
عين العقل يا ابني انت بس حاول تسرع في الموضوع ده بس يا تري حاطط في دماغك حد معين
بصت سيلا لمراد واتمنت لو يكون احساسه ناحيتها زي احساسها ناحيته بس مراد اثبتلها العكس تمام وحتي مبصلهاش هو رد علي جلال بحيرة وهو بينفخ بضيف 
والله منا عارف انا بالنسبالي مش فارقة بس المشكلة ان مين اللي هترضي انها تتجوز واحد زيي معاه بنت في السن ده بجد احترت
بصت سيلا لهبة بخزلان وحزن وسابتهم من غير ما تتكلم ومشيت وكان متابعها مراد باستغراب وقلق وجلال بص لهبة وسألها باستفهام 
هي سيلا رايحة فين يا هبة يا بنتي
اتوترت هبة وردت بتردد وهي بتبص لمراد 
اصلها كانت معدتها تاعباها قبل ما نيجي وشكلها كدة تعبتها تاني هروح اشوفها
سابتهم هبة ومشيت وكان واقف مراد قلقان علي سيلا بعد الكلام اللي قالته هبة
.......................
كانت واقفة سيلا قدام هبة وبتسمح دموعها اللي مش عارفة تسيطر عليها وهبة كانت بصالها وصعبان عليها اوي شكلها وحكتلها اللي قالته لمراد وجدها عشان تبرر هروبها منهم وفجأة هبة تنحت واتكلمت بهمس
الحقي يا سيلا مراد جاي علينا
اټصدمت سيلا ورفعت وشها وبصت لهبة وهي بتمسح دموعها بسرعة واتفاجأت بصوت مراد من وراها وهو بيقول بقلق 
سيلا انتي كويسة 
سيلا لفت وشها وبصت لمراد اللي شاف اثار الدموع في عنيها وقلبه اتقبض علي شكلها كدة فقالها بلهفة 
ايه ده انتي بټعيطي مالك في ايه انتي لسة تعبانة 
سيلا حركت راسها كذا مرة وردت بحزن 
لا اانا كويسة بقيت احسن
هبة اتدخلت وقالت بكدب وهي بتشاور بعيد عشان تسيب مراد وسيلا لوحديهم 
انا جاية حاضر جدو بيشاورلي هروح اطمنه عليكي
مشيت هبة وسابتهم لوحديهم وسيلا بصت لمراد بحزن وعتاب شافه هو في عنيها وبعدين نزلت وشها وبصت بعيد عنه فاستغرب مراد وقالها بتررد
مالك يا سيلا حاسس انك مش تعبانه زي ما بتقولي وانك زعلانة من حاجة مني انا بالتحديد 
كشرت سيلا باستغراب ورجعت بصت لمراد تاني وهي بتسأله باندفاع 
وانت عرفت منين 
اتوترت سيلا اول ما قالت كدة ۏلعنت غباءها واندفاعها اللي خلاها تنطق وانتبهت لمراد اللي ابتسم علي سذاجتها ورد بهدوء 
شوفتي بقي انك فعلا زعلانة ومني انا اصل انا شوفت في عنيكي وانتي بتعاتبيني بيهم
غمضت سيلا عنيها بحزن وبعدين قررت تنسحب فردت بهدوء 
لا حضرتك فهمت غلط بعد اذنك
كانت سيلا هتمشي بعد ما قالت كلامها بس اتفجأت بمراد وهو بيمنعها لما مسك ايديها وهنا حست سيلا بقلبها وهو بيدق پعنف وكأنه هيخرج من مكانه لفت وشها وبصت علي ايد مراد اللي ماسكة ايديها ورفعت عنيها وبصتله فقالها بابتسامة جذابة 
ماهو انا مش هسيبك تمشي غير لما اعرف انتي زعلانة مني في ايه وكله من وقتك علي فكرة انا صبور جداا
سحبت سيلا ايديها بهدوء وردت بحزن وهي باصة في عيون مراد وكأنها بتحكيله الحقيقة بعنيها 
انا بس اتفاجئت بموضوع العروسة دي اللي انت بتدور عليها اصل كنت مفكرة اننا صحاب زي ما قولتلي قبل كدة
كان مراد باصص لسيلا بغموض وبيحاول يفهم من عنيها الحقيقة ورد بهدوء 
بس كدة انتي متأكدة ان هو ده السبب يا سيلا
اتوترت سيلا وحركت راسها بايجابية فضحك مراد وقالها بهزار 
افهم من كدة انك انتي عندك العروسة 
ابتسمت سيلا ردت بغموض وهي بتربع ايديها وبتبصله بثقة 
مين عالم مش يمكن اقدر اساعدك 
استغرب مراد وسأل سيلا وهو بيبصلها بفضول 
طيب ممكن اعرف هي مين دي اللي حضرتك جايبهالي واوعي تكون طفلة زيك
رفعت سيلا حاجبها اول ما قال اخر كلامه وبصت لمراد باستنكار وردت عليه بتلقائية من غير ما تحس 
لا هي مش

---

ذيي دي انا فعلا ولا منفعش ...يتبع
ده جزء صغنون كدة لو عجبتكم وجابت تفاعل هكملها 
بقلمي_اسراء_ابراهيم
عشقته_اربعيني
اسكربت 
الجزء الثاني والاخير 
عشقته اربعيني
اټصدم مراد وهو باصص لسيلا ومقدرش يرد من صډمته لانه مكنش متخيل انها بتتكلم عن نفسها وانها هي العروسة اللي عايزاه يتجوزها كانت سيلا بصاله بتوتر وخوف وقلق من رد فعله لانها مكنتش متخيلة انها ممكن تتجرأ وتقوله كده استنته يتكلم بس هو كان بيبصلها ومصډوم وتعابير وشه مش مبينة ايه اللي بيدور في عقله كان اخيرا هينطق بس قطع كلامه دخول نور بنته اللي بتقول بضيق 
حضرتك هنا يا بابا وانا بدور عليك من بدري
بصت نور لسيلا بغرور وبعدين كملت كلامها وقالت بسخرية 
ايه يا بابي هو انت مش دايما بتقولي صاحبي دايما اللي من سنك ايه اللي خلاك تقف مع
نووور 
قالها مراد بحدة وهو بيبص لنور بنته بتحذير وكانت متابعاه سيلا بحزن لان نور قللت منها اوي قدامه وانه عمره ما هيفكر فيها سابتهم سيلا ومشيت من قدامهم وهي بتمنع دموعها تنزل وقربت من جدها وقالتله انها تعبانة ومشيت بسرعة ولما دخل مراد ودور بعنيه عليها مالقاهاش فنفخ بضيق وهو بيقعد عالكرسي وبيفكر في اللي هي قالتله ومش مصدق ان سيلا ممكن تكون بتتكلم جد كان عقله متشتت من فكرة انها تكون فعلا عايزاه يتجوزها وبقي يسأل نفسه ليه عملت كدة وانها شايفاه ازاي واسألة كتيرة دارت في دماغه وشوية وساب كل حاجة وطلع اوضته عشان يعرف يفكر كويس
.........................
غلطانة يا سيلا مفيش واحدة عاقلة تعمل اللي عملتيه ده
قالت كدة هبة وهي بتقعد قدام سيلا عالسرير وبعدين كملت بحدة 
انتي عارفة انتي عملتي ايه وعارفة هو شايفك ازاي دلوقتي يا سيلا انتي مش صغيرة ولا مراهقة عشان تخلي عواطفك تتحكم فيكي بالطريقة دي ليه تعملي كدة
ردت سيلا بدموع واندفاع وهي باصة لهبة وبتتكلم بسرعة 
اديكي قولتيها انا مش صغيرة ولا مراهقة يا هبة يبقي ليه لا ليه مليش حق الاختيار واني اختار الانسان المناسب ليا من وجهة نظري كلام الناس مش فارق معايا كلامهم انا كل اللي يهمني سعادتي واللي انا متأكدة انها مش مع اي حد غير مراد وبس وبعدين ايه يعني انا عندي 28 سنة وهو اربعين انا راضية ليه الموضوع واخد حجم كبير اوي كدة وليه مبقاش في اختياراته يا هبة ليه مش شايفني زي ما انا شايفاه 
كانت هبة باصة لسيلا وهي مش مقتنعة بكلامها بس في نفس الوقت صعبانة عليها سيلا واللي هي فيه اتنهدت بحيرة وردت بهدوء وهو بتمسك ايدها 
خلاص يا سيلا اللي حصل حصل بس انتي لازم تعرفي وتكوني عاملة حساب اي حاجة ممكن تحصل او ان رد فعل مراد ممكن ميكونش زي ما انتي بتتمني انا بس بقولك كدة عشان مش عايزاكي تتوجعي لو مراد صدك وقالك انه مش شايفك غير انك زي بنته
سيلا قلبها اتقبض وقالت پخوف وقلبها بيدق پعنف من التفكير ان فعلا ممكن يحصل زي ما هبة قالت وقالت بهمس 
اكيد مراد مش هيعمل كدة معايا
.........................
كانت نازلة سيلا تاني يوم عشان تروح شغلها بس كان باين عليها الارهاق لانها يعتبر منمتش خالص من كتر التفكير في اللي حصل امبارح مع مراد خرجت من العمارة بتاعتها بس اتفاجأت بمراد قدامها وهو واقف قدام عربيته وساند عليها ومستنيها تنزل وقفت مكانها پصدمة وقلبها كان بيدق جامد وحاولت متتوترش لان دي حاجة متوقعة بعد كلامها ليه امبارح قرب مراد عليها ووقف قدامها وكان بيبصلها بتقييم ولاحظ انتفاخ عنيها ووشها المرهق وكانت سيلا بتوه بعنيها بعيد عن نظراته ليها لحد ما لقته بيقولها بهدوء
يلا بينا يا سيلا 
سيلا اټصدمت وبصت لمراد بسرعة وهي بتقوله بتوتر 
يلا علي فين بس انا مش فاهمة حاجة
مراد بعد ما كان مشي خطوتين لف وشه ليها وقالها بحيرة شافتها في عيونه 
احنا لازم نتكلم يا سيلا وانتي فاهمة انا اقصد ايه كويس اوي ولا ايه
اتوترت سيلا اكتر وبصت لعربية مراد وهي مش عارفة تعمل ايه بس اخيرا طاوعت مراد وركبت معاه بس في العربية من ورا فلف مراد وبصلها

---

وهو رافع حاجبه وقالها باستنكار 
علي اساس اني سواق الهانم مش كدة تعالي هنا جمبي
لعنت سيلا غباءها علي اللي عملته في نفسها وانها السبب في كل ده ونزلت وركبت جنب مراد بهدوء وهو طلع بالعربية
...........................
كانت قاعدة سيلا قدام مراد وبتحاول تتحاشي النظر لعنيه وهو كان ملاحظ توترها فاتكلم بجدية وهو باصص ليها 
ممكن اعرف معني الكلام اللي قولتيهولي امبارح بس اولا انا بعتذرلك علي الكلام اللي قالته نور ليكي انا حاسبتها عليه بعدين ها دلوقتي بقي فهميني انتي كنتي تقصدي ايه بموضوع انك العروسة دي 
سيلا مكنتش عارفة ترد تقول ايه او تجمع كلامها بس فكرت ان دي فرصتها الوحيدة ولازم تستغلها وتعرف اخر حبها لمراد ايه اتكلمت وهي بتبص لمراد بتردد وخوف من رد فعله 
ممكن اعرف انت شايفني ازاي الاول يعني ده السؤال اللي كل حاجة متوقفة عليه يا مراد 
مراد كشړ باستغراب ورد بجدية وهو باصص ليها و من جواه فاهم مشاعرها ليه دلوقتي بس فهم لاول مرة يركز في عنيها ويشوف فيهم كمية الحب دي يمكن الاول مكنش بيفسر اهتامها بيه غير احترام وود لكن دلوقتي عرف الحقيقة وعشان كدة حب ينهي كل حاجة من قبل ما تبدأ 
اعتقد اني طلبت منك استفسار مش انك تردي علي سؤالي بسؤال ولا ايه عموما انا هريحك وهقولك انا شايفك ازاي انتي بالنسبالي يا سيلا بنت رقيقة جميلة وصغيرة لا يمكن هبصلها او افكر فيها لانها بالنسبالي صغيرة يمكن انتي اجمل بنت شوفتها في حياتي بس زي بنتي اه هي اصغر منك بشوية بس ده ميمنعش انك برضه صغيرة ولا يمكن هتكوني بالنسبالي اكتر من كدة وانا همنع عنك الحرج وهعمل نفسي مسمعتش الكلام اللي قولتيه امبارح بس 
بهتت ملامح سيلا وردت باندفاع ومشاعرها مسيطرة عليها 
بس يا مراد هو ده انا عندك تمام بس قبل ما امشي هقولك انت ايه عندي ووقتها اعتبر كأني مقولتش حاجة انت بالنسبالي الانسان الوحيد اللي قلبي دق ليه بالنسبالي حب عمري اللي عشت سنين وحبه بيكبر جوايا بالنسبالي الامان اللي طول عمري بدور عليه كنت بحبك لدرجة اني شايفاك احسن راجل في الدنيا وانا ناضجة كفاية عشان اميز الحب والاحتياج وبقولك ان مفيش راجل قدر يملي عيوني غيرك بس للاسف انا مكنتش بالنسبالك غير عيلة صغيرة بتعاملها بشفقة بعد اذنك يا مراد
قامت سيلا ومشيت بسرعة ودموعها بتنزل وكأنها بتواسيها علي چرح قلبها اتمنت لو يكون بيبادلها نفس الشعور اتمنت لو بس يديها فرصة ويحاول يشوفها بطريقة تانية اتمنت لو مكنش قال اللي قاله وساب باب بينهم مفتوح بس للاسف هو قفله من قبل ما يتفتح وفي نفس الوقت كان قاعد مراد وحاطط وشه بين ايديه پصدمة مش متخيل انها حبته اوي كدة مش مصدق انها رغم فرق السن اللي بينهم ممكن تكون شايفاه بالطريقة دي زعل من نفسه عشان جرحها بكلامه بس هو عمل كدة عشان ميديهاش امل انه ممكن يفكر فيها لانه عارف ان بكل المقاييس مش هينفع اوله انه هيكون بيظلمها لانها صغيرة وتستاهل حد يكون من سنها وتاني سبب انه عمره ما فكر يبصلها بالطريقة دي وده في حد ذاته مخلي الموضوع مستحيل بالنسباله نفخ مراد بضيق وهو بيفكر في اللي عمله وبيحاول يقنع نفسه انه عمل الصح
.....................
عدي شهر علي الاحداث اللي حصلت كانت فيهم سيلا بتحاول تعالج نفسها وروحها من حب مراد بعد صډمتها فيه يمكن اكتر حاجة ۏجعاها انها كان عندها امل انه عالاقل يحاول يحبها زي ما هي حبته او يشوفها بنظرة تانية غير نظرته ليها دايما بس للاسف هو نهي كل حاجة من قبل ما تبدأ اتنهدت سيلا وهي قاعدة علي مكتبها وباصة قدامها بشرود لحد ما قرب منها العميل اللي عليه الدور قعد قدامها وعلي وشه ابتسامة جذابة 
لو سمحتي كان في مشكلة في الفيزا بتاعتي وكنت عايز اعرف ليه حصل كدة
ابتسمت سيلا بهدوء وبدأت تشوف شغلها وهي بتحاول تنسي اللي حصل وبما ان الشاب ده دمه خفيف ومعجب بيها فكان بيكلمها بطريقة لطيفة

---

خلاها تضحك بجد من قلبها يمكن كانت قربت تنسي ضحكتها دي من وقت اللي حصل خلصت مشكلة الفيزا بتاعته وكانت بتتكلم معاه بخصوص الشغل وهو بيرد عليها بكلام يضحكها بيه بس قطع كلامهم وقوف مراد قدامهم وهو بيبص لسيلا بنظرات كلها ڠضب اټصدمت سيلا اول ما شافته قدامها وابتسامتها اختفت وفي نفس الوقت اتكلم الشاب بضيق 
انا لسة مخلصتش يا استاذ انت اتفضل استني دورك
بصله مراد بحدة وقرب منه واتكلم بهمس 
انا هقولك الاول بيني وبينك لو مقومتش دلوقتي ومشيت من هنا انا هخلي شكلك وحش قدامها والقرار في ايدك
خاف الشاب وقام بسرعة وبص لسيلا بتوتر وقال وهو بيلم اوراقه من عالمكتب 
خلاص تمام كدة يا انسة اانا مش محتاج حاجة تاني
استغربت سيلا كلام الشاب وكانت متابعاه بعنيها وهو بيلم حاجته ومشي وانتبهت لمراد اللي قعد قدامها عالكرسي وهو بيقولها بهدوء 
ممكن اعرف ايه اللي انتي كنتي عاملاه دلوقتي ده 
اتوترت سيلا وحاولت تتجاهل قلبها اللي بيدق اول ما عنيها جت في عيون مراد وردت بجدية وهي بتهرب بعنيها وبتبص للاب توب 
هو ايه ده اللي عملته يا استاذ مراد
مراد قبض علي ايديه پغضب ورد بټهديد لما سيلا هربت بعنيها بعيد عنه 
بصيلي يا سيلا وانا بكلمك والا صدقيني هعمل تصرف مش هيعجبك وانتي عارفاني كويس
اتوترت سيلا ورجعت بصتله من خۏفها احسن يتصرف پجنون 
نعم حضرتك عايز ايه مني دلوقتي 
مراد وهو مركز في عنيها اللي باين فيهم الحزن 
عايزك يا سيلا
اټصدمت سيلا وهي باصة لمراد وقامت من مكانها وهي بتقول بتهتهة 
حضرتك بتقول ايه يعني ايه عايزني انا مش فاهمة كلامك
قام مراد هو كمان وقرب من سيلا وقالها بثقة وهو بمسك ايديها 
يعني بطلب منك دلوقتي انك تقبلي تتجوزيني
قلب سيلا كان بيدق جامد اوي مهما كان السبب اللي جاي عشانه مراد متوقعتش انه يكون جاي يتقدملها سحبت ايديها بتوتر وردت بحزن وهي بتبص في عنيه 
وايه الجديد ايه اللي اتغير يا استاذ مراد عشان تطلب تتجوزني دلوقتي معقولة نظرتك فيا اتغيرت رغم اني فاكرة كويس انك قولتلي انها عمرها ما هتتغير
قالت سيلا كلامها الاخير بدموع مقدرتش تسيطر عليها ووجعت بيها قلب مراد اللي قبض علي ايديه پغضب من نفسه وانتبه لسيلا اللي كملت كلامها وردت بحزن وهي بتبص لزمايلها اللي بيبصولها باستغراب 
لو سمحت امشي من هنا عشان عندي شغل ومينفعش وقفتك دي معايا
ملحقتش سيلا تكمل كلامها لما سحبها مراد من ايديها وراه واخدها وخرجو من البنك وراح بيها علي عربيته وركبها وركب هو كمان ومشي وكل ده وسيلا بتعترض وبتتكلم پغضب بس هو كان متجاهل كلامها لحد ما وصل نفس الكافيه اللي اتكلمو فيه اخر مرة ونزل وهي كمان نزلت معاه پغضب واول ما قعدو اتكلمت سيلا باندفاع 
انت بأي حق تعمل كدة وتاخدني بالطريقة دي وفاكرني عيلة صغيرة عشان تتعامل معايا كدة
وقف مراد علي جمب واتكلم مرة واحدة وهو باصص لسيلا
بصفتي جوزك يا سيلا انا هبقي جوزك ووقتها هيبقي من حقي اني اخطفك من الدنيا كلها
سيلا اتفاجأت من كلام مراد وقلبها كان مخطۏف وهي بصاله ومستغربة كلامه كانت بتسأل نفسها ايه اللي اتغير عشان يقول اللي بيقوله ده دلوقتي وكان متابع تعبيراتها مراد وحاسس بحيرتها فمسك ايديها واتكلم بحب 
انا عارف انك مستغربة اللي بيحصل وحقك بس اتمني تسمعيني يا سيلا انا لما عرفت انك بتحبيني وحصل المقابلة الاخيرة بينا خلتيني اشوفك بطريقة تانية حسيت بعد ما سبتيني اني ضيعت حاجة كبيرة اوي في حياتي انا الاول كان وجودك في حياتي بيسعدني بس مكنتش سامح لنفسي اني افكر فيكي بالطريقة دي يمكن عشان موجعش قلبي لما احلم بحاجة مستحيل تحصل ويمكن عشان انتي تستاهلي احسن مني تستاهلي شاب يكون من سنك وعشان مكونش بظلمك معايا وعشان الناس مش هتسيبنا في حالنا يا سيلا لو ده حصل بس لما عرفت قد ايه غيابك اثر فيا وفي حياتي وقلبي اللي كان مشتاقلك وصورتك اللي مفارقتش عنيا عرفت وقتها ان كل حاجة من اللي قولتهالك مش مهمة المهم اني اتأكدت
اني فعلا بحبك وخصوصا اما شوفتك بتضحكي مع الشاب بتاع انهاردة ده وكنت حاسس بڼار في قلبي واني كان نفسي اخبيكي عن عيونه واقوله انك ملكي انا وبس
سيلا كانت بتسمع مراد ومش عارفة تقوله ايه بس اللي هي متأكدة منه انها فرحانة من جواها يمكن كلامه ليها دلوقتي داوي جرحها منه ومحي كل اللي قاله في اخر مرة شافته فيها انتبهت لمراد وهو بيمسك ايديها فبصتله بحيرة قابلها هو بابتسامة رقيقة 
تتجوزيني يا سيلا انا بطلب منك انهاردة ده وانا عارف اني ممكن اكون اناني وانك تستاهلي فعلا احسن مني واني هواجه كلام كتير ونظرات اتهام من ناس كتير بس كله يهون عشانك يا سيلا وعشان حبي ليكي اللي بقيت متأكد منه وعلي فكرة انا اتكلمت مع جدك وهو وافق ورحب بالموضوع وقالي انه كان ملاحظ كل حاجة بس كان سايب كل حاجة للنصيب اعتقد كدة معندكيش مانع
سيلا للحظة خاڤت متعرفش ليه رغم ان دي اللحظة اللي اتمنتها طول عمرها بس هي دلوقتي خاېفة بس مش من حبها لمراد من ان كلام اللي حواليها يأثر عليهم وخصوصا بنته نور اللي مش متقبلاها وهي بعيدة عنه ما بال لو عرفت انها هتبقي مراته 
مراد انا خاېفه رغم ان قلبي طاير من الفرحة دلوقتي بس خاېفة خاېفة من رد فعل اللي حوالينا خاېفة من رد فعل نور يا مراد 
تبت مراد في ايد سيلا اكتر واتكلم بامان حسيته في صوته
انا مش عايزك تخافي طول ما انا جمبك واما بخصوص نور فانا اتكلمت معاها وانا عارف ومتأكد انها هتعترض بس مع الوقت صدقيني هتتأقلم لانها فعلا محتجاكي في الوقت ده يا سيلا انا بس مش عايز اسمع غير حاجة واحدة دلوقتي هو انك تكوني واثقة من حبك ليا وانك مش ممكن ټندمي عليه في يوم من الايام 
سيلا ابتسمت برقة وردت عليه وهي بتتنهد براحة 
انا عمري ما اندم علي حبي وعلاقتي بيك يا مراد لاني ببساطة عشت عمري كله اتمناك وانا بوعدك اني افضل طول العمر شايفاك زي ما انا شايفاك دلوقتي
مراد بصلها بعشق حاسس بيه لاول مرة من سنين وقالها وهو سامع دقات قلبه اللي بتأكد مشاعره ناحيتها 
وانا اوعدك افضل دايما شايفك حبيبتي وبنت قلبي اللي مكنتش اتخيل انها تكون ليا في يوم من الايام
تمت
بقلمي_اسراء_ابراهيم
مستنية رأيكم يا قمرات تفتكرو علاقة مراد وسيلا هتنجح بفرق السن اللي بينهم ولا لا واشوفكم في اسكربت جديد قريب