عروس_تحت_التهديد #إيمان_شلبي
شكلك حلو اوي بشعرك
كنت قاعده في اوضتي بقلب في الواتساب بملل وفجأه جاتلي ماسدج غريبه من شخص عمري ما اتكلمت معاه غير في حدود الشغل وبس!
فتحتها لقيته عامل ريبلاي علي الاستوري بتاعتي
حطيت ايدي علي بوقي پصدمه
يالهوي يالهوووي انا ازاي نسيت اعمله Hide
دخلت فورا علي الاستوري ومسحتها
في الحقيقه انا كنت منزله صوره ليا بشعري بس عملت Hide لكل الولاد اللي عندي معرفش ده بالذات ليه نسيت اعمله
ضړبت علي راسي بضيق
غبيه غبييييه
مش بتردي ليه
بلعت ريقي وكتبت وانا ايدي بتترعش
ديه مش انا
شافها ورد في نفس الثانيه
مع وصول أونصة الذهب إلى مستويات قياسية تجاوزت 2500 دولار، يجد المواطن المصري نفسه مضطراً لموازنة استثماراته بين الذهب واحتياجاته الأخرى، خاصة مع ارتفاع أسعار السيارات مثل تويوتا، هيونداي، وبي إم دبليو، مما يزيد من التحديات المالية التي يواجهها.
رديت بضيق
من فضلك ميصحش كده
بعتلي ايموشن رافع حاجبه
مالك زعلانه ليه انا مقولتش حاجه انا بقولك شكلك حلو
اخدت نفس عميق وغمضت عيوني ورديت بهدوء عكس البراكين اللي كانت جوايا
بص يا استاذ يونس انا نزلت الاستوري ونسيت اعملك Hide فمن فضلك بلاش كلام كتير في الموضوع ده وبلاش اسلوب الغزل الغير مقبول علي الاطلاق لو سمحت
شافها ورد ببرود
ياسلام يعني أنتي عملتي لكل الولاد Hide ونسيتي تعمليلي !
رديت بعصبية
وانا هكذب عليك ليه
رد بأيموشن بيغمز
تتأثر أسعار السيارات من شركات مثل مرسيدس بتقلبات أسعار الذهب وسعر صرف الدولار، مما يؤدي إلى زيادة تكاليف الإنتاج والاستيراد.
برقت پصدمه وفضلت اجز علي اسناني واهز في رجلي بغيظ وانا برد بكل عصبيه
انت بني آدم مش محترم
قولت كلامي وعملت بلوك فورا
اول ما عملت بلوك حسيت اني عايزه اعيط من الموقف اللي اتحطيت فيه
انا اول مره يحصل معايا حاجه زي كده في الحقيقه
انا اصلا اول مره انزل استوري بشعري!
دايما ماما تقولي اوعي تنزلي استوري ليكي بشعرك حتي لو بنات بس اللي هتشوفها
كنت بفضل اتناقش معاها وأحاول أقنعها أنه مفيش مشكله وكل البنات بتنزل بس هي كانت بترفض رفض قاطع وتقولي جمله عمري ما انساها أبدا
بالرغم من اني كنت بقتنع بكلامها لكن كنت ببقي حابه اعمل زي البنات
ببقي حابه أوري البنات اني جميله زيهم
ببقي نفسي اسمع كلمه حلوه من حد يغيرلي مودي
كان بيبقي في صراع جوايا بين كلام ماما المنطقي وقلبي
وفي النهايه فاز قلبي بجداره شديده وياريته ما فاز وياريتني ما نزلت الصوره!
بتعمليلي بلوك ليه
جاتلي ماسدج من رقم غريب مش متسجل عندي
قدرت استنتج أن هو مفيش غيره
يؤدي ارتباط أسعار الذهب وسعر صرف الدولار بتكاليف المواد الخام والاستيراد إلى تأثير مباشر على أسعار السيارات في الأسواق.
فتحتها ورديت المره ديه وانا عيوني بتلمع بالدموع
انت عايز مني ايه
عايز اعرف ليه عملتي بلوك
عشان انت مش محترم
بس انا مقولتش اي كلمه مش محترمه!
لا قولت ده غير أنك مش مصدقني ومفكر اني بنزل استوري عشان اوقعك في شباكي!
يعني انتي عايزه تقنعيني انك عملتي اخفاء لكل الولاد اللي عندك
والله العظيم ايوه
بس انت نسيت اعملك لو سمحت ارجوك صدقني
خلاص يا إيمان انا مصدقك
وعموما انا اسف
مسحت دموعي وانا برد بابتسامه بسيطه
حصل خير
بس نصيحه متنزليش صور ليكي بشعرك تاني حتي لو بنات بس اللي هتشوفها
حاضر
يلا تصبحي علي خير
وانت من أهله
صحيح نسيت اقولك
اتفضل
بكره عندنا اجتماع في الشركه وانا وانتي اللي هنشرح ال الجديد
رديت پصدمه
نعم ازاي
ازاي ايه
انا محدش قالي
انا لسه عارف بالصدفه وبعدين عادي انتي مش محتاجه تحضري حاجه كده كده أنتي متمكنه وانا واثق فيكي
اول ما شوفت جملته الابتسامه تلقائيا أترسمت علي وشي ورديت بخجل
تسلم يا يونس
يلا باي اشوفك بكره وفكي البلوك يا ست القموصه ها
حاضر باي
تاني يوم الصبح صحيت من النوم
لبست لبس فورمال يناسب اليوم
قميص ابيض وبنطلون قماش اسود وبليزر اسود
لبست جزمه كعب عالي بالرغم اني بكره الكعب بس كنت مضطره!
لبست الطرحه وخفيت شعري كله كالعاده وحطيت ميك اب خفيف جدا ونزلت من البيت
وصلت الشركه
كنت متوتره مكسوفه خاېفه عايزه اهرب
صباح الخير
كنت واقفه مستنيه الاصانصير وسرحانه في اللي حصل وفجأه اقتحم صوته المكان
غمضت عيوني جامد
دقات قلبي بقت في السما
جسمي كله اتنفض ولساني اتلجم
مكنتش عامله حساب اللحظه ديه!
إيمان!
الاصانصير وصل في اللحظه ديه
دخلت من غير ما انطق حرف وهو دخل ورايا
ولسوء الحظ أننا كنا لوحدنا
إيمان انتي مش بتردي عليا ليه
رديت بقوه عكس الرهبه اللي جوايا
نعم يا استاذ يونس
رفع حاجبه باستغراب
أستاذ يونس!
بصيت قدامي ورديت ببرود
اظن أن مفيش بينا عشم يخليني اشيل الألقاب
ابتسم ابتسامه باهته
انتي ليه بتتعاملي معايا كده
رفعت راسي وبصيت في عيونه لمحت فيها لمعه غريبه مقدرتش افهمها حزن حب لهفه !
قلبي اتنفض وبلعت ريقي بتوتر
ك كده اللي هو ازاي يعني
يعني ليه كل ما تشوفيني تتعاملي معايا بالطريقه ديه وكأني عدوك
وصلنا والاصانصير اتفتح
خرجت وانا برد بتوتر
ا انا ا انا بتعامل معاك في حدود الشغل مش اكتر و و...
بص في عيوني بقوه
اشمعني انا مع انك مقضياها ضحك وهزار وقله ادب مع الشركه كلها
برقت پصدمه من كلامه ومحستش بنفسي إلا وأيدي علي وشه
ا انت بني آدم حقېر وانا محترمه ڠصب عنك وعن اي حد يا....
مسك ايدي وهو بيجز علي أسنانه بغيظ
انا هدفعك تمن القلم ده غالي اوي
نفضت ايدي ورديت بشجاعه معرفش جبتها منين
طز فيك ووريني هتعمل ايه
ابتسم بخبث وهو وهز رأسه
وماله مترجعيش ټعيطي بقي ياشاطره
ايه اللي بيحصل هنا ده
لفينا احنا الاتنين لقينا المدير في وشنا واقف يبصلنا بنظرات غريبه وكلها شك!
ا احم ص صباح الخير يافندم
رد بجديه وهو بيقرب مننا وبيوزع نظراته ما بينا
اقدر افهم ايه اللي شوفته ده
رد هو بسرعه ولهفه
مفيش حاجه يافندم د ديه أنسه ايمان كانت بټضرب ناموسه واقفه علي وشى
ناموسه!!!
هز رأسه وهو بيبصلي بتوتر وتحذير
ااه مش كده يا انسه إيمان ولا ايه
رديت بصوت مبحوح
ا احم ا ايوه يافندم ا استاذ يونس بيقول الحقيقه
بصلنا لحظه وسكت بعدها لف ظهره ورد ببرود.
اتفضلوا ورايا انتوا الاتنين عشان عايزكم
مشي من هنا وانا ويونس بصينا لبعض پغضب وتحدي
رفعت صباعي في وشه بتحذير
اياك ثم اياك تتخطي حدودك مره تانيه وإلا....
قاطعني وهو بينزل صباعي وبيرد ببرود
وإلا ايه ياقمر
وشي احمر ورديت بعصبيه
احترم نفسك
رد بخبث
بس شكلك بشعرك يجنن فعلا
وشي احمر ووتيره نفسي زادت وانا برد بصوت مكتوم
حقييير
فتح الفون بتاعه وحطه في وشي ورد ببرود وتحذير
هعرض عليكي عرض لو رفضتي صورك كلها في اقل من دقيقه هتتنشر في الشركه كلها
حطيت ايدي علي بوقي پصدمه وعيوني بتلمع بالدموع
ا انت ا انت جبت الصور دي منين
ابتسم ابتسامه سمجه
ربنا يخلي الهكر بقي
عيطت وانا بقول بصوت مكتوم
ع عايز ايه
بص يمين وشمال بعدها قرب من ودني وهمس بنبره كلها خبث
نتجوز لمده شهر واحد بس
يتبع
البارت الثاني
اتنفضت وانا برجع خطوه لورا بذهول
نعم أنت بتقول ايه يامجنون انت!
ربع أيده في بعض ببرود
نتجوز لمده شهر واحد وبعدها هطلقك
ايه الجنان ده وهو في حد عاقل ممكن يوافق علي عرض زي ده!
رد بابتسامه خبيثه
اه يبقي عاقل لو وافق طبعا
مش احسن ما حياته تتدمر
سكتت لحظه وانا حاسه بضغط رهيب
كنت ما بين اختيارين احلاهم مر!
اوافق علي عرض سخيف زي ده واتجوز وحياتي تقف لمده شهر وبعدها اتطلق وابقي في نظر المجتمع مجرمه
ولا ارفض واتفضح وسيرتي تبقي علي كل لسان
ومهما حاولت ابرر وأقول إن مش انا اللي باعته الصور استحاله حد يصدقني
ولو واحد بس صدقني في الف لا!
ها قولتي ايه
رفعت عيوني اللي كلها دموع وانا بسأله بصوت مبحوح
اقدر افهم سبب عرضك السخيف ده
اممممم لا اسباب شخصيه
رديت بعصبية
بس انا من حقي اعرفها
رفع أكتافه ببرود
وانا من حقي ارفض انك تعرفيها
بص في الساعه بعدها مط شفايفه بلا مبالاه
عموما مش وقته نتكلم دلوقتي
بعد الشغل هستناكي في wave سلام ياقمري
مسابليش فرصه ارد واختفي من قدامي فجأة زي ما ظهر فجأة!
بصيت قدامي واخدت نفس عميق وانا بمسح دموعي بكل قوه
بس مش انا اللي اتهزم ولا أنا اللي اخاڤ
انا هرفض واللي عندك اعمله يا يونس
بعد نص ساعه انتهي الاجتماع وكل واحد راح علي مكتبه لحد ما فات حوالي ساعتين وانا ملهيه في الشغل وبحاول انفض دماغي من الافكار والسيناريوهات اللي مش رحماني
وأخيرا خلص الشغل وكل الموظفين روحوا حتي هو عرفت من واحده زميلتنا أنه مشي من حوالي ربع ساعه
اتنهدت بتعب وسندت ظهري علي الكرسي وانا متعمده أتأخر علي قد ما اقدر في الحقيقه
شويه والفون بتاعي رن برقم غريب
الو
الشغل خلص من بدري اقدر افهم انتي فين
ابتسمت ابتسامه خبيثه ورديت ببرود
وانت مالك
إيمان متعصبنيش
اتعصبت ورديت بضيق
انت
عايز ايه دلوقتي
خمس دقائق وتكوني عندي
قال كلامه وقفل في وشي
صړخت بصوت مكتوم وانا بجز علي اسناني
شويه وكنت واقفه علي باب الكافيه
فضلت ادور بعيوني علي يونس لحد ما لقيته
كان قاعد في ركن بعيد
قدامه فنجان قهوه
باصص علي البحر وسرحان
اخدت نفس عميق وقربت منه وقلبي مش مبطل يدق من الخۏف
اول ما وصلت لف وشه
وفي الحقيقه معرفش ازاي قدر يحس بوجودي!
شاورلي بهدوء
اتفضلي
سحبت كرسي وقعدت ورزعت شنطتي بعصبيه طفيفه
اقدر افهم انت عايز مني ايه يا يونس
سند بأيده علي التربيزه اللي كانت فاصله ما بينا وبص في عيوني ورد بكل برود
اظن انا قولتلك عايز ايه
اشمعني انا
رجع بظهره وهو بيرفع أكتافه
لانك بنت جميله محترمه ناجحه طموحه
فيكي كل المواصفات اللي اي شخص يتمناها
بأختصار انتي البنت المطلوبه في مهمتي!
مهمتك!
هز رأسه بتأكيد
اه
شبكت صوابعي فى بعض وسندت ايدي علي التربيزه برفعه حاجب وسخريه
وياتري ايه هي مهمتك
امممم بصي هو انا مكنتش ناوي اقول بس هقولك
رديت بسخرية
لا كتر خيرك
بصلي وسكت لحظه بعدها اتنهد وبدأ يحكي
قبل اي حاجه انا عايزك تشوفي ايدي
رديت باستغراب
مالها ايدك
قام وقف وبدأ يخلع الجاكيت بتاعه وانا ببصله باستغراب اتحول لذهول ودهشه اول ما شوفت أيده
حطيت ايدي علي بوقي پصدمه
ا انت ا انت ايدك مبتوره!
قعد مره تانيه علي الكرسي وهو بيهز رأسه بحزن
طبعا محدش لأحظ عشان الأيد الصناعيه اللي مركبها
بصيتله وسكتت
معرفش ليه حسيت بالحزن عشانه
وقتها سمعت صوتي قلبي وهو بيتكسر
ليه حسيت اني عايزه اعيط
ليه اتعاطفت معاه بالرغم أنه بيهددني وبيساومني اما الجواز أما الڤضيحه!
ابتسم بسخرية
مالك ساكته ليه
رفعت عيوني وانا ببص في عيونه وبسأل بحيره
ايه علاقه ايدك بالعرض بتاعك
اتنهد تنهيده طويله وكلها حزن وبص قدامه
من حوالي سنتين كنت خاطب بنت عمي كنا قصه حب من واحنا اطفال فتره الخطوبه كانت كلها حب ومشاعر وكان خلاص فاضل شهر واحد ونتجوز بعد قصه حب دامت اكتر من عشر سنين
وفي يوم كنت راجع من الشغل عملت حاډثه
غمض عينه جامد وسكت لحظه وملامحه بان عليها القهر
رديت بصوت مهزوز
ايدك اتبترت في الحاډثه ديه
هز رأسه وهو مازال مغمض عيونه وكمل بصوت مبحوح
وقتها كنت متوقع وجودها
فضلت استني يوم اتنين تلاته علي امل تيجي تزورني بس محصلش
سألت كل حد كان بيزورني عنها محدش كان بيقولي الحقيقه
اللي يقولي تعبانه اللي يقولي مش مستحمله تشوفك كده
اللي يقولي نفسيتها وحشه بسببك
كلام كتير مكنتش مقتنع بيه
ازاي تسيبني في وقت زي ده
ايه المبرر القوي اللي يخليها متجيش!
خرجت من المستشفي وبقيت كويس وقررت اروح عشان اعرف سبب غيابها وياريتني ما روحت
رديت بفضول
ليه ايه اللي حصل
فلاش باك
ا انتي إزاي متجيش تزوريني وانا تعبان
بصيتله ببرود
حمد لله علي السلامه يا يونس
حمد لله علي السلامه !!
هو ده اللي ربنا قدرك عليه
رفعت أكتافها ببرود
عايزني اعملك ايه يعني
رد بعصبيه ممزوجه بذهول
انتي ازاي بالبرود ده!
لو سمحت حافظ علي الفاظك
ا انتي ا انتي متأكده انك مريم اللي بتحبني وبحبها من اكتر من عشر سنين !
شبكت صوابعها في بعض وحطت رجل فوق التانيه
انا مش عايزه اكمل
رد پصدمه
ن نعم انتي قولتي ايه
قولت مش عايزه اكمل يا يونس
ع عشان ع عشان ايدي
ردت ببرود وقسوه
مقدرش اعيش مع واحد أيده مش موجوده
رد بصوت مبحوح
ب بس ب بس ده ڠصب عني يامريم
انا اسفه يا يونس بس بجد مش هقدر اكمل
قام وقف وقرب منها وعيونه بتلمع بالدموع
مريم متسبنيش انتي ا انتي عارفه اني بحبك ومقدرش اعيش من غيرك
وانا كمان بحبك بس مش هينفع صدقني
رد بعصبيه وجنون
اللي بيحب حد مش بيتخلي عنه
اوقات بنضطر نتخلي عن الحاجه اللي بنحبها لأنها بتأذينا
بتأذينا!!!
هزت راسها بتأكييد
وجودي معاك هيبقي أذي ليا صدقني
مش عايزاك تزعل مني وعايزاك تتأكد اني بحبك والله بحبك و .....
صړخ في وشها پجنون وڠضب
متحلفيييش اوعي تحلفي انتي كذابه انتي عمرك ما حبتيني مفيش حد بيحب حد بيسيبه عشان ظروف خارجه عن إرادته!
انتي ا انتي اكبر خدعه في حياتي
بعد عنها خطوه وهو بيمسح دموعه بقوه
هندمك يامريم
صدقيني هندمك علي كل لحظه حبيتك فيها
وهحب غيرك وهعيش حياتي وهنساكي وكأنك مكنتيش في حياتي
ابتسمت بسخرية
ده لو حد وافق بيك يا حبيبي
هتشوفي يامريم
باك
كنت قاعده بسمعه بفضول شديد
ومع كل كلمه
بيقولها كنت بتصدم!
صحيح الحب بيبان في المواقف
صحيح ممكن حد يقولك بحبك ويحسسك أنه ميقدرش يكمل حياته إلا بيك ومع اول ازمه تمر بيها يتخلي عنك وكأنه مكانش موجود من الأساس
المشاعر النظرات الكلام
كلها اشياء ممكن تتزيف
يونس بابتسامه حزينه
الحب طلع خدعه كبيره عكس ما توقعت!
مسحت دمعه شارده نزلت من عيوني وانا ببصله بهدوء
وانت عايز تتجوزني عشان تثبتلها أن في حد وافق بيك واتقبلك وحبك مش كده
هز رأسه بهدوء
والاهم من كل ده انك احسن منها في كل حاجه
بس مكانش ليه لازمه تعمل كل ده يا يونس
مش فاهم
تهكر فوني تهددني تساومني الجواز أو الڤضيحه
علي فكره كان ممكن تطلب مساعدتي وانا مكنتش هتردد اني اساعدك
تساعديني ازاي !
معرفش بس اكيد كنت هلاقي حل إلا الجواز
مش سهل علي اي بنت تتجوز وتتطلق بعد شهر
اشمعني اصلا مده الجواز شهر
مريم فرحها بعد اسبوع
وشهر وهتسافر هي وجوزها وكل العيله
لازم قبل ما تسافر اثبتلها اني مش وحيد وان في ناس متقبلاني
سكت لحظه وهو بيبصلي بعدها اتنهد بحزن
انا اسف مكانش لازم اتصرف بالطريقه ديه
صدقيني مش من طبعي أبدا اسلوب الټهديد
ب بس مكانش في قدامي حل غير كده
مسك الفون بتاعه وبدأ يمسح كل الصور قدامي
مسحت كل صورك ولو حابه تاخدي الفون وتتأكدي بنفسك اتفضلي وانسي العرض اللي قولتلك عليه وارجوكي سامحيني انا فعلا اسف
بصيتله لحظه وسكتت وانا بفكر في كلامه
يونس انا موافقه اتجوزك
بس اوعي تفتكر اني بقولك كده عشان خاېفه من تهديدك!
انا ببساطه كنت ممكن اروح ابلغ عنك واقول انك بتهددني
اومال موافقه تساعديني ليه
ابتسمت ابتسامه بسيطه وانا ببص قدامي
مغامره وانا بحب المغامرات
يتبع
الثالت
بارك الله لكما وبارك عليكما وجمع بينكما في خير وعلي خير
تم الجواز وأصبحت مراته رسمي قدام كل العالم
كان جوايا مشاعر كتير متلغبطه في الوقت ده
الكل كان حوليا بيباركولي علي خطوه أخدتها في وقت قياسي!
مكنتش قادره احدد انا زعلانه ولا فرحانه ولا مش فارق معايا ولا انا عايزه ايه بالظبط
كان قرار متهور مني
عواقبه مش هتكون هينه بالمره
جايز اخسر حاجات كتير من وراه
جايز اخسر وقتي مشاعري قلبينفسي
وخاصه وانا جوايا من فتره مش بعيده مشاعر مدفونه ليونس
أمتي ازاي ليه!
كلها اسئله مكانش ليها اجابه واضحه
مبروك
فوقت من شرودي علي صوته جنب ودني
لفيت راسي ورفعت عيوني في عيونه
الوقت كأنه وقف في اللحظه ديه
عيونه كأنها سحر بيجذب اللي قدامها
مكانتش ملونه ولا فيها أي شيئ يخليني انهار قدام حصونه لكن الدفا والحنان اللي شوفته فيها كانوا اكتر شيئ كفيل يخلي قلبي يدوب جوا قلبه
انتي كويسه
حط أيده علي ايدي وهو بيهمس بصوت هادي ورقيق
هزيت راسي ورديت بنبره مهزوزه
كويسه
بالمناسبه عايز اقولك علي حاجه
اتفضل
الفستان شكله يجنن عليكي
ابتسمت ابتسامه حزينه وانا ببص حوليا
مكانش ليه لازمه نعمل فرح في قاعه ونعزم الناس ديه كلها
رد باستغراب
ليه انتي مش زي البنات وحقك تفرحي وتلبسي فستان ويتعملك فرح في احسن قاعه!
بصيتله وسكتت لحظه وانا علي أخري والدموع بتلمع في عيني
جوايا كلام كتير محتاجه اقوله بس للاسف لا الوقت يسمح ولا حتي المكان
اخدت نفس عميق وبصيت في الأرض وانا بحاول معيطش قدامه ولا أبين ضعفي ومشاعري
رفع وشي بأيده وشبك صوابعه في صوابعي
بټعيطي ليه
هزيت راسي بلهفه
مش بعيط
مسح دموعي بطرف صوابعه
اومال ايه ده
بصيت في كل مكان إلا عيونه وانا بحاول اهرب من نظراته اللي محاوطاني
م مفيش د ده تراب دخل فيها
لف وشي مره تانيه واجبرني ابص في عيونه
ليه بتحاولي تهربي من عيوني
رديت بهمس وصوت مبحوح
يونس ارجوك
كان لسه هيرد بس اقتحم المكان صوت بنت
مبروك يا يونس
رفعت راسي انا وهو في نفس الوقت كانت بنت جميله واقفه قدامنا يمكن اجمل مني بكتييير!
رد بجمود
الله يبارك فيكي يامريم شكرا
بصيت ليونس بأستفهام وقبل ما يتكلم ويعرفني بيها هي سبقته
مبروك يا عروسه انا مريم بنت عمه وخطيبته سابقا
ابتسمت ابتسامه صفراء وبارده بالرغم من البراكين اللي كانت جوايا
الله يبارك فيكي ميرسي
حطيت ايدي في كتف يونس وسندت راسي عليه بدلال مصطنع
حبيبي مش هنرقص سلو
ابتسم بخبث وهو بيطبطب علي خدي
لا ياروحي مقدرش استحمل حد يشوف الجمال ده ويبص عليه غيري
قال جملته الاخيره وهو بيغمزلي بمشاكسه
ابتسمت بخجل ووشي كله بقي احمر من الكسوف وهي واقفه تبصلنا بغيظ
وصوت نفسها واصل لمسامعي!!!!
لفت وشها ومشت من قدامنا بخطوات سريعه لدرجه انها كانت هتقع اكتر من مره
اول ما بعدت كنت هشيل ايدي بس هو مسكها
خليها
رفعت عيوني في عيوني بتساؤل
هي ايه ديه
ايدك خليها ماسكه ايدي
بلعت ريقي وبصيت قدامي وسكتت
شويه وأصحابه جم اخدوه عشان يرقص معاهم وبعد مفاوضات وافق اخيرا الكئيب ابن الكئيبه
وطبعا طبعا اصحابي مسكتوش جم اخدوني عشان ارقص معاهم وبصراحه كده انا وافقت بسرعه عشان انا كنت مستنيه اليوم ده من زمان
بغض النظر عن ظروف الجواز
لكن هو يوم وهحاول استمتع بيه
ومين عالم يمكن ربنا شايلي خير من ورا الموضوع ده!
خلص الفرح وودعت اهلي واصحابي ونفسي القديمه وبدأت قصه جديده مع شخص كان مستحيل يجمعنا حديث غير عن الشغل وبس
دخلت البيت اللي كانت كل حاجه جاهزه فيه
كان شكله يجنن في الحقيقه
ذوقه في اختيار كل ركن عجبني
مكانش ناقصه اي حاجه إلا وجود شخصين يجمعهم قلب واحد
لكن للأسف مش كل الحلو بيكمل
لازم يبقي في شئ ناقص يعكر صفو الأشخاص
هي ديه الحياه
مش بتدينا كل حاجه زي ما بنتمنا
لكن مش معني كده انها بتسلبنا فرحتنا
بالصبر واليقين بالله كل حاجه مع الوقت بتكمل
واقفه عندك ليه
فوقت من شرودي ولفيت وشي لقيته قاعد علي الكنبه بعد ما قلع جاكيت البدله بتاعته
قربت منه وانا ركبي بتخبط في بعض وقعدت علي الكرسي اللي في وشه وحطيت وشي في الأرض بصمت تام
عايزه تقولي ايه يا إيمان
رفعت وشي وبصيت في عيونه وسكتت لحظه
بفكر اجاوب علي سؤاله ولا التزم الصمت!
إيمان في حاجه مضيقاكي
هزيت راسي بنفي وانا ببلع ريقي بصعوبه
لا
متأكده
يونس هو أخره اللي بتعمله ده ايه
رد باستغراب
مش فاهم
يعني انت هتستفاد ايه من جوازك مني
ھتحرق ډم مريم
يوم اتنين تلاته او حتي لمده شهر
عايز تثبتلها انها مبقتش فارقه معاك بالرغم من انها فارقه
عايز تضيع شهر من عمرك في منافسات وۏجع قلب علي ايه ده كله
هتستفاد ايه
مريم هتحن ليك
هتغير عليك
هترجعلك
بصلي وسكت لحظه بعدها اتنهد وقام وقف ورد بكل برود وجمود
اظن انتي وافقتي من البدايه علي عرضي واظن مش من حقك تسأليني كل الاسئله ديه
قومت وقفت وانا برفع عيوني في عيونه بعصبيه
وافقت تحت الټهديد!
نزل رأسه وبص في عيوني ورد بتحدي
اظن انا قولتلك أني مسحت صورك وكنت هديكي حريتك ومش هأذيكي بس انتي اللي اصريتي تساعديني
عيوني لمعت بالدموع ورديت بصوت مبحوح
ياريتني ما وافقت كان عقلي فين لما وافقت علي عرض سخيف زي ده
كان عقلي فين لما رضيت بالاهانه
سكت لحظه وجسمي بيتنفض بعدها رفعت عيوني وانا بهمس بصوت مهزوز
اصلا كان عقلي فين لما حبيت واحد زيك يا يونس
قولت جملتي الاخيره ورفعت طرف فستاني وطلعت اجري علي اقرب اوضه قابلتني وقفلت الباب بسرعه ودقات قلبي كانت سابقه دموعي!
ولإني باحبه بقيت راضية
اقبله على عيبه واعيش وياه
ولإنه مغفل مش عارف
إني بفوتله عشان حباه !
كنت قاعده علي السرير بعد ما بدلت هدومي ببجامه ستان بكم ومسحت الميك اب ولمېت شعري علي هيئه كحكه عشوائيه
ضميت ركبي في بعض وبصيت قدامي والدموع بتلمع في عيني
بقالي حوالي ساعتين علي الحال ده!
ساعتين مفكرش يدخل يسأل عني أو حتي يطيب خاطري
من جوايا كنت بلوم نفسي علي اعترافي بمشاعري
مكانش لازم يحصل أبدا
مكانش لازم أضعف
انا عمري ما كنت ضعيفه بالشكل ده
انا اكتر شخص جامد في مشاعره
عمري ما اعترفت بمشاعري لاي شخص إلا لو سبق هو واعترف!
جه هو حطم غروري
حطم كبريائي وفي ثواني اعترفت بكل اللي جوايا علي امل يحس بقلبي ويحن لكن للأسف الامل اتحول لكابوس
وفي وسط شرودي الباب خبط
مسحت دموعي بسرعه وقومت فتحتله
اول ما فتحت لقيته واقف قدامي وماسك صينيه عليها اكل ولابس بيجامه ستان نفس لون البيجامه بتاعتي!
اخد نفس عميق وهو بيمدلي ايده بالصينيه
انتي مأكلتيش حاجه من بدري قولت احضرلك العشا
حطيت وشي في الأرض ورديت بجمود
شكرا مش جعانه
لو سمحتي اتعشي الاكل ملهوش علاقه بأي حاجه
اتنهدت بقله حيله واخدتها منه لاني فعلا كنت جعانه جدا
متشكره
ابتسم ابتسامه بسيطه ولف وشه وكان هيمشي
يونس
نعم
قربت منه خطوه وبلعت ريقي بتوتر
ه هو انا لو طلبت منك تطلقني وتنهي اللعبه ديه توافق
هز رأسه بنفي وقالي رد مكانش متوقع علي الاطلاق!
لا يا إيمان مش هوافق لا
دلوقتي ولا بعد شهر ولا حتي بعد سنه وجوازنا مش هيكون لعبه ولا مجرد صفقه جوازنا هيبقي حقيقي
يتبع
البارت الرابع
لا اخفي عليكم سر انا زي اللي كان بيغرق ومفيش امل من النجاه وفجأه ومن حيث لا ادري ظهرلي طوق نجاه شدني لبر الامان !
او زي اللي كان في حفره عميقه والتراب هيخنقه وفجأه اتمدتله ايد وشدته
جمله يونس الاخيره كانت بمثابه طوق النجاه اللي رجع روحي للحياه من تاني
انت بتتكلم بجد
هز رأسه بهدوء
بتكلم بجد
ب بس بس ده مكانش كلامك من ساعتين!
هز أكتافه بحيره
غيرت رأي
رديت بسخرية
بالسرعه ديه
فكرت في كلامك
وبعدين !
لقيته مضبوط
انا فعلا مش هستفاد اي حاجه غير ۏجع القلب
بس انت ا انت مش بتحبني
قرب مني خطوه ومسك ايدي فجأه وبص في عيوني
بس انتي بتحبيني وقادره تخليني احبك
وانا اضمن منين انك هتحبني
مش جايز اعمل كل حاجه تخليك تحبني وفي الأخر موصلش لقلبك!
هتوصلي
ولو موصلتش يا يونس
لو ضيعت وقتي ومشاعري وقلبي وكرامتي وكل ما املك عشان اوصل لقلبك وفي الآخر موصلتش!
ياتري هعمل ايه
ياتري هستفاد ايه أني احارب بكل ما املك عشان علاقتنا تكمل وفي الآخر اطلع خسرانه حاجات كتير منها قلبي اللي مليش غيره
اخدت نفس عميق وانا ببص في الأرض وبفرك ايدي بتوتر
انا بحبك اه و وكنت اتمني لو اتقابلنا في ظروف احسن من كده وكنت اتمني لو نعيش قصه حب حقيقه ونتجوز بكامل إرادتنا ونعيش حياه هاديه ومستقرة
وبعدين مفيش حاجه اسمها يمكن هتوصلي!
في حاجه اسمها انتي وصلتي لقلبي من اول يوم اتقابلنا
مفيش حد ممكن يحب حد تاني لمجرد شفقه
انت محبتنيش من اول مره يبقي عمرك ما هتحبني ولا هوصل لقلبك مهما حاولت
يبقي ملوش لزوم نحاول واحنا عارفين النتيجه
طب ليه منحاولش جايز نقدر!
هزيت اكتافي بابتسامه حزينه
وجايز منقدرش
اتنهد تنهيده طويله ورد بهدوء
يعني ده اخر كلام عندك
ايوه
يعني مش عايزه تكملي حياتك معايا
ابتسمت بسخرية
مكانش في حياه من البدايه عشان تكمل يا يونس
سكت لحظه وبص قدامه بعدها بصلي بجمود
تمام يا إيمان اللي يريحك عن اذنك
لف وشه وكان هيمشي بس وقف لما انا ناديت عليه
يونس
افندم
بلعت ريقي بتوتر وهمست نبره مهزوزه
هتطلقني!
لف وشه مره تانيه ورد بجمود وقسوه
مش قبل ما الشهر يخلص واللعبه تنتهي
رديت بذهول
بس انت قولتلي انك غيرت رأيك
بس مقولتش أني هطلقك قبل شهر
تصبحي علي خير
جزيت علي اسناني وانا خلاص علي تكه واعيط
رزعت الباب برجلي بكل عصبيه وصړخت بصوت مكتوم
حقيررررر بكرهك بكررررهك وبكره اليوم اللي شوفتك فيه
تاني يوم الصبح صحيت من النوم علي صوت ميوزيك بحبها جدا
تقريبا مش بسمع غيرها!
بصيت حوليا باستغراب لقيتني في اوضه غريبه
غمضت عيوني ثواني بحاول افتكر انا مين وايه اللي جابني المكان ده من اساسه!
وفجأة افتكرت كل حاجه
الاستوري اللي نزلتها الماسدج الټهديد الجواز اعترافي بمشاعري
شريط من الذكريات مر قدام عيوني في ثواني
غلطه واحده
قرار واحد بس شقلب كياني للأسوء بكل أسف
اتنهدت بحزن وشيلت الغطا من عليا وقومت وقفت قدام المرايه وظبطت شعري وخرجت من الأوضه
اول ما خرجت وقفت مصدومه من اللي عيوني شيفاه!
كانت الصفره عليها فطار
مرصوص بشكل يجنن في الحقيقه
وصوت الميوزك بيسري في الشقه
ويونس واقف بيحط ورد في الزهريه وبيدندن بكل روقان وكأنه عاشق!!!!
فتحت بوقي ببلاهه ورمشت بعيوني بذهول
كان مشهد رومانسي يشبه الافلام أو الروايات اللي بنقرأها
مشهد كنت اتمني أعيشه طول عمري لكن مع شخص انا اختياره الاول والاخير
صباح الخير
فوقت من شرودي علي صوته وهو بيقرب مني وبيمدلي أيده بورده حمراء لوني المفضل
بلعت ريقي بتوتر ووشي احمر واخدتها منه وايدي بتترعش
ص صباح النور
مسك خصله من شعري وحطها ورا ودني وهو بيبتسم برقه
يلا اغسلي وشك عشان تفطري معايا
رديت ببلاهه
مين اللي يفطر
انا وانتي ياقمري
حطيت ايدي علي جبينه بتلقائية
انت تعبان
هز رأسه بنفي وتوتر
لا انا كويس ويلا بسرعه قبل الاكل ما يبرد
كان هيلف بس انا مسكت أيده واجبرته يبص في عيوني
يونس انت بتحاول توصل لأيه بالظبط
لقلبك
ابتسمت ابتسامه باهته وانا بهز راسي بيأس
انت شفقان عليا مش كده
لا مش كده يا إيمان
انا فعلا عايز اوصل لقلبك
رديت بعصبية والدموع بتلمع في عيني
توصل ازاي ومفيش غيرك جوا قلبي من اساسه !
ابتسم بهدوء وهو بيمسك ايدي الاتنين وبيضغط عليهم
اذا عايز فرصه واحده اثبتلك
انك هتقدري وبكل سهوله ټقتحمي قلبي
انا....
قاطعني وهو بيحط ايده علي بوقي
لو عندي شك واحد في الميه اني مش هحبك عمري ما كنت فكرت في الفرصه ديه
انا مش شخص اناني ولا مؤذي عشان ارهن حياتك بقلبي
إيمان انتي مسألتيش نفسك اشمعني انتي من ضمن البنات اللي اعرفها اختارتك
بصيت في الأرض بحزن وانا بفتكر كلامه وبكرره
لانك بنت جميله محترمه ناجحه طموحه
فيكي كل المواصفات اللي اي شخص يتمناها
بأختصار انتي البنت المطلوبه في مهمتي
قرب مني خطوه وبص جامد في عيوني
بس انا نسيت اقولك اهم حاجه في كل دول
ايدي اترعشت وجسمي كله اتنفض ورديت بتوتر وصوت متقطع
ا ا ايه هي
ان انتي البنت الوحيده اللي قدرت تخلي ده يدق من بعد مريم
قال جملته وهو بيحط ايدي نحيه قلبه وبيبص في عيوني بنظرات غريبه اظن حب!!
سحبت ايدي اللي كانت بتترعش ورجعت خطوه لورا وانا بهز راسي بنفي
لا انت بتكذب عليا
قرب مني الخطوه اللي بعدتها ومسكني من دراعي
انا مش بكذب
انا حاولت اتجاهل شعوري نحيتك
حاولت ادوس علي قلبي عشان متوجعش تاني
بس مقدرتش
حاولت اثبت لنفسي اني مش ممكن احبك
استغليت حوار الاستوري عشان اتجوزك
استغليت حوار اني عاجز وان حبيبتي سابتني عشان اكسب عطفك
رديت بذهول وصدمه
ليه كل ده
ساب دراعي واخد نفس عميق وكمل بحزن
كنت فاكر انه مجرد اعجاب ومع الوقت هيروح لحاله
كنت حابب تكوني قدامي عشان اثبت لنفسي اني مش ممكن احب حد مره تانيه لكن للاسف كلامك امبارح فوقني قعدت الساعتين بفكر
عرفت أن مش كل الناس زي بعض
قررت اني لازم ادي لنفسي فرصه واحب واتحب من جديد
قررت ارمي مريم ورا ضهري ومفكرش فيها من تاني
قررت اخلي جوازنا حقيقي مش مجرد صفقه أو لعبه وشهر وتنتهي وارجع لنقطه الصفر من تاني!
اول ما خلص كلامه وقف اسقف بسخريه والدموع نازله من عيوني
لا برافووو حقيقي برافو عليك ضړبت عصفورين بحجر واحد
بجوازك مني قدرت تثبت لمريم هانم انها مبقتش فارقه خلاص وكنت عايز تثبت لنفسك انك مبتحبنيش وأنه مجرد اعجاب ومش مهم أنا أولع انا وتولع مشاعري وتولع كرامتي!
انت بني آدم اناني
بني آدم مؤذي
علي قد ما حبيتك علي قد ما أنا دلوقتي بكرهك وشيفاك ولا حاجه يا يونس
اوعي تفتكر أن الكلمتين دول هيخلوني افرح واقول الله ده طلع بيحبني زي ما بحبه وهيخلوني انسي اني كنت استبن أو سد خانه لا يابابا مش انا
إيمان اسمعيني بس انا.....
شاورتله بجمود
طلقني
إيمان
رديت بقوه وتحدي
بقولك طلقني يا يونس وحالا
اتنهد ورد بحزن
حاضر
سكت لحظه وغمض عيونه بعدها فتحها ونطق الجمله اللي رشقت في قلبي زي الخڼجر المسمۏم
انتي طالق
هيه جميله اوي حنينه وطيبه
جريئه وقريبه لكن مفيش رابط طلقت فراق صابت والعلا في المتصاب وعشان ما بينا صحاب ومابينا ناس تانين عارفين ان احنا كنا اتنين بس بخيال واحد خلينا متفقين نقول كلام واحد قسمه ونصيب وخلاص
بعد مرور شهر
كنت قاعده علي مكتبي في الشركه الجديده اللي اشتغلت فيها بعد ما سيبت شغلي اللي كان موجود فيه
بعد الطلاق
قررت انهي كل حاجه حاجه متعلقه بحياتي القديمه
بيتي شغلي قلبي مشاعري
قررت ابقي انسانه جديده تماما
قويه مستقله مشاعري جامده
مساء الخير
رفعت راسي من علي الورق اللي كنت بترجمه ولسه هرد الصدمه الجمت لساني
اتنفضت من مكاني بذهول
انت
ممكن ادخل
رديت بقوه وتحدي بالرغم من الرعشه اللي احتلت كياني
لا
وكأني سمحتله يدخل!
لقيته بيقرب مني وفي أيده بوكيه ورد احمر شكله يخطف القلب والعقل في الحقيقه
ي يونس انا قولتلك لا م....
قاطعني وهو بيشاورلي بهدوء
هما خمس دقائق مش هاخد من وقتك كتير
اخدت نفس عميق وانا بغمض عيوني وبحاول اسيطر علي مشاعري اللي اتجددت مره تانيه
اتفضل
مدلي أيده بالبوكيه بأبتسامه لطيفه
اتمني يعجبك
بصيتله ورديت بجمود
بمناسبه ايه
من غير مناسبه
قعدت علي الكرسي وانا ببص قدامي بكبرياء
اسفه مبقبلش هدايا من غير مناسبه
اتنهد بقله حيله وقعد علي الكرسي وحط البوكيه علي المكتب
لحد أمتي يا إيمان
رديت بأستغراب
مش فاهمه قصدك
قصدي لحد امتي هتفضلي تكابري
انا مش بكابر
إيمان انتي بتحبيني وانا بحبك واظن انا اتعاقبت بما فيه الكفايه وندمت ومحتاج فرصه واحده بس
انا كنت فاكر أن غيابك عني هيخليني انساكي
بس
عارفه المشكله ايه ف غيابك
ان انا حابك اكتر دلوقت
لو سمحتي اديني فرصه
واحده اعوضك عن اللي فات
انا بحبك والله العظيم مش عايز حد غيرك ومش فارقلي حد غيرك دلوقتي
كلنا بنغلط مفيش بني آدم معصوم من الغلط
وانا غلطان وعايز اصلح الغلط ده
وافقي ارجوكي
قام وقف ولفلي وقعد علي ركبه قدامي
اعتبري اننا نعرف بعض من اول وجديد
تقبلي تتجوزيني ونكمل حياتنا مع بعض بدون ما نفتكر الماضي
تقبلي تشاركيني الجاي من عمري
عيوني لمعت بالدموع وانا بهز راسي بموافقه
موافقه
مسك ايدي وباسها برقه
بحبك
وانا كمان بحبك
لو كنت اذيتك
انا اسف
اسف على قد مايرضيكي
وان عشت حياتي بقدم أسفي ومايكفيش
هافضل اقدمه
على قد ما ربنا يديني ف الدنيا واعيش
وان كنتي اذيتي انا مسامح
انا جايب بكره اتفاوض بيه
على حصة وجعك في امبارح
تمت
عروس_تحت_التهديد
إيمان_شلبي
