مياده
القصة حقيقية واقعية
ميادة
الحلقة__ 1
ممنوع النقل بدون اذن
اسمي ميادة عمري 23 سنة هاذا العام نسوتني .بابا وماما متوفيين دارو اكسيدو وانا في عمري عام قعدت عند واحد من عمامي بعدها بشي قليل عمي الصغير زوج وتكفل بيا رباني عندو كي بنتو كان نعم الاب كي هوا كي مرتو اللي نعيطلهم بابا وماما الحق نتاع ربي كنت انا العزيزة نتاعهم ومكان بيني وبين خوتي حتى فرق ولاحسيت في يوم باللي منيش في عايلتي حتا خوتي أسماء ولطفي كانو نعم الخاوة باختصار عائلة بشكل طبيعي ...كي كنت صغيرة بابا عمي حب يسويفيني عند طبيب نفساني ويخليني نعرف من صغري باللي هوا عمي وباللي بابا ماټ ربي يرحمو وباللي هوا متكفل بيا باه هذا الشيئ ميأثرش عليا كي نكبر وكيما كان الحال كبرت بصفة طبيعية ومتقبلة وضعي ونعرف حقيقتي وماكانش هذا الشي يديرونجيني من اي ناحية تالمو كي كان الجو اللي عشت فيه جو عائلي بكل معنى الكلمة
مع وصول أونصة الذهب إلى مستويات قياسية تجاوزت 2500 دولار، يجد المواطن المصري نفسه مضطراً لموازنة استثماراته بين الذهب واحتياجاته الأخرى، خاصة مع ارتفاع أسعار السيارات مثل تويوتا، هيونداي، وبي إم دبليو، مما يزيد من التحديات المالية التي يواجهها.
تتأثر أسعار السيارات من شركات مثل مرسيدس بتقلبات أسعار الذهب وسعر صرف الدولار، مما يؤدي إلى زيادة تكاليف الإنتاج والاستيراد.
لوكتاه انا راح نتعقد كليوم ديرلي مشكل في الثانوية زدت انا قتلو من نهار سكنو هنا وانتا تقولنا منحبكم داسروهم ماجمعو معاهم زادت لحقت هذي المشاكل بيناتنا رجعت ديما تسكتنا لشتا ضالمين ولامضلومين علاه متجيبلناش حقنا ولاتخلينا نحيبوه يخي انت اللي علمتنا منسكتوش على الحق والظلم بالصح مع هذو العباد حقنا راه راح ياحصراه .وهذو العباد ماشي مرة ماشي زوح اللي نسمحولهم في حقنا رانا حنا نسمحو وهوما يتفرعنو علينا تقول محرشين علينا ولا شارينهالنا ولاكشما كاينة حاجة وحنا معلابالناش بيها اعلمنا باه نعرفو صلاحنا قالنا بابا معليهش امسحوها فيا هذي المرة بالاك كي عاد باباهم مېت ومعندهم منين ېخافو خرجو متبليين بالصح نتوما حذاري على قد مايحبو يوصلولكم اجبدو عليهم منقدرش انا راجل نروح لمرا ونقولها احكمي في بناتك مجياش ولعود يهديهم ربيماما هنا مدارت حتى ردت فعل كانت غير تسمع بالصح من وجها باينة باللي تقلقت بصح مهدرتش حتى كلمة انا توسوست من ماما كي متهدرش سيرتو في الموضوع نتاع هذو العباد حتى كي نكونو وحدنا معاها ونجبدو عليهم تقولنا كيما قال باباكم بعدو عليهم واخطولهم الطريق والله يا الموضوع هذا غير فيه إن ويعيا ويبان كلش . لطفي كان في شمبرتو يقرا مسكين معندو حتى علاقة بهاذو الصوالح مزال صغير عيطت للطفي وحطينا العشاء ودهمنا وحد السكات الذبانة كي دور تسمعوها كل واحد واش كان في راسو بالصح علابالي تخمامهم كامل كان عند هذوك البشر .
الحلقة__ 23
ممنوع النقل بدون اذن
الجزء
كملت عامي هذاك وطلعتو وجبت لاليسونس فرحت ماما وبابا اسماء ثاني نجحت وهذا العام الدوزيام ثانوي نتاعها فاتو ليفاكونس بالخف قلت لبابا راني حابة نكمل ماستر قالي كيما تحب بنتي غير في قرايتك ديري واش تحبي ميستاهلش تشاوريني علابالي بيك فحلة وقادرة على شقاك . خلاصو لي فاكونس ولحق العام الجديد رحت انا وراوية نسجلو في الجاميعة هيا هذا العام اللخر وتسوتني وانا نكمل للماستر.... قاټلي مياة ميادة هذا ماشي جارنا .. وشكون جارنا ...مروان مول السوبيرات . .اااه هوا صح يادرا واش راهو يدير هنا ... بالاك جا لصحبتو لالا مضنيتس يبان واحد سيريو ولاه السيريو ميصاحبوش معرف جاني هكذا مهوش نتاع بنات ..حنا نهدرو عليه وهوا راهو يمشي صوابنا حتان لحق لينا ...لاح علينا السلام محبيتش نردهالو بصح راوية قامت بالواجب تستنى فيه غير وقتاش يهدر معاها البنات حبيت نسقصيكم على البرونش الفلاني ماستر وين نصيبهم ..وانا تخلعت وقلت في قلبي آاو هذا راهو يهدر على الفيليار نتاعي. طلعتلوحاجب وحبطت لاخر وانتا علاه تصقصي عليهم كشما تعرف واحد ثما مانعرف ماوالو نقرا ثما ...أه تقرا ثما واش تقرا نتا ماشي حال سوبيرات ولا جيت تتعلم الحساب باه ترد الصرف هه و من وقتاش وليت تقرا واونبليس ماستر !.وعلاه اللي حال سوبيرات ميقراشمذكورة قي القرآن وقيلا نزيد نعلمك مخلص لاليسونس وماجور دو برومو على الدفعة نتاعي ثاني وخمسة في عينيك بصح مكنتش ستابل هذا مكان بلوكيت العام حتان نكون ألاز و نرجع نسجل هاه وشوفت عينك هاني جيت نسجل اليوم .كسرت عيني عند راوية لقيتها متبسمة وعينيها يخرجو في القلوب قرصتها من ذراعها باه تفطن شوي درت ليه لقيتو يضحك .قتلو خير واش راه يضحك فيك
يؤدي ارتباط أسعار الذهب وسعر صرف الدولار بتكاليف المواد الخام والاستيراد إلى تأثير مباشر على أسعار السيارات في الأسواق.
قالي والو والو يابن عمي راح تاكلي العباد .تبسمتلو نص تبيسيمة وقتلو مالا روح كمل طريقك وروح تحوس على الصف نتاعك راك طولت هنا .قالي صحا ميرسي كي درتو فيا طريق إيه روح برك ...هوا راح وانا درت لهذيك رخستها واش بيك نتي حليتي فيه فمك هكذا تقول اول مرة تشوفي راجل اول مرة نشوف راجلاااا قولي اول مرة نشوف هذا الزين ههه ياخاه واشبيك هبلتي قريب تاكليه بعينيك حتى هوا فاق بيك ويفيق على روحو كون يقبل اليوم نروح نخطبو هه ضحكت عليها والله يانتي غير مهبولة صح .كملنا هذيك السمانة روح ورواح حنا مكناش دايرين إقامة باسكو كنا نقراو في نفس الولاية نتاعنا .حتى لنهار بدات القراية انا في ليكور وانا نشوف ف مروان جاي داخل وهابط مع الدروج في لومفي والبنات ثما بداو يكحلو عليه ويهدرو بين بعضاهم شوفي شوفي هذاك الزين قلت في قلبي كون غير ميشوفنيش باللي راني نقرا معاه ويعرف باللي هذاك النهار كذبت عليه ومحبيتش نوريلو وين يقرا...دخل حكم بلاصة انا تنفست قلت الحمد لله ماشافنيش تهنيت منو .غير فاتت هذيك الساعة حتى نلقاه وافق فوق راسي قالي صباح الخير ...ياماما عرفتو هوا هزيت راسي فيه درت روحي متفاجأة او واش راك دير هنا نتا وقيلا راك تبع فيا ...لاه نتبع فيك ماني نتبع فيك ماوالو ...يخي هذاك النهار قټلك واش نقرا...مالا هاني نقرا في الساكيو نتاعي ... وانتي واش راكي ديري هنا
..جيت نتعلم طبخ هه ..قالي اتمسخري بيا هكذاك اتمسخري ...وندور ونلقى نص بنات لومفي عينيهم علينا . هزيتلهم راسي نتاع واش كاين تتفرجو فينا ...قتلو روح روح عليا بركا مدرتلي النش الغاشي كامل راهو حاط ولهتو معانا ..أسمحيلي ديرونجيتك معايا ...السماح السماح وراح... بيني وبين روحي قلت انا علاه راني ناكل في المخلوق هكذا الحق نتاع ربي هوا يهدر بضرافة حتى كي ننشعو انا بكلامي يكمل يكون ضريف ويزيد يطلب السماح تقول ماهو خو هذوك الكلبات اللي السم يقطر من فامهم ..ديجا واشهمني فيه يستاهل واحد ماقالو ارواح احكي معايا هوا يعرف باللي عندنا حساسية من بعضانا وانا مراحش كل دقيقة نقعد نتبسملو قالك اضربو يعرف مضربو.
مي__ادة
الحلقة__ 4
ممنوع النقل بدون اذن
كملنا هكذاك كل يوم نتلاقاو صحا صحا حتى وحد النهار جاتني وحدة تاكل في روحها معلاباليش وشكون وصللها باللي انا راني مع صاحبها وجات تاكل في روحها .هوا صح كان كل يوم يجي يشارشيني ويحبني نكون معاه وانا محبيتش ومن باعد راح كمل معاها واللي يقراو معانا كامل علابالهم بالي كان يحوس عليا ومحبيتش نقبل بيه ولا راح رجع اونكوبل معاها بالصح عينيه مزال حاطهم عليا كون بصيب ياكلني بعينيه حتى انا منيش قليلة في الزين اللي يشوفني يحل فمو عينيا خضورة حشېش والزين ولاطاي مخصني والو عطاني ربي من نعمة الزين والحمد لله بالصح جامي ولكان تغريت بيه ...بالعكس علمنا بابا التواضع وكبرنا عليه. المهم جات تعرش وتاكل في روحها قاټلي اسمعي اسمعي ماكي طالقة حتى واحد .....واشنوو...قاټلي شافوك مع صهيب واش تحوسي من عندو ....انااا!!! مع صهيب علاه ملقيت مانقضي وديجا وشكون راهو سامع بيك بصهيب نتاعك شمخو بعضاكم .....جيت ماشية وصهيب نتاعها وقف قدامي قدم وجهو لوذني وقالي..يخي قټلك ندمك صار انا متقبليش بيا اتاريه هوا اللي مخرج عليا هذيك الاشاعة... قتلو منقبل بيك لا اليوم لاغدوة ومنيش هازتك من ارضك ولا معبرتك نتا المستوى نتاعك هذيك وشورت على هذيك اللي جات تاكل في روحها حكمني من ذراعي وبديت نعيط و نقولو اطلقني يا وحد الكلب وكبرت بيناتنا وتلم علينا الغاشي .معرف منين جاتو هذيك البونية ونشوف مليح ونلقى مروان حاكمو دارو تحتو وبدا عقاپو بالبونية حتى سلكوهم من بعضاهم ..قالو مروان نزيد نشوفك دور بيها ماتلوم غير حالك اليوم خلاصت عليك بضربات خفاف المرة الجاية نسيحلك دمك ...جاو ليزاجو طلعونا للادارة قالنا المدير واش هذي حلبة الملاكمة حلت هنا .وانتي واش راكي ديري معاهم.... زرب مروان هدر قالو هيا خاطيها انا اللي تقابضت مع هذا على جال افار نتاع دراهم كان يسالهملي ومحبش يصبرني نرجعهملو وتخنزر في صهيب حتى صهيب قال نفس الهدرة قالي المدير ونتي لاه جابوك معاهم ... مخلانيش قاع نهدرمروان وقالو كانت تتفرج مع الغاشي لتحت حسبوها معانا ..قالي مالا روحي بنتي روحي ...خرجت وجيت هابطة وليت قلت نستناه هنا خير نطلب منو سماح
مي__ادة
الحلقة__ 5
ممنوع النقل بدون اذن
بقيت نستنا فيه في الدروج حتى نسمع فيه يقول لصهيب نزيد نلمحك دور بيها والله ماتسلك مني انتا ولا واحد اخر ..لقاني نستنى فيه في الدروج هذاك شاف فيا ولا فات ديراكت و هوا قالي واش لاباس.. لاباس بصح و علاه درتلو هكذا قالي واش درت... هذاكامل و واش درت على كل حال اسمحلي دخلتك في المشاكل.. وميرسي كي سلكتني قدام المدير.. قالي مدرت والو كون جات اي وحدة اخرى في بلاصتك ندير نفس الشيئ معاها ....معلاباليش لاه معجبنيش الحال كي قالي هذي الهدرة ورجعني كيفي كيف اي وحدة تقرا معانا . وانتي لاه تجيبي المشاكل لروحك...ماشي انا اللي نجيب المشاكل هوما اللي يجيو ليا ورجعت نبررلو ومن باعد فقت بروحي قتلو وانت واش دخلك وديجا مقلتلكش اتقابض معاه انت اللي حبيت دخل روحك كنت قادرة نفري المشكل نتاعي وحدي .ورحت وخليتو وليت نعاود في هدرتو ونعوج في فمي كون جات اي وحدة في بلاصتك ندير نفس الشي معاها .لحقني واش بيك تهدري وحدك ...اااااه وقيلا سمعني..مبيا والو.... شوفي راكي تعرفي الحالة في الجاميعة وعقلية لي جون خفيفة شوي وانتي ربي يبارك راكي وردة اي واحد يتمناك ولا يتبلاك مالا نتي اجبدي روحك عليهم ولهاي بقرايتك وكشما يخصك راني هنا متنسايش باللي راكي جارتي والجار وصى عليه النبي عليه الصلاة والسلام وهذي الهدرة نتاع معندو مدخلك متزيديش تعاوديها انا كي نشوفك محتاجتني ندخل روحي فيك بلا منشاورك صحا هيا اتهلاي في روحك وباي .... وراح ....واش بيه هذا ميخلينيش حتى نهدر بصح عجبني الحال منو نمشي ونتبسم وحدي كي البهلولة وقعدت هدرتو تتعاود في راسي حسيت واحد راهو في كتافي يدافع عليا ومنيش وحدي ...روحت للدار وصورتو مفارقتش بالي دقيقة وليت نخمم
فيه وفي هدرتو رجعت كل دقيقة نطل على التاقة باه نشوفو وهوا اللي كان جاري هذي المدة كامل بصح جامي لفتلي انتباهي ولا درتو في بالي ..ج
مي__ادة
الحلقة__ 6
ممنوع النقل بدون اذن
من هذاك النهار المسود رجعت نحب نشوفو نحب نحكي معاه منحبش نشوفو مجمع مع البنات قلبي يتزير عليا كي نشوفو مع كشمة وحدة سيرتو لاعادو وحدهم ااه ياربي واش راهو يصرا معيا ...بعد مدة تولهت باللي ديما نشوفو مع وحد الطفلة صباح عشوة يتفرقو غير الوقت نتاع القراية هيا تروح تقرا وهوا يدخل للومفي وانا رجعت منحملش هذا المنظر قدامي رجعت منيش مليحة خلاص مالغري مكاين بيني وبينو حتى حاجة بالصح الاحساس نتاعي انا مفهمتوش وراح نهبل علاه يصرالي هكذا كي نشوفو مع هذيك...العشوة كنت قاعدة في بيتي جات ليا راوية بنت عمي واش بيك ميادة مكيش تباني.. والو عيانة برك كشما جديد مكان حتى جديد هاكي تشوفي من القراية للدار من الدار للقراية .كي طلت على التاقة شافت مروان قدام دارهم .قاټلي حقا مروان يقرا معاك قټلها في قلبي كي راح من بالي جيتي انتي وفكرتيني فيه علاه راكي تسقصي عليه واش فكرك فيه .قاټلي كي شفتو تفكرتو . وانتي وين شفتيه هاهو وين راهو قدام دارهم و نطير من الكنابي جيت قدامها قټلها وين راه بلهفة.. مفقتش بروحي وهيا قعدت غير تتفرج فيا وانا نتبع فيه بعينيا حتى دخل . قاټلي ايه يالالا واشي هذا كي سمعتي باسمو وليتي سبايدر مان هه واش كاين ..مكان والو نقص يديا من الطرف للطرف الامكانش ريحة حب وغرام في الحكاية بركي من تبهليلك بركي واشمن حب و غرام نتاعك ميادة والله سيريو واش بيك الوقت الاخر هذا كامل مراكيش عاجبتني ماتباني ماجي لينا ماتطلعي عندي كون منجيش انا نطل عليك منشوفوكش مراكي زهوانية كي قبل. شفتي روحك في المري ولالاراكي صفرة كي حبة القارص تنهدت وقټلها راوية يخي علابالك غير نتي اللي تفهميني كي نحكيلك ايه يابنت عمي علابالي هاه قولي واش بيك..
مي__ادة
الحلقة__ 7
ممنوع النقل بدون اذن
شوفي وحد النهار تقابض مروان مع واحد يقرا معانا وحكيتلها القصة كاملة بالصح انا من هذاك النهار رجع يلفت انتباهي بشكل غير طبيعي طول الوقت نخمم فيه نحب نحيه من راسي بالصح ندور ندور ونعاود نلقاه في بالي رجعت نحب نشوفو نحب نحكي معاه ندور عليه بعينيا كي يجي يقرا نفرح بشوفتو وكي مايجيش يقرا نتحير عليه ويسماطلي نهاري كامل كي مانشوفوش وهذا الوقت الاخر رجع مع وحد الطفلة ديما راهو معاها ميخطوش بعضاهم يضالو لاصقين في بعضاهم وانا الصراحة معجبنيش الحال وشوفي ضك راني نحكي معاك وبالي راهو عندو ميادة تتوحشيها معلاباليش بالصح نحب ديما نشوفو والله يابنت عمي واش نقولك راكي طحتي في الراجل من رجليك لشوشة راسك وانتي لاخبر وشنهي هذي طحت فيه واش راكي تخرطي انتيراني نقولك راكي تحبيه وټموتي عليه ثاني ماشي غير تتوحشيه لالا ماشي لهذي الدرجة بالاك برك كي رجع يقرا معايا و والفتو هذا مكان ايه خلاص مالا علاه تتقلقي منو كي تشوفيه مع وحدة أخرى معلاباليش لاه بالصح منحبش تشوفو مع حتى وحدة نقولك روحي اجري على روحك نتي راكي تحبيه وارجعتي تغيري عليه من البنات .....غلبتني دمعتي ورجعت نبكي قلبي من داخل ضرني .حضنتني راوية وقاټلي ياعمري علاه راكي تبكي ضكا واش فيها اذا عدتي تحبيه يخي ماشي حرام ...نبكي ونقولها معلاباليش وقتاه دارها بيا قلبي الخداع .... خدعني وبلاما يشاورني وبلاحتى منسمحلو راح حبو وتعلق بيه ..انتي معلابالكش واش صعيبة تحبي واحد وهوا مهوش شايفك كانت اول مرة نعتارف لروحي ولواحد أخر باللي خلاص طحت في شباكو وحبيتو ... راوية قوليلي كيفاه ننساه واش ندير باه نحيه من راسي ... والله غير راني نتعذب سيرتو كي نزيد نشوفو مع هذيك الطفلة نقول كون غير يرجع بيا الزمان ونولي كيما كنت لشتا راهو قدامي بالصح مانشوفوش ومنيش متولهة منو وميعنيلي والو ...ااه يا راوية خيتي شوفيلي حل .. منشوفلك حل ماوالو ومافيها والو كي تحبيه بالعكس علاه متبينيلوش باللي تحبيه وبالاك يرجع معاك علاه متسييش زهرك معاه مدي لروحك فرصة وبالاك تنجح وانتي ربي يبارك عطاك ربي هذا الزين كامل مشكيتش ميطيحش فيك من نيتك نتي انا نقولك عاونيني باه ننساه واناي تحوسي توحليني فيه وتحوسي انا اللي روح نبينلو باللي راني نحبو ڼموت ومانديرهاش واشبيكي رجعتي متعرفينيش كلو كلو ولاكرامتي ونطيح بروحي ينعل بو الحب ...انا لازم نحيه من راسي ياميادة واش نقولك الحب راهو مغطيك حتال راسك واش تنحي واش تخلي.. وانتي دبري راسك اللي يخرج عليك ديريه حبيبتي....المهم انا جيت نطل عليك شفت خبارك غاصو قلت بالاك راكي
مريضة وانتي راكي مريضة بالحب...
مي__ادة
الحلقة__ 8910
ممنوع النقل بدون اذن
الجزء 8
راحت روحت راوية وخلاتني في دوامة قلت نحكيلها تنحي عليا وهيا جات زادت عليا ...كملت حياتي عادي نروح نقرا ونروح بالصح الشي اللي لاحضتو مروان موالاش مع هذيك الطفلة ومعدتش نشوفها معاه اكثر الاوقات يكون وحدو يخلط في تيليفونو ولا واقف مع ليجان اللي يقراو معانا .قلت في قلبي علاه منديرش كيما قاټلي راوية نبادر انا بالخطوة الاولى ونحي هذاك الحاجز اللي بيناتنا ومن باعد ندور في رايي اواه منيش انا اللي نطيح بروحي ونقص من قيمتي على جال راجل جاتني كبيرة انا اللي نروح نهدر معاه. قلبي يقولي روحي اهدري معاه قبل متزيد تلصق فيه وحدة اخرى ونرجع نمرض بيه وعقلي يقولي بالاكي تديريها وطيحي من قيمتك متنسايش روحك قررت نحكم في قلبي ونعفس عليه ونمشي بعقلي .
حتان وحد النهار كنت في المكتبة انا والبنات عندنا بحث نخدمو فيه ومعرفتو منين خرجلي ...لاح علينا السلام وقالي مادموزال ميادة معليهش نحكي معاك في وجهي مادرت حتى ردت فعل بالصح قلبي فرفر و راح يطير من بلاصتو راح ينطق اوووف هذا وين باه يهل هلالك هذا وين باه يحن قلبك عليا هذا وين شفتني .درت روحي ولا معبراتو واستلحمت احم..انعم كشما تحتاج ..ايه نحتاجك ترونديلي سارفيس ومننسالكش خيرك هاذا اذا حبيتي .ايه تفضل معليهش تجي معايا دقيقة وانا في قلبي منجيش معاك غير دقيقة نجي معاك العمر كامل والله معرفت روحي وكتاه حبيتو هذا الحب كامل ...مشيت معاه على جنب. شوفي ميادة و ياه على اسمي واش خرج شباب من فمو انت وين تعرف اسمي و ماشي قبيل كنت مادموزال وضك رجعت ميادة حاف كيما يقولوها السوارى علاه منعرفش اسمك مكيش جارتي وزيد بزيادة قريتو في لافيشاج وعلاه نتي متعرفيش اسمي
الجزء 9
لا منعرفوش معليش نعرفك بروحي ومدلي يدو باه نصافحو مروان الفلاني وانتي ميادة الفلاني وصافحتو ضركا واش نعيطلك ميادة ولاماتموزال لا راك عيطت وخلصت . بالاك مايعجبكش الحال خلاص عيطلي ميادة .صحا ميادة راح نغيب هذي السمانة عندي فيها خدمة بالصح راح يفوتوني بوليكوب والدروس اذا ديري فيا مزية ديريني في بالك احكميلي البوليكوب و خليلي كايياتك نكتب عليهم .بلامانفيق مع روحي قتلو علاه وين رايح حتان تغيب سمانة كاملة تبسم وقالي اللي يشوفك هكذا يحسبك تحيرتي عليا ..لاه نتحير عليك وشكونك نتا حتى نتحير عليك ديجا انت حر تروح وين تروح انا واش دخلني فيك المهم اذا قدرت نحكملك البوليكوب ماشي مشكلمنعرفش كامل نهدر معاه نعرف غير نطير عليه الله غالب اصلا معنديش خبرة منيش مالفة نداسر ليجان .قالي ميرسي بزاف وراح اه يا قلبي كي راهو يخبط حسيت اللي كانو في المكتبةكامل كانو يسمعو فيه تالمو ولا يخبط رابيد ..كيما وصاني مروان حكمتلو البوليكوب وكي نرجع للدار نكتبلو الدروس في وراقي وفاتت هذيك السمانة كي العام اصلا والفتو معايا في الجاميعة كي يكون هوا مكانش تصماطلي...زادت فاتت سمانة الدوزيام ومابانش خبرو لاقدام الدار لا في الجاميعة سقصيت عليه وحد الجون ثما كنت نشوفو يوقف معاه قالي معلاباليش ومرة بعثت طفل صغير لدارهم قتلو روح سقصيهم على مول السوبيرات علاه مراحش يحل دير روحك كشما راح تشري قولهم اذا كان في الدار يجي يفتح نشري عليه السوبيرات نتاوعو كانو غير في الكارتي اللي مورانافتحت عليه امو وقاټلو راهو غايب ميقدرش يحل روح اشري من بلاصة اخرى ...واش بيه هذا قال نغيب سمانة رجعنا في 15 يوم مبانش خبرو .
الجزء 10
كنت قاعدة وحدي في الدار قلت نروح لبيت عمي نلهي روحي شوي ولانقعد هكذا نطلع ونهبط والتخمام في هذاك المخلوق راح يجيب اخرتي وزدت توحشتو طبطبت الباب فتحت عليا مرت عمي سلمت عليها صقصيتها على راوية قاټلي مزال ماروحت قټلها مالا انا نروح قاټلي اقعدي شوي معايا حتان جي حتى انا ضاقت روحي قعدت نشايخ معاها وحديث يجيب حديث حتى جبدتلي على بيت مروان قاټلي يبانو عقالو حتى حسهم عاد ميتسمعش ايه كانو يدورو بأسماء بزاف ماللي بدلت الثانوية معادش عندنا حتى علاقة معاهم ...ايه تهنيتو منهم ومن بلاهم اصلا وين تكون هذي المرا حاضرة يحضر معاها البلا ... استغربت كي قاټلي هكذا قټلها لاه نتي تعرفيها شفتها كي شغل بدات تتهرب كي سصقيتها عليها لالا وين نعرفها انا هدرت هكذا غير كي كانو بناتها يديرو المشاكل حنا نحكيو وهيا دخلت راوية كي لقاتني ثما حضنتي من لورا ولاحت يديهاعلى خدودي وتقرص فيا وتتمسخر يبا الزين هذا كامل راهو في دارنا وانا نقول النور اللي خارج من الدار منين وهيا راهي ميادة عندها اهلا بيك طل القمر ضحكت واشبيك يا المهبولة وقيلا كشما كليتي برا لالا مكليت ماوالو
انتي اللي راكي رايحة تاكلي وغمزتي بمعنى هيا نطلعو لفوق خلينا مرت عمي في الكوزينة وطلعنا لشمبرتها ..واشبيك روحتى هكذا اعطيني شوي من الزهو نتاعك هذا نطلع بيه المورال نتاعي راهو يتكركر ايه نمد لبنت عمي ماشي خصارة فيك والله سيريو واش بيك جبتلك وحد الخبر راح يصرعك بالصح اقعدي قبل نخاف طيحيلي هنا ولا كشما يصرالك. ايه اهدري واش كاين تلاقيت بمروان. كنت قاعدة وقفت وين لقيتيه !!!... ههه يخي قټلك اقعدي لاه وفقتي اهدري وين لقيتيه بعقلك برك اللي يشوفك هكذا يحسب عندك عام مشفتيه يخي راهو كل يوم معاك في الجاميعة .لالا عندو 15 يوم ماجا مابان خبرو .. اااااه علابيها راكي هكذا وكتاه طحتي فيه هكذا روحي برك اهدري تلاقيتو صدفة وعيطلي قالي ختي حبيت نحكي معاك قتلو تفضل قالي كنت نحوس على ميادة ملقيتهاش معلابالك اذا جات تقرا اليوم ولالا ..لالا جات وخلصت بكري اليوم وروحت قالي حبيت نصقصيك على حاجة ايه تفضل ميادة كشماعندها واحد في حياتها ولا مرتبطة ..قتلو معندها ماهي مرتبطة راهي سيليباير ضحك قالي صحا تقدري تعطيني نيميرو التليفون نتاعها قتلو منقدرش نعطيهلك بلا منشاورها وديجا روح جيبو وحدك من عندها إذا معندها حتى مشكل تعطيهلك قالي صحا ختي واسمحيلي .راوية تحكيلي وانا قلبي يخبط ويديا يرجفو جاتني صدمة هاه واش قلتي هاو السيد جا وحدو حتى لعند رجليك ضركا الباقي عليك نتي وشطارتك تقفزي بيه...
مي__ادة
الحلقة__ 111213
ممنوع النقل بدون اذن
الجزء 11
ومكالاه تقوليلي كرامتي. في الحب ني كرامة ني والو في الحب تنازلات نتي تتنازلي وهو يتنازل هكذا تنجح العلاقة انا هاني قټلك ونتي دبري راسك جيت مروحة من عند راوية والفرحة مهيش واسعتي والتخمام قتلني مالا حتى هوا يخمم فيا ودايرني في بالو زعمة يحبني كيما نحبو انا اواه من وين لوين حتى يحبني هوما اكل ثلاث خطرات ولا ربعة اللي حكا فيهم معايا وديجا كان مع وحدة ومنعرف تسيبارا معها ولا غير انا راني نطلع ونهبط من عندي .ااااااه راح نهبل من التخمام وضركا كيفاه ندير كي نقابلو ندير روحي معلاباليش باللي صقصا عليا ولا نسمح من روحي شوي ونبدل طبيعتي معاه .تنهدت خلاص نخليها على ربي واللي فيها الخير مرحبا لحاجة الليى متاكدة منها هيا انو مروان رجع هوا الهوا اللي نتفسو وكتاه حبيتو ولا كيفاه ڠرقت فيه هكذا معلاباليش اصلا هذا هوا الحب يفتح الباب ويدخل بلا ميستأذن غدوة الصباح بيشت روحي لبست روبة في الغوز وباسكات بيضة وخمار بيض فيه وردات غوز درت شوي مكياج مع اني في العادة منديروش بصح نفحتلي عليه درت ريسيل وشوي بريولاف كريو خضر لعينيا برزتهم مليح تنحاتلي هذيك الصفورية اللي كانت حاكمتني .انا من الاول صفرا ومع هذاك الاكتئاب اللي حكمني زدت صفرت. هبطت لقيت راوية تستنى فيها نروحو كيف كيف..اااو واشي هذا الزين كامل اليوم نص الجاميعة تجريها وراك ههه بركي ماتزيدي عيها علاه يخي كل يوم نروح هكذا لالا اليوم العينين راهم مرسومين والقلوبة خارجة منهم هه علا بالي غير نتي اللي تحليلي نهاري زعمااا! هيا نروحو هيا بركي من السماطة نتاعك كملنا رحنا للجاميعة كل وحدة حكمت لومفي نتاعها دخلت جات عيني طول على مروان شفتو قاعد مع وحدة ثم ثم تقلبت حالتي وهذا على صباح ربي صبح لاصق في وحدة رحت بالعاني فت عليهم وهبطت حكمت بلاصتي معرف شافني ولا لالا ..غير كمل هذاك الكور جيت خارجة تخنقت حتى نحس بواحد شدني من يدني درت ورايا لقيتو مروان ...
الجزء 12
جبدت يدي عليه وطرت فيه واش بيك تتلاح ليا وشكون عطاك الدروا باه تشدني من يدي اسمحيلي بالصح كنت نعيطلك ونتي مسمعتينيش ....ايه ومانيش حابة نسمعك او واشبيك. مبيا والو ومذابيك ترجع للنحلة اللي كنت معاها واخر مرة تشدني من يدي عنبالك انا وحدة من هذوك اللي تضال معاهم ..... آو. آو واشبيك شعلتي فيا فرد مرة الناس تقول صباح الخير صباح ربي وانت راكي طيري وحدك كالمي روحي .. شوي هكذا فقت مع روحي اخاه واشبيا انا واش دخلني فيه ضرك يفهمها حاجة خلاف ثم ثم كالمېت روحي ولعبتها بالي كنت متقلقلة اوف اسمحلي فرغت فيك زعافي راني شوي متقلقة على ماما خليتها مريضة من ورايا وتحيرت عليها إذا كان هكذا معليش حقك ديجا الام كي تمرض كي شغل شمعة وطفات في الدار . نشاء الله ميكون والو ترجع لاباس وشكون اللي ترجع لاباس ماماك اااه تعيش والله كي نكون معاه مثبت في هدرتي قتلو ماما مريضة ونسيت اهاه واش تحتاج قتلي عيطتلك ..اه على جال واش وصيتك حكمتيلي ياك ....اه حكمتلك و كتبتلك ماكالاه تشقي روحي بالكتيبة قلت نعاود نكتبهملك وفي نفس الوقت نريفيزي
...ميرسي ربي يحفضك كنت علابالي باللي نتكل عليك بلامزية .ااه ميادة حبيت نحكي معاك يهاك تحكي لالا ماشي هنا معليش نتلاقاك كي نكملو كشما مزلت تحتاج قولي على 11نتلاقتو في المكتبة ونقولك اوك اوك مشيت حكمت بلاصتي وقلبي راح يخرج من بلاصتو منيش مأمنة واش كنت نسمع زعمة واش يحوس عندي بالاك يحوس على نيميرو تيليفون كي معطاتولوش البارح راوية اوف خلاص خلي نتلاقاه ونعرف كملنا لحقت ال قټلت ندير الروطار شوي ونروح باه مايقولش راهي مېتة عليا زدت ربع ساعة ورحت لقيتو يستنا فيا ..لحت عليه السلام وقعدت ايه هاني جيت واش تحتاج شوفي ميادة حاب نحكي معاك في موضوع وندخل فيه ديراكت بدون مقدمات وانتي اسمعيني ومتقولي حتى حاجة حتى نخلص و خممي في هدرتي مليح اوك...اوك روح اهدر هاني نسمع...
الجزء 13
شوفي أنا من نهارت اللي جينا وسكنا فيه قدامكم نتبهتلك و عجبتيني بزاف بالصح المشاكل اللي كات بيناتنا كانت ديما تخلي مسافة بيناتنا وسيرتو كي كانت تكبر وتلحق حتى نعودو فرجة للعشرة ملقيتش حتى كيفاه نصارحك الشي اللي كان مريحني انو باباك مدخلش روحو في هذا المشاكل تسمى نقدرو نتجاوزوهم ويبقاو حكايات نساء وراحو فاتو رجع عندي عندي امل باه نكون معاك و كنت نشوفك كيفاه تتعاملي مع هذوك المشاكل برزانة ومكبرة عقلك هنا زدتي كبرتي في عيني . راكي تعرفي باللي بابا مټوفي وانا المسؤول على الدار مالا نحيت فكرت القراية هذي من راسي ولتيت بخدمتي بالصح ملقيتش حتى حل باه نتقرب منك من غير اني نرجع نسجل نقرى وحتى قاري نفس البرونش نتاعك سمعت بيك راح تكملي الماستر قلت هذا هوا الحل نرجع نقرا هكذا تبقاي تحت عيني واذا لقيت الفرصة نفتح معاك الموضوع و هذي السمانة اللي مجيتش فيها كنت مريح مع راسي ونخمم يا نقرر نصارحك يانحيك من راسي بالصح مقدرتش نحيك من راسي و شوفي يابنت الناس كيما انا عندي خواتاتي ونخاف عليهم وعلى سمعتهم مانرضاش لبنات الناس اللي منرضاهش لخواتاتي مالا هاني صارحتك وقټلك واش في قلبي والباقي عندك ياتقبلي ياترفضي خمي في هدرتي مليح ورديلي الخبر وهذا نيميرو تيليفون نتاعي عطاهولي في ورقة وماكالاه تقوليلي دارنا وداركم ميتفاهموش ورانا مخسرين مع بعضانا كلش يتصلح كي نكون انا ونتي متفاهمين حتى كلامك نتاع الصباح وراح نعلقلك عليه انا من نضالش من وحدة لوحدة علاقتي مع البنات هنا في الجاميعة متخطاتش حدود القراية يعني ابار القراية معندي حتى هدرة معاهم انا ضك نخليك ونتي خمي مليح في هدرتي قعدت باهتة فيه مقدرت نقول حتى كلمة ولا ناقشو في هدرتو كلش حاسبلو حساب مخلالي مانحكي . روحت عيطت لراوية وحكيتلها كلش ايه واش راح تقوليلو...نتي تعرفي باللي انا نحبو وڼموت عليه ونغير عليه وقلبي يتحرق كي نشوفو مع وحدة اخرى وراني مېتة بالفرحة كي طلع هوا ثاني يخمم فيا كيما انا وبالعكس هوا عندو بزاف ماللي دارني في بالو ...بالصح منقدرش نقبل بيه بهذا البساطة ونبان باللي رخيسة على ما دومونداني نقبل بيه...
مي__ادة
الحلقة__ 141516
ممنوع النقل بدون اذن
الجزء
شوفي يا راوية الرجال ميحبوش المر اللي تجري موراهم يحبو المرا اللي تجريهم وتكركرهم وتجرجرهم وانا مروان علاه مزال شاد فيا ماللي شافنيباسكو جاتو صعيبة باه يلحقلي ..مالا نخليها ديما صعيبة باه يلحقلي انا مراح نخليه يروح من يديا بصح ثاني مراحش نكون بين يديه ميادة والله مافهمتك بالشوي على خيتك وفهميني مرة تبكي عليه وشفتك بعيني وحابة تكوني معاه ومرة ماكيش قابلة بيه راكي في عقلك ولا كي عرفتي باللي هو ثاني يحوس عليك ولحتيه في الجيب وليتي لطبايعك وراح تتكبري عليه لالا منتكبر عليه ماوالو بصح منقبل بيه مانرفضو راح نخليه معلق وديما يستنا فيا باسكو باه نقعد عامين كاملة معاه هذي مكانش منها كي هوا كي انا مزلنا نقراو وحتى و يقولي حاب نخطبك انا مستحيل نقبل و نقعد مخطوبة فترة عامين وبزيادة نخرج نقرا انا منسيبورتيش هذي نتاع انا نقرا ومخطوبة والسيد يتحكم فيا وانا والله غير نحبو ونتي علابابك وكون يطلع معايا راجل نكون معاه الف مرا بالصح الرجال من طبيعتهم يملو من العلاقات الطويلة ونقدر هنا نخسرو انا صح معنديش تجارب سابقة في هذي الصوالح بالصح الشي اللي تسمعيه من الناس يخليك تتعلمي منهم لعبتها قافزة بالصح في الصح هي كل واحد ومكتوبو في هذي الدنيا وكل واحد وحياتو وكيفاه راه مكتبهالو ربي يعيشها ايه ياختي كي عدتي تعرفي وعندك نظرة لهذو العلاقات نشاء الله برك ماتجيش ليا نهار واحد اخر تبكي عندي انا تبانلي باللي راكي راح طيريه من يديك.. كملت نروح نقرا عادي بالصح مروان كان ديما يتبع فيا بعينيه ويستنا فيا وكتاه نرجعلو الخبر وانا ماديتهاش
قاع فيه ندخل نقرا ونجي مروحة كي نشوفو نتبسملو ونفوت معلاباليش واش راه فاهمها هوا . وحد النهار كنت مروحة وحدي في الطريق وطوموبيل حبست قدامي تشبه في نتاع مروان كي عادتؤؤءلؤف فيمي مشفتش الشيفور حتى رجع يصوني عليا وكي هبط الكارو درت ليه لقيتو مروان
الجزء 15
قالي ميادة نوصلك في طريقي طلعتلو حاجب وهبطت لوخر قوتلو اوبليي هذي الهدرة غير متزيدش تعاودها .هبط ليا بدا يقدم مني وانا نبعد حتى حصرني في الحيط النفس نتاعو جا في وجهي انا هنا تشنجت معرفت واش ندير من جهة خفت منو بانلي تقلق كي قتلو هكذاك ومن جهة عجبني الحال اول مرة نقرب منو لهذيك الدرجة كون زدت شوي كون حضنتو .. هزيت راسي فيه جيت نقولو واشبيك طاحت عيني في عينو تبكمت قعدت غير نتفرج في عينيه تهت فيهم اول مرة نثبت في تفاصيل وجهو يهبل يهبل اذا كانو انا عينيا خوضر حشېش هوا عينيه قد الفنجال خوضر ووزادو حمارو يهبلو يهبلو وهذيك اللحية الصفرا كي مطراسيها زايدة فيه النص علابيها البنات كامل طايحين فيه نظرة من عينية تخليك تذوبي نورمال يهدر بالشوي ويتنهد ميادة وكتاه راح ترحميني لوكتاه وانا نستنى فيك علابالك باللي راكي ټعذبي فيا مقلبتيلي خبر ماعيطتيلي وانا قلبي راهو ټحرق عليك علابالك باللي نحبك...او نحبك ااار....ك او نحبك افهمي وقلتلك راني حابك تكوني معايا وانتي ولا علابالك ولا راكي مقيمتني وعلاه راكي ديريلي هكذا اذا منيش عاجبك قوليلي بصح ماتخلينيش هكذا انا تصمرت في بلاصتي حبيت نجبد روحي منو بالصح مقدرتش نتحرك بهت فيه قولي اهدري عاجبك ولا منيش عاجبك تكوني معايا ولالا . جيت نقولو لالا قتلو ايه عاجبني و حابة نكمل معاك مفقتش حتى واش راني نخرج من فمي لساني ورجعت منتحكمش فيه تقول سحرني في هذيك الدقيقة وليت منخممش قاع نهدر واش كان في قلبي جبد عليا وقالي قولي والله غير تقبلي زدت حركتلو براسي ايه وضحكت حسيت بفرحتو ولا مخليتني هكذا نتعذب علاه متهدريش وعلاه ضاربة النح ااآ خلاص انت هاني بديت نعرفلك عقليتك متحبيش هدرة السياسة تحبي واحد قاسح منا وفوق نحي العقلية نتاع الضرافة هذي باه نعرف نمشي مع عقليتك هوا يهدر وانا ساكتة معرفتش روحي واش راني ندير . بصح علابالي باللي هذي الحاجة مدرتهاش بالسيف عليا بالعكس حابة صح نكون معاه وكلش فيا يفرح وحتى انا نحبو ايه نحبو مابا علاه ثاني نقعد نعذب في روحي قالي علاه راكي تخمي هكذا سهليها تسهال وخليها على ربي اذا قعدتي طلعي في حسابات وتهبطي مراحش يتبدل والو نتي خلاص وليتي نتاعي مكالاه طلعيلي حاحبك هكذاك كيما جات جات المهم انا كي عرفت باللي حابة تكوني معايا والله مانخليك وما نسمح فيك ديجا انا ماصدقت قبلتي ميادة حاب نحضنك ونهزك وندو ر بيك واشبيك نتا هبلك لالا ماهبلتش من حبي ليك نتي معلابالكش شحال عندي وانا نستنى فيك تكوني نتاعي..
الجزء 16
خلاص يخي عرفت جوابي انا نروح نروح اركبي نوصلك يخي طريقنا وحدة قتلو مروان لكان عندي معزة عندك عفسة الطومبيل هذي غير ما متزيدش تقولي عليها علابالك باللي زدتي كبرتي في عيني وزدت تاكدت باللي ماغلطتش كي خيرتك هوا ركب طوموبيلو وراح وانا حكمت الكوس جيست ما لحقت للدار طابيت نيميرو تيليفون وعيطتلو الو ....الو ميادة هذي نتي وعلاه كاينة وحدة تعيطلك من غيري مكانش واصلا كشما خليتي فيا عقل حتى ننشوف فى وحدة اخرى من غيرك من نهار اللي شفتك هبلت عليك وتمنيتك بصح انا روماركيتك وحد المرة كنت تضال فيها مع وحدة لاصقين في بعضاكم وتجي ضكا تقولي خاطيني مقدرتش منقولوش عليها ونفوتها نورمال خفت الاراهو برك حبس منها ويعقب بيا شوي وقت ومن باعد يرجعلها مالا رومركيتيني اه ههههتسمى كنتي حاطة معايا محطيت ماوالو بصح كنتو تبانو بزاف معليش نقولك عليها هذيك بنت خالي و مكان حتى حاجة بيناتنا ومتعمريش راسك بهذي الحكاية المهم انا و انتي و منا بدات قصة الحب والغرام نتاعنا تيليفونات في الليل الترنديف في النهار هه .مرة كنت معاه قتلو مروان احكيلي على روحك كيفاه كنت عايش ولاه حتى رحلتو وسكنتو قدامنا منين نبدالك من الاولشوفي حنا كنا ساكنين في دار جدي مع عمامي في بارتما كل واحد والايتاج نتاعو وكي ماټ بابا خلاني في عمري 18 سنة قعدنا ساكنين عادي موراها ب سنين زاد توفى جدي غير وفا الربعين بداو عمامي يحوسو يبيعو الدار كامل قبلو وحنا مكانش عندنا حتى حل غير نقبلو تباعت الدار وحنا كيما شفتي جينا سكنا في دار جدي نتاع يما كاتبها جدي على اسمها تقول كان حاس باللي دور بيها الدنيا وترجع لدار باباها علاه هذي دار خوالك
انعم ايه خوالي زوج خلالهم جدي رزق وقسموه بين بعضاهم .كتبولي مرسو نتاع تراب على اسمي والمكتوب اللي صحلنا من دار بابا قسماتولنا يما انا وخواتاتي انا سهمي بنيت بيه دار قدام خوالي وممزاليش ونخلصها وفتحت سوبيرات علاقتي بخوالي خير من عمامي اصلا من نهار ماټ بابا تقدري تقولي انقاطعت العلاقة بيناتنا من العيد للعيد نعيط نغافر عليهم وهذي هيا.... بالصح انا مجاتش المناسبة باه نحكيلو على روحي ... والشي اللي كان عاجبني في مروان انو مايحب يتلمس مايدنا ليا وشحال من مرة تجيه لوكازيو بالصح جامي يتوشيني كي تكون بوسة على الخد مكانش حتى انا مرة حليت معاه السوجي قتلو مروان راك تشوف في البنات والذراري في الجاميعة كيفاه يضالو يتمعشقو زعمة انت متسخفش دير كيفهم
مي__ادة
الحلقة__ 171819202122232425
ممنوع النقل بدون اذن
الجزء 17
منيتك ولا راكي تاستي فيا والله غير راني نحكي سيريو ميادة شحال وحنا مع بعضانا عندنا عام تسمى راكي تقولي عندنا عام وحنا مع بعضانا علاه مروان ماتوشانيش حتى مرة هكذا تحب الصح ولا خوه لالا نحب بن عمو باينة نحب الصح ايه والله ديما يجي هذا السؤال في بالي شوفي ميادة انا مانيش نشوف فيك كيما راهم يشوفو هذوك في بعضاهم انا راني نشوف فيك مولات بيتي ام ولادي مرتي اذا حب ربي وكتب المكتوب مالا علاه نخلي الحلال ونروح للحرام شفتي حبة اللولو هذيك اللي تجي في المحار شفتي شحال غالية السر نتاعها كامل كي عادت مخبية هكذاك انا وياك نتي حبة اللولو وانا المحار اللي مخبيك ونقعد ديما محافظ عليك حتان يكتب المكتوب بيناتنا وحاجة اخرى منحبكش تلبسي المزير ومنحبكش تحكي مع حتى واحد ومنحبش تروحي لحتى بلاصة بلا متشاوريني ومانحبكش ديري الماكياج باسكو نغير عليك ونغير عليك حتى من روحي و هذوك الطحاحين اللي راكي تشوفي فيهم حاكمينهم قدام ربي وعبادو ويبدعو فيهم مفيهمش ريحة الرجلا . تعرف باللي كل مرة نزيد نحبك كثر وكثر و تعرف باللي قلبي ينبض غير على جالك و تعرف باللي كون مكانش مروان ميادة متكونش بالصح برك نقص شويه من الغيرة نتاعك . اذا مازادتش راكي مليحة ...... خلاص العام الاول وجاو ليفاكونس كان عندنا في هذاك الصيف عرس راوية خطبها صاحب خوها وكان زواج تقليدي ماتعرفو مايعرفها بعد ما خلصت الجاميعة كنت نروح انا وياها نشريو حوايجها وهذا بعد مانتشاحن مع مروان ميخلينيش نروح وعندي عرس اخر نتاع بنت خالي في ولاية خلاف....كي لحق العرس نتاع بنت خالي خبرت مروان عليه قالي والله ماتعفسي كيما جيت معاه محبش يقنع قتلو باللي دارنا رايحين كامل ومعنديش معامن نقعد يعني هوما مايخلونيش نقعد وحدي في الدار قلهم نقعد عند بيت عمي دبري راسك المهم متروحيش باسكو علابالي واش يصرا في العراس
الجزء 18
شوف الديقوتاج نتاع الصيف ونزيد منروحش للعرس والله غير نروح ومدامني عند بابا بابا هوا اللي يحكم فيا اخاه عليك راك خنقتني ! ديما ديري هكذا وماديريش هكذا خليني على راحتي شوي ديجا الغلطة ماهيش نتاعك الغلطة انا اللي حليتلك العين فيا وولفتك ديما رايك اللي يمشي قالي شوفي يابنت الناس انا اللي ماديرش لهدرتي حساب متلزمتيش واذا كان مهوش عاجبك الحال هكذا دقيقة متزيديهاش معايا و اذا فتي و رحتي للعرس مروان انسايه تسمى راك تهدد فيا يا نجي تحتك يا مانيش مليحة افهميها كيما تحبي واللي عندي قلتو جيت نهدر لقيتو كوبا عليا هيا روح تلعب على روحك هذا مزال مجيتش عندك ودرتلي هكذا مالا نهار تديني تقتلني بالحياة مالا غير نبروفيتي شوي في الخرجات قبل مانجي ليك هوا من ذيك مزادش عيط حتى انا مفخرتوش زدنا وحد اليومين وديمارينا للعرس عند خالي على مالحقت هزيت تيليفوني لقيتو معيطلي 75 مرة المرة الاخرة هزيت عليه لاسلام لاوالو مالف اهلا عمري الكبدة نتاعي ديراكت قالي وراكي قتلو عند خالي مالا درتي رايك وعلاه نضال نهدرو يخي قټلك هاني رايحة مالا رايك درتيه وراي انا لحتيه في البوبالة ماليوم متعرفي ز...ي مانعرفك وكوبا عليا ثم لعبلي على اعصابي على مالحقت قلقني بالصح قلت خليني منو والله غير نزهى ونعرس وكي نروح نرضيه علابالي ولفتو ديما رايو اللي يمشي على بيها جاتو صعيبة خلي نبدلو الروتين شوي ونمشي رايي هذي المرة حتى انا ضاقت روحي علاه هوا مايحسش بيا جبناها سمانة وحنا ثم خطبوني يجي 4و لا نساء لولادهم ماما تقولهم مزال مجاهاش مكتوبها وانا نقولهم مخطوبة مفهمو فيها والوكون تجي طل يا مروان راهو غير اللورو والاورو يحوسو عليا وانا تبع فيك وزيد الخرجة مكانش اواه بالصح عندي هوا قد الدنيا ومافيها ومنبدلوش بكنوز الدنيا راجل وقافز وفاهم للدنيا وبوقوص ويحبني خلاص العرس وروحنا جبناها هذاك
النهاركامل نطايشو من بلاصة لبلاصة هول العرس هذاك يكسر الراس تقولنا ساكرين نوضو من نطيحو من الغدوة نضت طليت على التاقة بالاك نشوف مروان مكانش عسيتو حتى خرج من دارهم هزيت تيليفون عيطتلو وانا نتفرج فيه كوبا عليا ركب الطوموبيل وراح والله منزيد نعيطلك جبتها سمانة وانا نستنى فيه يعيط والو حتى انا خشنت راسي محبيتش نزيد نعيطلو نروح غير لراوية وتجي ليا تنحيلي على خاطري وهوا توحشتو نضال لاسقة في التاقة نشوفو كي يدخل ولا كي يخرج
الجزء 19
ايا صبحت الخميس كي العادة نطل كشما نلمحو حتى نشوف قدام دارهم حركة غريبة طومبيلات يقاريو تبان عنهم حالة عرس انا هنا قلبي قبضني عيطت لراوية جاتني قټلها ارواحي تشوفي معايا واش راهو صاري عند هم قاټلي يبان عندهم عرس شوي هكذا ونشوفو النسا بعبياتهم خارجين ركبو في الطومبيلات حتى لمحتو هوا عاطي لروحو طريحة ركبو وبداو يصونيو قلبو الحالة انا هنا الرجفة حكمتني قټلها راوية واشنهي هذا قاټلي تبانلي مروان زوج دخت ولا معلاباليش واش صرا حتى نلقى راوية وماما فوق راسي تمسحلي في وجهي بالماء واش بيك اابنتي وانا مبوهة في راوية منيش مأمنة و اش شفت قاتلها راوية بلاك ولا عليها العيا نتاع العرس راحت ماما هبطت بعد ماشفتني ريحت شوي غير خرجت وليت نبكي نبكي وراوية تصبر فيا وليت نلوم في روحي كون غير مرحتش للعرس كون غير خضيت رايو .وراوية تقولي واش بيك محالك شخصيتك خلاص يروح الله لاتردو هذا غير مدرتيش عليه مرة ينوض ديراكت يتزوج وكتاه خطبها حتى ثم ثم يملكها يدير الحنةنقولك والله غير كان يلعب بيك واستنى الفرصة تجي وهاو دارلك السبة باه مايبانش هوا الغالط قعدت غير نبكي و ندم كي رحت وراوية تسكت فيا وتقولي كاين الف واحد يتمناك مديريش في روحك هكذا على جالو رحت جبدت تيليفوني وبديت نعيط نعيط نعيط والو يصوني وما يهزش . وراوية تزيد تشعللي الڼار في فادي السيد راهو يقسم في لاتارت وانتي اقعدي تعدي عليه هكذاك قعدت علا هذيك الحالة التيليفون محطيتوش من يدي وانا نعيط حتى عاودو رجعو لاصونات قلبو بيها الكرطي تقول يمكرو فيا...لمحتو عيطتلو هز تيليفون وشاف جيهت التاقة نتاعي وهز تيليفون بمعنى شوفي وكوبا عليا ودخل .انا جاتني ضبابة لعنيا ولعبت بيا الدنيا زدت دخت..
الجز 20
نظن هبطتلي لطونسيو راوية عيطت لماما جات تجري قاتلها واش بيها الطفلة صرالها هكذا خطرتين في النهار وهيا دوخ وبدات ټضرب فيا لوجهي باه نفطن حتى فطنت قعدت غير نهرب في عينيا منها باه ماتفيقش باللي كنت نبكي. ااطفلة واشبيك نديوك للسبيطار لالا متديني مالو راني مليحة ولاه راكي دوخي هكذا عيانة برك من العرس وكي راني مانكلش مليح ... احكمي بلاصتك ارقدي وريحي شوي وانتي راوية بنيتي اقعدي معاها حتى يترخف عليها الحال ايه هاني قاعدة معاها كي تاكدت ماما باللي ريحت راحت هبطت وانا قعدت مع راوية نطلعو و نهبطو حتى داتني عيني ورقدت مفطنتش حتان السبعة نتاع الليل جابتلي ماما العشا كليت و قعدت في بلاصتي نخمم كيفاه كنت مع مروان كيفاه قدر يديرها بيا وين راح هذاك الحب كامل اللي كان يهدرلي عليه زعمة صح كان يلعب بيا يمكن حتى كان خاطب وانا لاخبر كيفاه في سمانة يخطب وثم ثم يتكلم عليها..جات اسماء على محطت راسها على المخدة رقدت وليت نغبط فيها على الرقاد انا زدت حكمت هذاك التيليفون وبديت نعيط نعيط ذليت روحي هذيك الليلة انا نعيط وهوا يكوبي حتى طفا عليا التيليفون وليت نبكي بيني بين روحي خفت تسمعني اسماء دمعة طيح منا نمسحها منا تشالفطو خدودي لحقت الزوج الثلاثة النوم طار من عيني ونا نخمم وليت عاودت عيطتلو لقيتو حل تيليفونو هز عليا قالي ارقدي وخليني نرقد وغدوة الصباح نهدر معاك راني عيان قتلو مروان صح زوجتا قالي اه بغطاط النوم هذاك وكوبا ارواحو نتوما جيبو اللي يرقدني بايتة مع الحيين الصباح على الستة عيطت لراوية قاټلي صباح ربي وشبيك قټلها دبري راسك تزيدي شوي وتجي لماما قلها تخليني نخرج معاك بسبة نشريو حوايج قاټلي هاه ارقدي برك كي يطلع النهار يرحمها ربي حسبتها مسمعتنيش وكانت راقدة قټلها راوية سمعتيني ولا نعاود تثاوبلي في التيليفون تقولها حنش قاټلي سمعتك سمعتك ومن باعد نشاء الله وكوبات عليا
الجزء 21
لحقت الثمانية عيطتلها وين راكي هاني نوجد في روحي وضك نجي .. شوي هكذا وسمعتها جات لبست حوايجي مجات تطلع ليا لقاتني في الدروج هابطة حركتلها براسي نتاع واش قاتلك ماما...دارت روحها تشاور فيا تهدر وټعيط ميادة تخرجي معايا عرفتها باللي خلاتني ماما نروح معاها هبطت ديراكت سحبتها من يدها وخرجنا وين راكي رايحة امشي قدامي نروح لهذاك الكلب نرخسو وانا نروح
معاك لا نتي اسبقينيى للحوانت ضك نلحقك لحقت لقيتو فاتح السوبيرات راوية راحت وانا دخلت كي شافني تخلع قتلو غير هبط الريدو نتاع الباب عندي هدرة معاك ...قالي بالصح انا معندي حتى هدرة معاك . شفت مع الكونطوار لقيت التيليكوموند نتاع الباب هزيتها وهبطت الريدو وشبيك ااا مهبولة واشراكي ديري هنا مع صباح ربي المهمبولة هذي هبلتها انت نهدر ونبكي كلمة فهمهالي وعشرة لالا علاه خدعتني علاه درت معايا هكذا يخي كنت معاك مرا يخيى عطيتك قلبي ومطلبت منك والو يخي وعدتني باللي انا اللي تديها وتعمر دارك علاه عيشتني في احلام وردية علاه علقتني فيك ومن باعد خليتني هذا كامل على خاطر مخذيتش رايك .مرة وحدة غلطت معاك خرجتني من حياتك واتهسترت وزدت في البكا حسيت عام من حياتي عقبتو معاه بنيت فيه المستقبل نتاعي انا وياه وفي دقيقة راح كلش ووليت نحاول فيه مروان تعيش بطل منها والله منزيد نكسر كلمتك حبس هذا الزواج عيشك والله منقدر نعيش بلا بيك نحبك ا مروان والله غير نحبك اعمري منحملش نشوفك مع وحدة اخرى . بهت فيا ولاحكمني قعدني على الكرسي خلاص اسكتي اسكتي خليني نهدر انا هذا الزواج مانحبسوش بالصح لاتقبلي نديرك دوزيام فام ...انا هنا تكالميت خلاص وفشلت ضړبة وحدة زادو تضبو عينيا وبديت نحرك في راسي وليت مانيش نشوف فيه مليح ... مروان كي شافني هكذاك خاف راح جاب البارفان ورشني بيها .عطاني كف نتاع يفطن فيا وليت انا فطنت مع روحي قالي راكي تسمعي فيا هزيتلو براسي نتاع اه..
الجزء 22
علابالي كي شفتي العرس البارح في دارنا حسبتيني انا الي تزوجت لالا هذاك ولد خالي جاء دار الحنة نتاعو عندنا هوما حاطين الخدامة في دارهم والدعوى مخلطة شوي وكي عاد هاز كونجي تسمى مزروب تحتم يديرها عندنا كي قالو ليما قاتلهم مرحبا وانا عرفتك ماللي بديتي ټعيطي هكذاك قلت باينة حسبتني انا اللي تزوجت وخلي تذوق من اللي ذقتو انا ماللي راحت للعرس هذاك وانا هابل عليها هيا مهيش مقيمتني وزادت نساتني من فوقشفت فيه مليح ونضت من بلاصتي مروان تسمى متزوجتش تسمى مخليتنيش تسمى مزلت نتاعي وهوا يضحك عليا قدمت ليه وليت نبوس فيه من وجهو وين جات نبوس فيه في عينيه في خدودو في شواربو ومن باعد جبدت عليه ونخبط فيه لصدرو ونطبع فيه عليا وانا نقولو والله ماتحشم قريب حبستلي قلبي يالخاين تخلطولي المشاعر معرفت نفرح معرفت نبكي فات عليا يوم.. يوم برك من حياتي حسبتو معادش نتاعي قريب هبلت مروان منقدرش نيماجينيه مع وحدة اخرى ولا انا نكمل حياتي بلابيه خرجت من عندو لحقت راوية نمشي في الطريق ونضحك وحدي منيش مأمنة باللي الفيلم اللي درتو في راسي البارح كامل خرج من اخراجي .حكيت لراوية كلش...قاټلي هاه برد قلبك ضركا .. قلتلها مايبردش قلبي حتان نكون عندو وشرينا شوي حوايج وجينا مروحين. كي روحت عيطلي حكيت معاه على هذيك الليلة اللي فاتت ومن باعد قالي ميادة نتي خاېفة تخسريني وانا نخاف لانغفل عليك دقيقة يخطفوك مني ..مالا واش تقولي نجي نخطبك انا صح كنت رافضة فكرة نتخطب لواحد وانا نقرى بالصح بعد الشي اللي صار مانضنمش لروحي باللي منزيدوش نتناشعو ومنيش مستعدة نزيد نعاود نعيش ليلة البارح ولا نخمم باللي نخسرك مالا نقولك ارواح اليوم قبل غدوة خلاص متفاهمين نروح ونفتح الموضوع مع يما في الليل عيطلي مروان وحالتو قاع متشكرك وشبيك مروان ماكش عاجبني راني حكيت مع يما عليك بالصح راهي مقبلتش وقاټلي مستحيل تدخل عليا الدار بنت فلان بقيت نسقسي فيها على السبة والو مبغاتش قاټلي قلي على اي وحدة رايدها قلبك نجيبهالك غير هذيك لالا وا انا علاه واش شافت مني مروان زعمة من المشاكل اللي كانت بيناتنا بالاك وضركا كيفاه نديرو نتي مديري ماوالو انا اللي ندير..
الجز 23
راح نقعد في عقابها حتان تقبل قعد مروان كل يوم ينسيستي عليها وهيا والو الحجر يحس ببنو وهيا والو وكي نحكي معاه نقولو كشما جديد من جهة يماك يقولي والو محبتش تقبل حتان وحد النهار تقابض معاها قالها ياتروحي تخطبيهالي يانروح وحدي هيا كان في بالها كي قالها هكذاك غير باه يضغطها ....في هذيك الليلة حكيت معاه قالي شوفي يما مزالت مخشنة راسها في حكايتنا وعلى قد محكيت معاها وسييت نقنعها والو تقعد غير شادة في هدرتها ومنحبكش تحكي معاها ولا تتلاقاها وتحرم عليها هذي الدار ماتدخلها وماتوقف فيها مروان كان كل يوم يهدرلي نفس الهدرة وانا بديت نأيس من علاقتنا المشكل اللي كان في طريقنا مكانش اي مشكل نتجاوزوه ونصبرو وخلاص المشكل هو يماه اللي كانت في النص وكي مترضاش الام على حاجة صعيبة باه نفوتوها ونديرو راينا ضاقت بيا الدنيا
وعينيا مشلفطين من البكي ونخاف لنخسرو . وحد النهار قالي غدوة نحكي مع باباك ويما نحطها قدام الامر الواقع رضات رضات مرضاتش ندير المحال على جالك حتى انا قلتو خلي نتكلو على ربي وخلاص ماناش اول زوج يتزوجو بلا مايقبلو والديهم....حتى انا کرهت قلت خلي يدير اي طريقة المهم نكون معاه .غدوة مروان جاء لبابا وفاتحو في الموضوع قالو فوالا انا جيتك من الباب وحاب منك الحلال ناوي نخطبك في بنتك راك عارف الوالد مټوفي على بيها جيتك انا واذا كنتو قابيلين نجيب الدار ونجي ....قالو بابا معليش نشاورهم ونردلك الخبر انا كنت علابالي باللي مروان حكى مع بابا .....في الليل حنا نتعشاو وبابا قالي ميادة كي تكملي ارواحي نحكي معاك انا هنا حكمني وحد السطر في كرشي حسيتها تمحرت هزيت راسي بالخف ورجعت حطيتو قتلو معليش كملت غسلت انا واسماء الماعن ورحت ليه لقيتو قاعد مع ماما ويشوفو فيا شوفة آن نورمال قالي مروان مول السوبيرات تعرفيه قتلو ايه نعرفو قالي راهو جا خطبك اليوم ....اوب ويطلعلي الډم لراسيي حسيتو عاد يفور و راح يطرطق واش حشمت و خفت قالي هاه واش تقولي قتلو معندي مانقول اللي تقولو انت هذاك هوا قالي وانا مانيش قابل بيه يبست وتصمرت في بلاصتي وجاتني وحد العرقة بالبارد كي شغل واحد صب عليا بدون ماء ونضت رحت لشمبرتي لحقتني ماما قاټلي بنتي صارحيني انت تعرفي مروان قټلها اه قوليلي تقبلي بيه ولا لا تبغي الصح ماما قولي انا مروان عندي عام وانا معاه وعلابالي باللي يحوس يتقدملي وانا قابلة بيه بالصح بنتي نتي علابالك باللي كنا مانتفاهموش معاهم هاكي قلتيها كنا وخلاص بنتي نحي الطفل هذا من راسك لاخاطر باباك عمرو ولا راح يقبل بيه وهنا تحبس حكاية مروان لكان متحبيش تزعفي باباك .
الحزء 24
راحت وخلاتني باتت دمعتي على خدي هنا عرفت صح باللي مروان عمرو ولكان راح يولي مكتوبي ... عيطلي مروان في هذيك الليلة وغدوة ضال يعيط مقدرتش حتى نرفد عليه حتى لليل ونسمعو الباب يطبطب راحت اسماء فتحت سمعتها تقول أنعم واش تحتاجي قلت هذي مرا باباك راه هنا في الدار ايه راهو هنا عيطيلو يجي محتاجاتو راحت اسماء ټعيط لبابا وقفت انا عند لباب نشوف وشكون لقيتهايمات مروان الڼار خارجة من عينيها زاد لحق بابا وماما كي شافوها تشوكاو معليهش ندخل عندي هدرة معاك بابا قعد زمان مهدرش حتى تكلمتلها ماما وقاتلها ادخلي ادخلي داوها للصالون جينا ندخلو معاهم مخلاتناش ماما قاتلنا روحو لبيتكم و سكرت الباب معطانيش قلبي نطلع ونخليهم يهدرو جيت عند الباب وقعدت نسمع عليهم قالت لماما لكان تسمحيلنا حبيت نهدر مع راجلك وحدنا قالها بابا لا متخرجش مرتي معندي منخبي عليها بحتى انتي وتعرف عليك كلش معليش انا راح نهدر ونتا تتحمل مسؤوليتك على حساب كي كانت تهدر يبانو يعرفو بعضاهم بالصح مروان قالي هاذي دار باباها يعني بالاك يعرفو بعضاهم منين كانو صغارشوف بني راهو قالي باللي حاب يخطب بنتك وانا منيش قابلة واحنا ثاني مناش قابلين هذاك بني وانا نعرفو وكي يدير حاجة في راسو ميحبسش عليها حتى يديرها وكون متحتمتش ومخفتش من ربي منجيش نهدر معاك ايه اهدري واش كاين وبدات يمات مروان تبكي قدمت مليح للباب باه نسمع مليح وتأكدت صح باللي كانت نبكي قالت لبابا الطفلة بنتك راهي حرام على بني مروان واشنو هذي الهدرة واش راكي تخرطي يا مرا ايه كيما راني نهدر معاك الغلطة اللي درتها انا وياك بكري رفدت فيها منك وكنت بالحمل قبل ما نتزوج تهدر وتبكي قاتلها ماما واشبيك يا مرا تلوحي في بلاك على الناس هذا كامل كي خطب بنكم بنتنا حنا ديجا رانا مناش قابلين وبنتنا حنا اللي نصرفو فيها وانتي احكمي في بنك ماشي شرط حتان تلوحي هذي البلوة علينا باه تفرط هذي الحكاية..
الحزء 25
انا مجيت نلوح البلا عليكم ما والو مروان بنك وانت باباه والطفلة اختو قالها بابا آي حبسي حبسي فهميني غير بالعقل خاطر راسي راح يحبس قاټلو بعد مخطبتني انت من بابا وخوتي مقبلوش نتا علابالك وانا علابالي باللي غلطنا وانا في هذيك حملت بابا ويما ربي يرحمهم وحدهم اللي كانو علابالهم وزرب بابا زوجني بالمرحوم حتى هوا معرفش حتان تقريب يدي ربي امانتو الناس كامل كان في بالها باللي انا جبت مروان في سبع اشهر هنا فتحت الباب ودخلت نلقى ماما متصمرة و متشوكية بابا يخبط بيديه في راسو هز عينيه لقاني في فم الباب قالي واش راكي ديري هنا بقيت متصمرة في بلاصتي ونشوف في بابا ويمات مروان في لحظة فات علي الشي اللي عشناه كامل مڼهار جاو سكنو قدامنا وكيفاه كنا نتهاوشو معاهم وبابا ويماما ديما
جابدين وجابدينا حنا عليهم وكيفاه كانو يتصرفو والتوسويس اللي كان حاكمني منهم مكانش ف الباطل وهيا القصة وراها حكاية طويلة حنا هكذاك والباب طبطب راح بابا فتح لقاه مروان سمعناه قالو جيت نحوس على يما روحت للدار قالولي راهي عندكم كي سمعاتو مسحت عينيها وخرجت تجري حكماتو من يدو وتقود فيه كي الطفل الصغير وراحو روحو حنا دخلنا بابا دار يديه على راسو وقعد ماما تايهة في الارض انا بقيت متشوكية جبنا على هذاك الحال وحد الساعة حتى نطق بابا قالي بنتي حتى ويطلع الطفل هذاك بني انتي علابالك باللي مكيش ختو علابالي بابا خاف لكان طحنا في الحړام ولا شاف في ماما وقالها وضرك كيفاه ...
مي__ادة
الحلقة__ 2627
ممنوع النقل بدون اذن
الجزء 26
ماما حاكمة يديها وتخبط فيهم في بعضاهم وغير ساكتة هذا الخبر هبط علينا كي الساعقة ...شاف فيا بابا وقالي نوضي ترقدي بنتي نوضي ملقيت مانهدر رحت حكمت بلاصتي وبابا وماما قعدو يهدرو في الصالون حكمت بلاصتي ورجعت نخمم في مروان ويماه ونهار اللي جاو سكنو هنا والمشاكل اللي كانت بيناتنا وكيفاه بابا كان ديما يجبد فينا عليهم ويسكتنا وماما ماما اللي كانت ديما تسكت وتقولنا تبعو راي باباكم حتى مرت عمي وشرتلي مرة على يمات مروان هذا كامل كي كان بابا حب يزوج بيها ودارهم رفضوه ...النوم طار من عيني في هذيك الليلة اصلا وشكون يجيه النوم بعد مايسمع خبر كيما هذاك غمضت عيني شوي وفطنت على صوت اذان الفجر نضت نصلي لقيت ماما في الدوش راح تصلي غير كملت صلاتي لحقتها للكوزينة كانت طيب في القهوة صباح الخير ماما صباح الخير بنتي رحت قدمت ليها من اللورة وسلمت على خدها قټلها ماما واش صبحتي نقولو الحمد الله يابنتي ماما علابالك البارح كامل مرقدتش بايتة نخمم في هدرة يمات مروان وعلاه انا جاني النوم حتى باباك بايت يتقلب في بلاصتو يقعد يقعد ونسمعو يستغفر والله يابنتي النوم ماشافوش بصح كلمة ماقالهاش راني خاېفة عليه يما ماكيش زعفانة من بابا كون وحدة أخرى راهي قلبت عليه الدنيا شوفي لعندي بنتي واسمعي مليح واش راح نقولك الشي اللي سمعتيه البارح يقعد بيناتنا حتى يشوف باباك حل للمصېبة هذي اللي رانا فيها وهذي نتاع نزعف من باباك ولالا نقولك لالا منيش زعفانة منو راني زعفانة عليه لخاطر الشي اللي راهو فيه صعيب قاټلي اقعدي ونحكيلك ....
الجزء 27
أنا قبل مانتزوج بباباك كنت نخدم انا وياه وكان ساعة على ساعة يحكيلي على حياتو بصيفتي زميلتو في الخدمة كان هذاك الوقت يجي يخدم بصح ديما مقلق وحكالي قالي راني حاب نخطب وحدة بالصح خوتها وباباها وحتا دارنا محبوش يقبلو مع الوقت كي شفت باللي مكان حتى فايدة كي حكيت معاهم بالسياسة قلت نطاما ليها باه يعطيوهالي كسرتها بالصح كي عرف باباها ويماها بالشي اللي درناه حكمو ثم ثم زوجوها لواحد آخر وانا في هذاك الوقت دخلت لللارمي سارفيس مينيتار. بعدها بعام الناس كامل نسات هذي الحكاية ومن باعد باباك رجع للخدمة عادي زدنا شوي وجا خطبني كتب المكتوب وزوجنا وجبتك نتي ربيتك عندي وكنتي فرحتي ونوارة عيني وزدت جبت أسماء ولطفي وهذيك المراء كي تزوجت.... باباها ويماها رحلو منا وعاشو عند ولادهم وصكرو هذي الدار ومن هذيك مزدناش سمعنا عليهم حتى خبر حتان لليوم اللي رجعو وسكنو فيه هنا وكيما شفتي بداوها بناتها بالمشاكل بالصح باباكم ديما كان يجبدكم عليهم قد مايقدر حتى أسماء وبدللها الثانوية بالصح اللي مدرنالوش حساب نتي ومروان يعني من دون بنات الدنيا كامل يحط مروان عينو عليك تقول ربي حطكم في وجه بعضاكم غير باه تبان الحكاية ويعرف باباك باللي مروان بنو حنا نهدرو وبابا دخل علينا يبان تعبان ايه ماشي ساهلة على اخر عمرك تعرف باللي عندك طفل وانت معلابالكش بيهصباح الخير قال لماما صبيلي قهوة ووجدي روحك نروحو للخدمة خليتو يفطر ومن باعد وجدو رواحهم وراحو للخدمة لملمت الحالة وبديت نوجد للغدا ونلقى مروان يعيطلي اصلا عندو يومين وهوا يعيط مرفدتش عليه وحتى ونرفد عليه خبر البارح شلوشني معرفت واش نهدر معاه قلت في قلبي كون تعرف يامروان باللي راك عايش في كڈبة كبيرة يادرا واش ددير خليتو يعيط مارفدتش عليه العشية كي روح بابا ويما غير ريحو شوي سمعنا الحس العياط خارج من دار بيت مروان تالمو الصيف والناس حالة تواقيها حسهم لحقنا للدار خرج بابا يجري زادت لحقت ماما حتى انا درت خماري نتاع الصلاة ولحقت طبطب بابا فتحت علينا بنتها الباب بابا زدم ديراكت لداخل و هذاك المنظر .الطفلة دايرة يماها في طرفها وتبكي عليها ويمات مروان متغاشية ولاميتة معرفنا واش كاين والطفلة لخرى تبكي عند رجلين ماماها خطڤها بابا ويما من بين
يديهم داروها بيناتهم وهزوها على كتافهم ركبوها في الطوموبيل وطارو بيها ديراكت للسبيطار هاذوك البنات جاو على حاشية الفوتاي وقعدو يتباكاو ونسمع في مروان من الفوق يعيط وصوت التكسار نتاع الحوايج داير حالة طلعت نجري ليه نتبع في الصوت حتى لقيتو ماخلى مابقى للشمبرة هذيك وماقعد فيها ما يصلح الدنيا كامل مكسرة الزجاج نتاع المراوات حبطو للارض فازات مكسرين يديح يسيحو پالدم هز راسو شافني عند الباب جيت ندخل قالي حبسي ثم خطوة متزيديهاش انا اصلا في هذي المواقف منعرفش نهدر مروان شوف يديك الډم راهو داير حالة معندو مادخلك نشاء الله ڼموت نشاء الله تجي المۏت وتديني ولا لمعيشة هذي دار وقعد على ركايبو ويخبط راسو في اللوحة نتاع السرير براسو طلعت ولد حرام ولاد الحړام هوما داروها وانا لصقت فيا كي سمعتو يهدر هكذا عرفتو باللي قاټلو يماه دخلت وقدمت ليه حطيت يدي على كتفو جيت نهدر معاه ټخطف من بلاصتو وطبعني تخبط ظهري على حاشية الكوافاز حسيتو تحش قالي متقدميش ليا متمسينيش وقاعد يحك في راسو بيديه والدم مزال يسيح منهم تقولو مهبول ويقول مكفاهمش جابوني في الحړام اه ياربي وكون زدت غير شوي كون راني مزوج بختي ااااااه يا ربي كون غير اديتني ولاعرفت هذا الشي كون غير مت ولا لحقني ربي لهذا النهار قطعلي قلبي كي عاد يدير هكذاك زدت قدمت ليه قتلو مروان انعل الشيطان و شهد واستغفر يخي قټلك اخرجي عليا متفهميش نتي اخرجي علي رب.....ي منخرجش والله مانخرج وحرام عليك الشي اللي راك زتعدير فيه بديت نقدم ليه ونهدر معاه همي كامل راهو في هذاك الډم اللي كان يسيح من يديه مروان وانت لاه راك دير هكذا في روحك الغلطة كامل ميش نتاعك تسمى نتي علابالك ايه علابالي ومن وكتاه علابالك وعلاه متهدريش كيفاه كنتي ساكتة وبقيتي معايا علابالك باللي هكذا نتي رجعتي ختي ولا ماعلابالك علابالك باللي كنا عايشين في الحړام ولامعلابالكش الله ينعلهم الله ينعلهم دمروني قتلوني بالحياة هذي يما اقرب الناس ليا دارتلي هكذا مالا واش نستنا من عدويا يا مروان تعيش نوض اغسل يديك شوف الډم كي راه يسيح منهم والله ماراهو مليح هكا...
مي__ادة
الحلقة__ 28
ممنوع النقل بدون اذن
ليك خليه يسيح بالاك يخلاص ونتهنى من روحي واش بقالي انا بعد ماطلعت ولد حرام بدا يركح ويترخف رحت نجري شمخت كتانة لقيتها ثم جبتها وجيت مسحتلو يديه من الډم وزدت عقبتلو على وجهو وربطتلو يدو من بلاصة الډم وهوا فشل خلاص من هذاك العياط والتكسار مروان حبيتك تعرف حاجة ومن حقي نقولهالك اوموا نقص عليك شوي شوف اسمعني مليح حتى ويطلع بابا هوا باباك انا منيش ختك ايه انا وياك مناش خاوة واشبيك نتي واشراكي تقولي حبيتوني نهبل وقيلا ! يما قاټلي باللي باباك هوا هذا االكلب ونتي جاية تقوليلي مناش خاوة ايه مناش خاوة حط معايا ضك تفهم حكمتلو وجهو بيديا انا بابا ويما متوفيين وهذا عمي رباني من اللي كان في عمري عام ونعيطلو بابا كي رباني تسمى انا وانت ولاد العم مناش خاوة وعلابالي الشي اللي راك فيه ماهوش ساهل بالصح الله غالب هذا مكتوب ومن بعد تفكرت يماه شفتو تكالما خلاص مروان يماك كانت تطايش لتحت ومعلاباليش واش بيها اذا متغاشية ولا حاجة اخرى امشي نروحو نشوفوها ټخطف من بلاصتو وقاعد يتمتم مفهمتش واش يقول وهبط يجري لقى البنات خواتاتو يبكيو قالهم وين راهي يما داوها للسبيطار وشكون داها جارنا ومرتو امشيو معايا نلحقوها راحو البنات لبسو و خرجو بحتى انا ركبت ورحت معاهم لحقنا للسبيطار سقسينا عليها بعثونا لشمبرتها لقينا ماما وبابا واقفين عند بابا الشمبرة نتاعها نطق مروان يسقسي فيهم على يماه واش بيها واش صرالها واش قال الطبيب تكلملو بابا قالو راهم سكتو مروان ثم انت اسكت مهدرتش معاك دار لماما قالها خالتي واش قالكم الطبيب قاټلو ماما يماك عندها مرض القلب قالها عندها اه وعلاه طبيب قالنا قلبها ضعيف وهيا فوتت ضغط كبير قلبها مقدرش يتحمل ضربولها برا قالنا نحكموها تبات نريقلولها النبض وغدوة تخرج ...
