سر البيت القديم

البارت الأول
رواية من نوع جديد اتمنى تعجبكم
كانت تعد الطعام لطفلها وزوجها وبالها مشغول بمصروف المنزل كيف ستدبره الايجار غالى و زوجه صاحب المنزل اخبرتها ان زوجها سوف يتحدث مع زوجها مى يزيدوا من مبلغ الايجار واثناء شرودها وصل زوجها وكان مبتسم على غير العادة
ساره سامح ايه ده جيت بدرى انهارده الاكل لسه منتهاش 
سامح استأذنت ساعتين اصلى جايبلك خبر حلو اوى اوى
ساره خبر ايه هو صاحب العمارة كلمك 
سامح اه كلمنى وعايز يزود الايجار ١٠٠٠ جنيه مره واحده يعن عايز ٢٥٠٠ ج 
ساره ودى حاجة تفرح برضه 

سامح اسكتى يا ساره واسمعينى للاخر وهتعرفى ليه انا مبسوط 
بصى يا ستى تعرفى ان ماما اتنقلت وعاشت مع اختى مى عشان جوزها مسافر ومش بينزل غير أسبوعين فى السنه وهى بقت تزهق من المسئولية والقاعدة لوحدها فكلمت ماما وماما اتنقلت معاها وخلاص اشترت الشقه اللى تحتها وقررت تفضل معاها على طول يونسوا بعض وكده 
ساره مبروك ربنا يباركلها فيها 
سامح انا بقى سألتها طيب شقتنا ابقديمه عملتى فيها ايه قالتلى انها سابتها بالعفش بتاعها ومش محتجاها والشقه دى اجار قديم ٢٥ جنيه فى الشهر بس انتى متخيله 
ساره طيب واحنا مالنا 
سامح فتحى مخك يا ساره الشقه دى دلوقتي قانونا بقت بتاعتى وماما خلاص مش عايزاها باللى فيها وانا معايا المفتاح بتاعها فجتلى فكره ايه زى الفل 
ساره خير 
سامح بصى يا ستى شقه ماما اكبر من دى بكتير يعنى هنبقا احنا اوضه وابنك اوضه والعفش هناك زى ما هو ايه رايك بقى نبيه العفش ده كله ويا ستى خدى فلوسه كلها اشتريلك بيها حته دهب او حطيها وديعه وفلوسها تساعدنا ونروح نعيش في الشقه الايجار القديم واحنا اولى بالايجار ندخل بيه جمعيه 
ساره تصدق فكره حلوه خلاص من بكره نبيع العفش وناخد شهر التامين اللى دفعينه للراجل الطماع ده وقبل ماجيب اى حاجه نشوف الاول الشقه لو محتاجه حاجه نجبها 
سامح صح كده انا قولت اجى اقولك وافرحك 
فى اليوم التالى استيقظ سامح وذهب للعمل وعرضت زوجته كل أثاث المنزل للبيع واستطاعت خلال أيام بيع كل الأثاث والأجهزة بملغ كبير احتفظت بجزء من المبلغ فى حساب بنكى خاص بها والجزء الاخر اشترت به قلادة ذهبيه 
انتهى الاسبوع وتم بيع الاثاث وتوضيب صناديق بالاشياء التى سيحتفظون بها ويستخدموها في المنزل الجديد القديم 
وصلوا المكان وكانت العمائر ذات طراز قديم كام شكله مبهر وفخم من الخارج ومن الداخل يوجد رطوبة فى المبنى ولكن بشكل ليس بعش وليس به ضرر على العقار 
صعدوا الشقه وفتح سامح الباب ودخلوا المنزل واصبح ينقل الاشياء شئ فى شئ إلى أن انتهى وزوجته كانت تنظف فى المنزل وتغير المفروشات والستائر
ساره بسم الله ما شاء الله الشقه حلوه وكبيرة بقالى كتير مجتش هنا لدرجة انى نسيت شكلها
سامح إن شاء الله تبقى وش السعد 
بقولك صحيح الأسبوعين الجايين هنزل شفت مسائى وهيكون فيها اوفر تايم حلو اوى
ساره طيب الحمد لله وانا كمان لقيت شغل على النت من البيت هسوق للعقارات وكده تبع شركه ولو قدرت ابيع حاجه هاخد عموله على كل شقه
سامح مين جابلك الشغل ده وماقولتليش ليه 
ساره لسه امبارح بس ضحى جارتنا عارفها لسه قايلالى على الشغل امبارح ومالحقتش اقولك 
دى مكتب تسويق انا بس هسوق من النت لا هروح ولا اجى والمكتب هو اللى بياجر وبيفرج المشترى انا بس هاخد عموله لو اتباع
سامح ماشى يا ساره بس لو جيتى قولتيلى انا هروح ولا هاجى انتى عارفه رأيى