بنات_القسوة
شنطه الهدوم ...
تاني يوم دخلت لامها اوضتها ..
منال هزتها اصحي .. قومي بقي انتي ايه موركيش غير النوم ..
سميرة قامت مخضوضه ايه ... انا فين انتي مين ..
منال انا مين يعني انا منال بنتك ..
سميره قامت وقفت بنت مين انا معنديش بنات انت جايه تسرقيني صح .. انت مين انطقي ...
منال بسم الله الرحمن الرحيم مالك يا وليه انتي اټجننت ولا ايه بقوللك انا بنتك ...
منال كانت بتنفس بصعوبه وقالت اوعي اوعي بقولك ..
فجاه رحيم جوز منال دخل الاوضه واتفاجي بالمنظر ..
شد سميره وقعها على الارض وضربها بالقلم وقال انتي اټجننتي يا ست انتي عايزه ټموتي بنتك ده انت عقلك خف خالص ....
منال بتتكلم بصعوبه ايوا انا كويسه .. خدها من هنا يا رحيم والنبي ..
رحيم راح ل سميرة وشدها وقال قومي قومي خلينا نخلص منك .. انا مش عارف عقلي كان فين أما وافقت انك تيجي هنا ..
سميرة فجأة اغمي عليها ووقعت ف الارض ..
منال يالهوي .. لتكون ماټت يا رحيم ..
رحيم لا يا ستي دي اغم عليها .. هاتي اي حاجه افوقها ..
سميرة ااه يا دماغي .. هو حصل ايه يا رحيم يا ابني ..
رحيم بزعيق يعني مانتيش عارفه حصل ايه فجاه سمعت صوت غريب ف الاوضه دخلت اشوف فيه ايه لقيتك بتحاولي تخنقي بنتك .. انا مش فاهم انتي ازاي تعملي كده ..
سميره قالت بتوهان انت بتقول ايه انا مستحيل اعمل كده .. انا مش فاكره حاجه ابدا من اللي انت بتقوله ده ..
سميرة بصتله پانكسار وقامت من علي السرير .. وقربت اللي بنتها اللي بعدت عنها پخوف ...
سميرة سامحيني يا بنتي والله انا مكنش قصدي آذيكي بس انا والله مش فاكره اي حاجه وعموما انا همشي عشان اريحك من همي انا عارفه ان انا حامل تقيل اوي عليكوا يا حبيبتي انا اسفه ...
سميره بصت لرحيم بدموع رحيم يا ابني انا عايزاك تحجزلي عند دكتور عشان اعرف مالي انا دايما بنسى حاجات كتير وفي حاجات بتقع مني ..
رحيم من غير ما يبصلها طيب طيب هبقى اشوف الموضوع ده ...
فضلوا ساكتين وشوية ووصلوا بيت هند اللي استقبلتهم ببرود ..
رحيم لا انا مستعجل ورايا شغل .. خديها اهي ودي شنطتها ..
هند اخدت الشنطه وقفلت الباب .. كانت سميرة قاعده علي الكنبه ف الصاله ..
هند بصت لها پحده وقالت اسمعي بقى طول ما انتي قاعده هنا ملكيش دعوه بجوزي او بعيالي تخليك قاعده في الاوضه وخلاص وانا هدخلك الاكل والشرب لحد عندك .. ولو عوزتي تروحي الحمام تقوليلي وانا اجي ادخلك انما انتي متتحركيش في الشقه كده بمزاجك ..
سميرة حاضر يا بنتي ..
هند انا النهارده عازمه اهل جوزي على الغداء هتدخلي الاوضه ومش هتطلعي منها طول ما هما موجودين واياك تخرجي منها .. سامعه..
سميرة حاضر
