مروان

لما خطيبته قالت كدا 
لا يا رضوي .. انتي كنتي خطيبتي و بعدين انا اتصلت بيكي عشان رقمك هو الرقم الوحيد الي حافظه و قلتلك تبلغي ماما اني فالمستشفي مقولتلكيش تجيلي المستشفي 
بس انا مش موافقه انك تفسخ الخطوبه !! 
اظن اي طرف من الطرفين ليه الحق يفسخها . عموما انا عايز ارتاح ف اتفضلي برا 
كل دا يعني عشان بغير عليك بزياده عايز تفسخ الخطوبه !! وبعدين انتي ليه لسا موجوده يا دكتوره !! وليه مركزه مع كلامنا .. ايه عاجبك خطيبي ولا ايه ! 
اتكسفت جدا من كلامها و كنت لسا هتكلم بس مروان اتكلم 
يعني كمان قولتلك متجيش و جيتي بالڠصب و كمان بتزعقي للدكتوره الي انقذتني ! لا كدا كتير .. لو عندك كرامه يا رضوي امشي
انا غلطانه اصلا اني بحب واحد
و بصت عليا بقرف ومشيت 
اما مروان ف اتكسف من كلامها قدامي .. و انا زعلت من كلامها لان انا السبب ف دا 
متحسش باحراج ولا حاجه هي الي قليله زوق .. وبعدين انت مش محروق ولا حاجه الحړق خفيف جدا 
لا عادي مش بزعل لما حد يجيب سيره الحړق الي فيا .. انا اصلا سبتها عشان اخر خڼاقه بينا و الي كانت امبارح قبل الحاډثه كنت بقولها ان مينفعش تكون مغروره بالشكل دا ف عايرتني بالحړق بتاعي و قالتلي زي م انا متقبله الحړق بتاعك يبقا انت كمان تتقبل عيوبي 
عن اذنك عندي مرضي تانيين 
و خرجت من الاوضه
رحت ناحيه الحمام و بصيت للمرايه وانا بعيط .. يعني ابقا مستنياه كل السنين دي و بدعي ربنا كل يوم نتقابل تاني و فالاخر يطلع مش فاكرني اصلا وكمان خاطب !! 
مسحت دموعي و قررت اني مش هبقا ضعيفه و هنساه .. اه هنساه زي م هو نسيني من زمان .. يمكن كمان اتأخرت عالخطوه دي 
رحت اشوف باقي المړضي الي عندي و دخلت العمليات الي عليا فاليوم دا و بعدها اتفاجأت ان المدير مازن استدعاني لمكتبه 
قالولي ان حضرتك عايزني ضروري 
ليه بتقولي حضرتك .. بعدين احنا يعتبر ف سن بعض ف ليه الرسميات دي .. كل الفرق بينا ان ورثت المستشفي دي من بابا 
بردو حضرتك مقولتليش عايزني ف ايه 
فاضيين الخميس  
ليه بالجمع اه ورايا عمليات الخميس و اكيد مفيش يوم فالمستشفي هيبقا فاضي 
ضړب بكف ايده علي وشه 
قصدي مامتك فاضيه يوم الخميس فاضيين اجيلكم البيت يعني  
وحضرتك هتيجي ليه 
ضړب بكف ايده تاني علي وشه 
حاسس انك فاهمه و عامله فيها هبله بس عموما هرد عليكي .. طبعا انتي اكيد ملاحظه اعجابي بيكي و الصراحه انا عايز اطلب ايدك يوم الخميس لو فاضيين .. عارف ان معندكيش غير مامتك ف هطلب ايدك منها 
وانا مش بفكر اتجوز حاليا 
يا نور انتي مش لسا متخرجه مثلا و لسا بادئه شغل .. انتي وصلتي لمكانه حلوه اوي فشغلك و انا استنيت الوقت المناسب و اظن دا الوقت المناسب .. مستقره ف شغلك و مفيش حاجه تعطلك عن خطوه الجواز 
انا مقدره احساسك من ناحيتي بس ياريت تصرف نظرك عني لاني مش هتجوز خالص يا دكتور مازن . عن اذنك 
وخرجت من مكتبه 
اما هو ف قعد علي الكرسي بتاعه وهو زعلان 
يا نور استني !! 
ايوه يا مني
مالك ليه باين عليكي متضايقه 
مفيش 
ليه المدير استدعاكي ..
طلع الكلام الي بتقوليه صح .. كان عايز يجي يتقدملي 
اتبدلت ملامح مني 
ب .. بجد ..