مروان

الف مبروك .. 
موافقتش .. 
وهنا ظهر علي ملامح مني الفرح و نور كانت بتراقب رده فعلها 
يعني الي شاكه فيه صح ! بتحبي مازن !! 
لا لا احبه ايه 
انا كنت فاكره اننا اصحاب وانك بتحكيلي اسرارك زي م بحكيلك اسراري 
مني مسكت ايد نور 
متزعليش بس افتكرت ممكن توافقي عليه فالمستقبل ف محبتش اقولك عشان متتوترش العلاقه بينا وقتها ..
نور حطت ايدها علي كتف مني 
اطمني انا عارفه احساس انك تحبي بجد .. اكيد مش هاخد منك الي بتحبيه و بعدين انا اصلا مكنتش هوافق حتي لو مكنتيش بتحبيه 
مني حضنت نور 
ها قوليلي بقا مين المړيض الي كنتي مهتمه بيه اوي امبارح 
نور اتنهدت 
ملاكي الحارس .. 
نعم !! طب كوويس اخيرا اتقابلتو زي م كنتي بتدعي 
ناسيني خالص و كمان خاطب ..
لا يا نور كان خاطب 
وعرفتي منين !! 
المستشفي كلها سمعت صوتهم وهما پيتخانقو 
اه وطبعا الناس بتتدخل ف الي ملهاش فيه 
لا بس الكل كان مهتم ب اخبار المړيض دا عشان اول مره يشوفوكي مهتمه ب حد اوي كدا و كمان عشان ..
بصراحه يعني هو وسيم اوي 
نور ضړبتها علي كتفها 
متتلمي يا مني !! 
مني ضحكت 
بهزر يبنتي مينفعش اهزر !! 
عموما انا خلاص صرفت نظري عنه 
اه طبعا اومااال 
يا دكتوره نور .. المړيض بتاع امبارح طالب يشوفك 
روحي انتي يا مني 
ماشيي براحتك
ف اوضه مروان  
فيه حاجه ۏجعاك 
لا انا بس كنت عايز الدكتوره نور .. 
هي مش فاضيه للاسف 
الممرضات قالولي ان حالتي كانت صعبه اوي بعد الحاډثه و ان كان احتمال كبير اوي اموت و الدكتوره نور كان عندها مناسبه مهمه رغم كدا هي الي عملتلي العمليه ف حابب اشكرها بنفسي 
هو انت بجد مش فاكرها 
مش فاكر مين  
لا مفيش حاجه .. لاحظت حړق قديم ف دراعك و ضهرك .. كانو حاډثه بردو  
دي حاجه شخصيه يعني ..
عموما كنت بسألك عشان اعرض عليك اني اعملك عمليه تجميل عالحرق .. انا دكتوره تجميل شاطره علي فكره 
لا انا بحب نفسي كدا 
غريبه اول مره اشوف شخص رافض يعمل عمليه تجميل للحړق 
اسف بس مش حابب اتكلم فالموضوع دا .. هستناكي تقولي للدكتوره نور انها لما تفضي تجيلي
ماشي 
وخرجت من الاوضه و نور كانت مستنياها برا 
قولتيله انك هتعمليله عمليه تجميل عالحروق 
ايوه بس رفض 
متوقعتش خالص يرفض
ولا انا و كمان بيقول عايزك شخصيا عشان يشكرك .. الممرضات حكوله عن انقاذك ليه 
طنشيه انا مش هروحله خالص .. يلا بقا عندي عمليه اشوفك بعدين 
باي
خلصت العمليه و اتفاجأت ب رضوي خطيبه مروان مستنياني 
علي فكره انا شفت حبك لخطيبي ف عينك ف حبيت انصحك .. مروان اصلا ميقدرش يسبني .. عارفه ليه ! اولا هفهمك ان امبارح كان كتب كتابنا و خلاص مبقتش خطيبته ولا حاجه .. انا بس لسا متعودتش علي لقب مراته عشان كدا اول مسألتيني قولتلك خطيبته .. بعد كتب الكتاب حصلت بينا خڼاقه بسيطه عشان عاملت بنت الخدامه وحش و بعدها عمل حاډثه لما مشي من بيتي ف جايه اقولك تبعدي عن جوزي عشان مظنش ان واحده زيك هتخطف واحد من مراته . ماشي يا دكتوره 
سبتها وانا متضايقه اكتر و اكتر و رحت استريح شويه ف اوضه الاستراحه .. نمت علي الكنبه من التعب و الزعل .. كان يوم متعب و فيه عمليات كتير 
اول لما فتحت عيني
كان مروان قدامي 
افتكرت نفسي بتخيل ف غمضت عيني جامد و فتحتها 
انت هنا بتعمل ايه ! بعدين المفروض خطړ تقوم من السرير ف اول يوم كدا 
انتي الي كنتي بتتحججي انك مش فاضيه ومش راضيه تجيلي دقيقتين اشكرك فيهم 
انت قاعد هنا بقالك اد ايه !! 
ساعه مثلا
نور مسكته من دراعه وبتقومه من عالارض 
قوم يلا كدا و روح لاوضتك عشان كدا اصلا خطړ عليك ولو سمحت بطل تهور بقا انت عمرك مهتبطل تهور !! 
نور بعدها ادركت الكلام الي قالته ف حطت ايدها علي بوقها 
اه عمري م هبطل تهور و بعدين شوفي نتيجه تهوري .. كبرتي و بقيتي دكتوره زي القمر و انقذتيني كمان 
انت فاكر !! 
فكراني هنسي حب طفولتي ! انتي بس الي مكنتيش شيفاني قدامك .. كنت فالمدرسه الي جمبكم و كل يوم استناكي تخرجي من مدرستك و امشي وراكي لغايه البيت عشان اطمن ان مفيش حد بيضايقك .. و لما دخلنا الجامعه زعلت اوي اني مجبتش مجموع كليه الطب . انا كنت عايز ادخلها عشان اكون معاكي فالكليه بس والله .. و رضيت بكليه التجاره وكنت ناوي اخلص كليه واسافر برا ادرس و اطور نفسي بعدها اجي اتقدملك بس فيوم من الايام كنت رايح بيتك اقعد قدامه و استناكي بس تطلعي البلكونه تنشري او تشيلي الغسيل بس عشان اشوفك لحظه و حظي ان كنت رايح فيوم الحاډثه .. 
انا كنت فاكره وجودك هناك صدفه !! 
بعد الحاډثه كنت محروق جامد و رحت المستشفي و بعدها بفتره عملت عمليات تجميل بس بردو الحړق لسا واضح بعدها قررت اسيبه زي م هو .. كان بيفكرني بيكي خصوصا انكم بعد الحريقه انتقلتو لشقه تاني و محدش كان عارف عنوانكم 
طيب الحمدلله ربنا بعد دا كله عوضك بخطيبتك و متزعلش اكيد هتتصالحو 
مسك ايدي و حطها علي قلبه 
دا دليل ان قلبي منسيش حبه ليكي . شايفه بيدق بسرعه ازاي وانتي موجوده قدامي ! 
شلت ايدي بسرعه
مينفعش الي بتعمله دا يا .. !! انا حتي معرفش اسمك 
مروان 
بص يا مروان انا بحب واحد تاني .. انساني 
يتبع 
و شكرا بجد علي تفاعلكم الجميل فالبارت الي فات وياريت يزيد