اليمامه والطاووس الحلقة العاشرة

اللهم أغفر لنا ضعفنا وقلة حيلتنا وهواننا على الناس 
اللهم ثبت أقدامهم وسدد رميهم
الحلقة العاشرة 
حاول التهدئة من غضبه وهو يتمتم بعصبية حضرتك أزاي متقوليليش أن أختك مش ممكن تخلف.
نظرت سلوى باتجاه نجوى التي زاد تقوقعها على نفسها بقلق أنا قولت لحضرتك أنها مش حامل وكنت لسه هاقولك أنها مش هينفع تخلف لكن حضرتك قاطعتني وقولت أن مفيش حاجة ممكن تقف قدامك وأنه لو حتى طعن في التقرير الطبي وطلب تحويلها للطب الشرعي أنك ليك رجالتلك اللي تكتب التقرير اللي على مزاجك.
صړخ مستاءا أنا أه الحاوي يا مدام بس مش ساحر يعني أقدر اتلاعب بالحقيقة بس مقدرش أغيرها ممكن أقدر اتلاعب وأماطل وأجل لغاية متتعرض على اللجنة اللي فيها حبايبي في الطب الشرعي اللي ممكن يكتبوا أنها كانت حامل ده لو هي طبيعية لكن مين ده اللي هيضيع مستفبله ويمضي على تقرير زي ده لوحدة مبتخلفش متهكما لا وسايبة للخصم ملف كامل لحالتها الصحية.

انفغر فاهها پصدمة وهي تتذكر نسيانهما للملف الطبي وقت فرارهما.
لم يبالي بصډمتها وهو يستطرد لائما پغضب أنا بعد العمر ده كله أقف قدام واحد من زمايلي مش عارف أرد عليه بسببكم وبدل ما كنت ماسك موكله من رقبته التقرير الطبي اللي قدمناه بقى دليل ضدنا مش لينا.
صړخت نجوى پصدمة يعني أيه يعني احنا هنخسر القضية وممكن نتحبس عشان احنا اللي ضربناه.
احتضنتها سلوى تهدئ من روعها مټخافيش يا حبيتي مټخافيش. ليزفر هو بضيق محاولا التحكم بعصبيته أن شاء الله الأمور مش هتوصل لده هما عندهم استعداد للصلح ومحاميه بلغني أنه هينتظرني ننهي الموضوع بهدوء بس طبعا هيملوا علينا شروطهم.
صاحت سلوى مستاءة يعني كمان هما اللي هيتحكموا فين ويتشرطوا بعد ما بقينا في الموقف الأضعف.
أخذ نفسا عميقا محاولا تنظيم أفكاره قبل أن يقول بخبث مش احنا لوحدنا محدش ملوش نقطة ضعف ولو لاقينا نقطة ضعفه أو حتى خلقناها هيفرق معانا كتير وقت التفاوض.
تمتمت بحيرة مش فاهمة!
فكر أمامها بصوت عالي هاحاول أشوف ممكن نمسك عليه أيه ليصمت لحظات شاردا ليسألها بعدها أنت قولتي أنه كان بيضربكم عشان بيتهمكم أنكم السبب في دمار جوازته الأولى.
أجابته مستاءة وهي تشعر بانقباض جسد شقيقتها بأحضانها لذكره ما حدث أيو بس طبعا احنا ملناش ذنب.
تجاهل تعليقها وهو يسأل باهتمام طيب هو أيه علاقته بطليقته حاليا.
أجابته متعجبة باهتمامه بأمر كهذا مفيش علاقة بينهم تقريبا
عقد حاجبيه وضاقت عينيه وهو يسألها ثانية يعني أداها حقوقها ولا بينهم مشاكل.
أعترضت مستنكرة هي مكنش ليها حقوق تقريبا هو اللي كان فارش الشقة بالكامل ومؤخرها وصل لها لحد عندها.
تسائل باهتمام وهي مضت على استلام المؤخر ده.
أجابته بتلقائية لا مكنش فارق معنا كل اللي كان يهمنا أننا نقطع عليها أي سكة للتواصل معه.
ابتسم بخبث وقد أيقن بأنها ليست بريئة كما تدعي وأنها أحد أسباب الطلاق أن لم تكن السبب الرئيسي ولكن هذا لا يعنيه فهي موكلته وكسب قضيتها هي ما يهمه مهما كان موقفها وصحته من عدمه لذا أردف بمهنية هاشوف ممكن نستفيد من الموضوع ده أزاي ولو منفعش نبقى نرجع نقابلهم ونتفاوض.
استيقظ من نومه على ربتات خفيفة فوق كتفه وصوت زينهم القريب من أذنه يناديه همسا أصحى يا أستاذ اصحى أنت مدوقتش الزاد من امبارح.
فتح عينيه يستطلع ما حوله بدهشة قبل يستعيد عقله وعيه كاملا فينهض متأوها من قسۏة الفراش وهو يغمغم بنعاس هي الساعة كام وأنت جيت امتى.
ابتسم له زينهم بسماحة جيت من