قصة الحب الاخير الفصل الثالث والاخير
انت في الصفحة 1 من صفحتين
ضحك حسام وقال
اه عارف الموضوع ده هتجوز مريم !او مريم بتحبك لدرجة انها عايزاكي تبقي ضرتها
يا حسام ...
قالت مريم فزعق حسام وقال
انتو مجانېن صح هو انا قادر اتجوز واحدة لما اتجوز اتنين ....مريم انتي طالق!
بعدين قام ...مسكت مريم ايده وقالت
بتقول ايه يا مجڼوڼ ....هو انت اتجوزتني عشان تطلقني ...اقعد بس وهفهمك.
انجزوا عشان اروح لامي تشوفلي عروسة تاني بدل المعتوهة اللي اتدبست فيها ...
مريم مسكت كوباية العصير وكانت هترميها في وشه بس انا مسكت ايديها وانا متوترة وبصيت لحسام وقولت
استاذ حسام انت مش هتتجوزني بالمعني الحرفي ...انت بس هتيجي تتقدم
قصدك اتدبس
اسمعني كويس لو سمحت
اخدت نفس طويل وكملت
انت هتيجي تتقدم عادي وبعدين انا هقول مرتحتش وهرفضك
وليه الفرهدة دي
استاذ حسام انا بجد واقعة في مشكلة كبيرة وانت الحل الوحيد ...
اتكلمت مريم وقالت
وافق يا بيبي بليز البت واقعة في مشكلة فك كربتها
طيب اعرف المشكلة الاول عشان اساعد
غمضت عيني بتعب وفتحتها تاني وقولت
عصام ممكن نأجل موضوع الخطوبة شوية ...يعني بلاش تتقدم دلوقتي وانا مش هقول لبابا ...
قالتها لميس وهي متوترة ...بس كان في مكان تاني ....كان سرحان ومش مركز معاها ...
روحت فين
فيه ايه يا رحاب
رحاب!!!
انا قولت رحاب!
ايوة يا عصام قولت رحاب...
معلش يا لميس عقلي مشتت شوية ...اكيد مش قصدي حاجة ...كنتي بتقولي ايه
بقول مفيش داعي تتقدم دلوقتي انا مش جاهزة
ليه إن شاء الله
يعني. فكرت انك تكون نفسك اكتر عشان ابويا يوافق علطول انت عارف ان اللي اتقدمولي قبل كده ورفضتهم ناس مرتاحين ورغم كده رفضت عشانك ...فأنت عشاني كون نفسك اكتر عشان بابا ميرفضكش
ابتسم ابتسامة صفرا وقال
حقك طبعا يا لميس
......
بعد يومين ...
كانت عمة رحاب لابسة وخارجة ...شافها عصام وقال
رايحة فين يا امي
رحاب جايلها عريس النهاردة رايحة أقف معاهم
ايه عريس ...عريس ازاي !هي كانت بتتكلم بجد
اومال بتهزر يعني طبعا بتتكلم جد ...عن اذنك بقا
مسك دراعها وقال
استني يا ست الحبايب انا لابس وجاي أقف جمب بنت خالي
lټصډمت لما لقيت عصام جه مع عمتي ...بصيت لمريم بإرتباك ...ميلت عليا وقالت
بيغير علي فكرة
بطلي هبل هو مبيحبنيش اصلا
هنشوف .....
دخلت انا ومريم ووقفنا ورا الستارة لما جه حسام ..اتفقنا انه يبوظ الموضوع من اوله ...كنت بدعي من ربنا ان الموضوع يتم ....بس لاحظت ان عصام بيبصله پغضب انا مش فهماه ...
انت بقا عريس الغفلة
قالها عصام بصوت واطي بس سمعه حسام وقال
افندم بتقول ايه
بقول نورت يا عريس
هز حسام كتفه وقعد
بصله والد لميس وقال
فين اهلك يا بني
مجوش يا عمي
ليه
مش موافقين علي بنتك
رفع الأب حواجبه وقال
طيب احكيلي عن نفسك
انا حسام عندي اتنين وتلاتين سنة بشتغل يوم وعشرة لا ومعنديش شقة
صراحتك
