زهره

بلا مزية وكوبات رحت لبابا قتلو راهي عيطتلي لمراة وقاټلي هاهي لادراس تاع الشريكة يروح عند راجلي يهدر معاه معليش بنتي درك نروح شوي هكا وراح لعشية باش جا قتلو خير بابا والله يابنتي الراجل هداك صحصح تاع خير تواضع والاحترام والتربية خلاتو يكبر في عيني روحي اخدمي عندهم وعينيا مغمضين وزيد عرض عليا خدمة ساهلة على واش راني نخدم والسلاك دوبل ماما يافرحي ياسعدي سما راح تقبل ايه تفاهمنا وصاي قبلت انا فرررررحت فرحة ماتتوصفش بابا راه فرحان كي لقا خدمة مضمونة وزيد سلاك مليح وانا تاني رحت حضنتو وقتلوا ربي يخليك لينا بابا نشالله بنتي وربي يخليك ليا نتي تاني حليتي على روحك رزق وزدتي حليتي عليا .......
الحلقة 39
وزدتي حليتي عليا باب الرزق الحمدلله ياربي قعدنا هكاك نقصرو وفرحانين دخلو خاوتي زادو فرحو بزااف 
انا لعشية هاديك دوشت وسشورت شعري وليسيتو رحت هزيت تلفون عيطت لختي حكيتلها فرحت بزاااف زدت عيطت لسارة شكرتها شكرتها قټلها حليتي عليا بيبان الرزق ربي يحلها في وجهك دنيا وآخرة قاټلي بلا مزية لغدوا نضت صباح عاونت ماما تغدينا وصلت 1 لبست سروال دجين معا ليكات شوي قصيرا وطلقت شعري ونفس الروتين في وجهي ريسيل وغوج وبارفا وخرجت رحت للدار باش نتعرف بيزن وزيد نوجد فالكلام لي راح نشكر بيه مدام دنيا وصلت فتحتلي سهام سقسات على حوالي ودخلت لقيت مدام دنيا مستيكيا روحها ومدايرا حجاب لابسا روب تاع صيف معا الحجاب جاتها تهوووبل سلمت عليا وقاټلي انا لازم نروح راح لحال عليا يزن راه في شمبرتو يلعب ماكلتو ولبستو وكلش راهي هنا سهام تقولك عليهم قټلها اوك وماغسي على لبارح كي ضيفتو بابا وزدتو دبرتولو خدمة والله كنا محتاجينها ربي يعليكم على من يعاديكم نشالله حنونة بلا مزية سهاااااام جيبيلي مفتاح طونوبيلتي جابتلها سهام وصاتني وراحت ........
الحلقة 40
وصاتني وراحت 
انا دخلت معا سهام ديراكت لشومبرا تاع يزن لقيتو يلعب فلاشومبر تاع لعب مين دخلت بعد شنف عليا وكان هاز طاكسيتو ضړبني بيها طحت فلارض ولعبتها نبكي وحاطا يديا على وجهي جا عندي بيديه الصغار ويقولي خلاث خلاث ههههه عجبني لحال منبعد شنفت عليه وقتلوا بصح راك ضړبتني هنا زعف مام هوا كي زعفني هكاك يخااااه بغيت ناكلو عينيه زورق وبيض وهاز صحتو وعندو ليفوسات وزيد لابس ساروبات وانا اكثر حاجة تهبلني ونعشق فيها هيا ساروبات منبعد قالي ام ام ثاي هزيتو في حجري وقعدت معاه فلارض قتلو ني نبكي كون تزيد تعاود تضربني قالي ام منبعد قتلو انا اسمي زهرة ونتا علابالي اسمك يزن من ليوم انا وياك ديما نلعبو يااك زهلة هههه وضحك ياااي انا ماقديتش بغيت ناكلو ياراهو عسل وسكر خاصتا كي قالي زهلة قتلو نلعبو طاكسيات قالي هزلي براسو جبت كامل طاكسياتو وبقيت نلعب معاه حتى شفتو بداو يتغمضو عينيه وبغا يرقد قتلو نروحو ننيو هزيتو عندي وبقيت نغنيلو ماما جابت بيبي بيبي حلو وصغير ....
حتى رقد خرجت من لاشومبر تاع العابو ودخلت لاشومبر تاع رقادو حطيتو رقد ........
الحلقة 41
حطيتو رقد وخرجت رحت نكتاشف فالدار حتى لقيت سهام تمسح فالغبرة رحت ليها قټلها ربي يعاونك قاټلي امين قټلها معليش تقوليلي واش ياكل ووكتاه يرقد يزن وكاش معلومات عليه قاټلي اصبري نكمل ونروحو للكوزينة نقولك كملت ورحنا للكوزينة بدأت تحكيلي بلي الصباح يفطر جو ولا ياغورت ولا سلاد ديفروي ويشرب حليب لازم كل يوم وبسكويت فالغدا سوب خضرا ولا روز المهم مباعد نمدلك الموني تاع لماكلة في ورقة خير اياا اوك شوي هكا سمعتو يبكي رحت نجري ليه دخلت لقيتو يحلم عاودت رقدتو وقعدت قدامو نكونيكتي حتى ناض وصلت 4 وأربع قالي زهلة ياعيون زهرة نضت حبب رحت نبوس ونحضن وندغدغ فيه وهوا يضحك منبعد هزيتو ورحت لسهام وراتلي الدوش دخلت غسلتلو وجهو ورحت ديتو لتوالات منبعد رجعتو .........
الحلقة 42
منبعد رجعتو لشمبرة الألعاب عيطتلي سهام قاټلي جيبيه ياكل لي فروي تاعو هزيتو ورحت بيه للكوزينة حطيتو فالكرسي تاعو لقيتها وجدتلو بديت نوكل فيه وهوا يلعب وياكل وبلعاني مايحبش ياكل باش نزعف كي نزعف ونقولو درك نبكي يقولي خلاث خلاث المهم وكلتو منبعد هزيتو ورحنا لاشومبر تاع الألعاب لعبت انا وياه سعات نديرلو اغنية تاع طيرو الجنة ونقعد نغني وهوا يشطح صحصح من اول نهار دخل لقلبي يجري فات الوقت وحنا غي هكاك نلعبو حتى دخلت علينا مدام دنيا متشوكيا كفاه يضحك ويلعب معايا قټلها اهلا مدام كيراكي صفا الحمدلله زهرة وبدأ هوا يعيط ويصفق زهلة زهلة زهلة رحت ليه وحضنتو ياعيون زهرة حضڼي ونسا طول ماما منبعد قتلو هيا روح لماما بوسها راح عندها هزاتو باستو وتحضن فيه وخرجنا للصالة قاټلي والله يازهرة مادريت ياكسيبتيك من نهار لول هك ههه عكستلو الخطة برك كفاه منبعد نحكيلك هه اوكي يزن حبب عجباتك زهلة ام ام زهلة زهلة ياخيتي ياخيتي الله يبارك على ولدك ناشط وباين يفهم كلش ايه شفتي ياك قتهالك روحي زهرة تروحي هداك هوا باين بلي تعبك لا والو معليش روحي ترتاحي خير اوك مدام رحت هزيت تلفوني نسيتو فلاشومبر تاع يزن وجبت ساكي ورحت ليه نبوسو بستو وقتلوا باي باي ني رااايحا ناض يبكي ويقول لأ لأ ماتوحيش زهلة يما خيتي قطعلي قلبي كون لقيت نديها معايا ونورمال حتى قاټلو ماماه غدوا ترجعلك ماتخافش لألأ ماتوحش رحت ليه قټلها معليش مدام نهزو قاټلي هاكي هزييتو وبديت نقولو شوف غدوا نجيبلك بزاااف حلوة ونفيخات ونديرو حفلة ياك يزن ام درك نروح وغدوا نرجع حسيتو زعف ماشتاش ......
زهر__ة 
الحلقة__ 4344454647
الحلقة 43
حسيتو زعف ماشتاش قتلو باي باي باااي خرجت روحت للدار سقساتني ماما على يزن اسكو تعبني قټلها لا والله والو على لول صح ماستقبلنيش مي كي لعبت معاه عاد يبكي كي جيت نروح قطعلي قلبي اييي ما خيتي ونتي من بكري يحبوك لولاد صغار هيه لعبت معاه وغنينا علكيف دخل اسلام لازم يهايلني ذر لقا الذر الطفل راه فالدونجي مسكين شووووف اسيدي ومالا قعد يضحك مالا لي راك تقول عليها ذر كي جيت راح نروح قعد يبكي عليا اوووه باينا يبكي مالقاش الذر لي كيفو شووووف اسلام روح اخطيني ماما .اخطيها تا هاني خطيت الذر وخرج خلاني نغلي حمار رحت بدلت وغسل روحي وقدت ديراكت نضت على صوت ماما تنوض فيا قاټلي قالك باباك نوضي تتعشاي نضت غسلت وجهي ورحت للكوزينة لقيتهم قاعدين قالي بابا صحا النوم بنتي يسلمك بابا حطتلي ناكل قالي وش فات نهارك معا الطفل والله علكيف الله يبارك يهبللل يبان كثر من عمرو وتشوفو واش شباب واش كيووت ربي يخليهولهم نشالله ياربي......نشالله ياربي لغدوا نفس الروتين رحت بصح شريت معايا نفيخات وحلوة كيما وعدتو ديتهم معايا ورحت لقيتو يستنا فيا ومدام دنيا لقيتها فالدار قاټلي جايا عجوزتي تتعشا