زهره

خدعوني ياماما خدعوني شكون خدعك اهدري بديت نبكي ماما ملاك تعرفيها ايه يابنتي وش صرا ماما ملاك ياك هيا لي عشت معاها لحلوة والمرة ياك هيا عشيرتي اماما بصح لاااه تقولي هكا....
الحلقة 29 
بصح لااه تقولي هكا خدعوني ربي وكيلهم حسبي الله ونعم الوكيل فيهم يابنتي احكيلي لحكاية من لول باش نفهم والو ماما صاي كفاه والو احكيلي شكاين صيبو قټلك صاي صاي طلعت لشمبرتي بكيت بكيت حتى وجعني راسي جات عندي ماما زهرة شوفي حنونتي انا ماعلاباليش لاه راكي هكا مي نتي مازلتي ماتعرفي حوايج لازم تقتانعي بيهم وتعرفيهم بيسك مكانش لي ماوش راح يطيح فيهم 
مكااانش حاجة اسمها حب من غير والديك كل شخص عندو بداية مام يجي نهار النهاية تاعو واحد مراح يبقا معاك من غير ربي سبحانو هوا الوكيل تاعك ناس ذرك نحات النية وتمشي بالحيلة والنية لي راكي بيها هادي بكريييي صحا لعزيزة تاعي هزيتلها براسي بإيه ناضت جابتلي سجادة وخيمار الصلاة قاټلي هاهي بنتي سجادة اسجدي لربي وادعي يفرج عليك وارجعيلو لأنو ماعندك خطوة بلا بيه سبحانو عندك لحق رحت توضيت وصليت زوج ركعات والدمعة في خدي وفي فمي حسبي الله ونعم الوكيل فلي درتها ختي وعشيرتي قبل لي درتو حبي وعطيته قلبي رحت رقدت مكانش عيني نروح نقرا ديك لعشية ومام لغدوا تاني مارحتش قعدت معا روحي خممت وخممت سعات نبكي سعات نلوم روحي سعات نقول الحمدلله مكتوبي نشوف هكا حتى قررت نقسح قلبي عليهم وهوما دبر راسهم ربي يهنيهم انا عندي قرايتي عندي هدفي الباك نديه نديه فات شهر وانا قاټلة روحي فالقراية الغش لي يكون داخلي كامل نردو فالقراية........
الحلقة 30
الغش لي يكون داخلي كامل نردو فالقراية بقاو سمانتين للباك وانا لخلعة حاكمتني ديفوا مين نقلق نبكي وحدي وحدي حتى تجيني ماما ختي سعا على سعا تتفقدني وتجي نقسرو معا بعض هادوك الزوج ماوليتش نشوفهم بزاف بيسك ليمات لخرا تاع لباك قليل لي يجي مانقولش نسيت اشرف بصح راني نقنع في روحي بلي حكاية وفاتت
نمشيو شوي فالاحداث وصل لباك عقبنا بنهار لخميس كملنا تعرفو ديك الفرحة تاع راضيية على روحك شادرتي وتاني العطلة وخلصوا المشاكل تاع لقراية واحد الراحة غير طبيعية انا تحسنت شوي حالتي بعدما لهيت روحي فالباك بديت شوي نحيا جا الصيف وجاو لخرجات والطلعات والهبطات تعرفت على سارة فاليمات لي عقبت فيهم لباك تنجمو تقولو تعلقنا شوي ببعضانا اما انا مزال فيا الړعب من الصحابات......
الحلقة 31 
اما انا مزال فيا الړعب من الصحابات فاتت سمانا وسمعنا بلي ياسمين عرسها السمانا هادي جات ختي وبالكرش مسكينة تعبتها جات ديك ليلة بتنا نقصرو قاټلي بغيت نخيط قندورة على لافورم تاع روب فالبلو سيال قټلها ايه مليحا ونتي شراح تلبسي ماعلاباليش مي مانيش حابا نروح لعرس ياسمين في جرت خوها بيسك كون نتلاقا بيه نقتلووو ومايبردش قلبي لاه شدارلك مزال يديرونجي فيك اييي حقا ماحكيتلكش عندنا بزاف ماتلاقيناش هيه شاصرا هوا لي قال لخاوتي بلي كنت معا أشرف ديك الخطړا ياااا قولي والله ايه هوا الله لايتربحو رخييس رخيس وسكتي خلينا منو درك لي صرا صرا احكيلي على أشرف هبطت راسي كشغل دمعو عينيا زهرة شبييك والو شابغيتيني نحكي عليه بصح راكي باينا تبغيه لاه خليتي روحك تتعلقي بيه هكا ماشي هاذي لي غايضتني ومالا ملاك راهي معاه ذرك منك سيريو والله ونزلت دمعة ياعمريييي شدارو فيك ربي وكيلهم عنقتني ايه ربي وكيلهم هادا ماندعي خليك منهم ختيتو زينة نتي عندك قرايتك ماعندكش التفاهات هادو مزالو ليام ويجي سيدك لي تستاهليه ويستاهلك ياك عمري نشالله وكفاه درك ماتروحيش للعرس ايه خلينا مانروح موالو ديجا أيوب قالنا اذا رحتو تروحو على نص نهار في لاصال برك مكانش لمبات مالا على لحكاية تاع هداك الرخيس ايه بلاك انا مانيش رايحا خلاه معليش وواش لباك كشما خدمتي ايه الحمدلله مالا فيها السنة نشالله نشالله ياربي ......
زهر__ة 
الحلقة__ 323334353637
الحلقة 32
نشالله ياربي قصرنا شوي والله نحاتلي على خاطري ورقدنا 
فاتت ليمات تجري وجا عرس ياسمين ماما وختي يوجدو في رواحهم انا مالهيتش فيهم طوول غي ختي كي تجي تسقسيني على حوايج كيما لبسة ولا مكياج ولا كولار ليسونسيال زدت تعرف بزااااف بسارة عقليتها تهبلل ومزالت فيها النية تاع بكري ديما تسقسي عليا وديما تعيطلي ديفوا نخرجو معا بعض نزهاو جا عرس يوجدو في رواحهم ماعيات مرت عمي تحاول وبنت عمي باش يروحو قبل ماخلاوهمش خاوتي نسرين ماكييتلها خرجت تهبللل راحو كامل بقيت وحدي فالدار نكونيكتي معا سارة ونتفرجو ونهدرو ليزابال حتى قټلها انا تعبت من الدار بغيت نخرج كشما نلقا خدمة نلهي فيها روحي وزيد بابا كثرنا عليه وتزيرت علينا بزااااف خاوتي حليلهم مامش يديو فهاديك الشهرية لي تعمر الجيب ياربي يكفيو رواحهم وبابا من النوع لي مايقولهمش يقولهم وجدو لرواحكم بزايد ماتعاونونيش انا خلوني ندبر راسي في كلش .........
الحلقة 33
ندبر راسي في كلش 
المهم قلتلها كشما تلقايلي كاش افار تاع حفافة ولا قوليلي قاټلي مايكونش الا خاطرك نشوفلك المهم فاات خويا جا جوايه 8 تاع ليل جابلي عشا لعروس مي ماكليتش كانت كاينا اندومي فالفريجيدار طيبتها وكليتها وقعد معايا هوا في شمبرتو وانا كيف كيف حتى جاو ختي وماما وبابا وخويا ايوب معاهم جاو تعبااانين خاصتا ختي وجها صفر خلاااص من الحمل ديماكيتلها وراحت بدلت وقعدنا نقصرو قټلها كفاه فات لعرس قاټلي مليح قاټلي بصح ني درت حاجة قټلها وشيه حكيت معا محمد ورخستو قوليي والله والله وقالي مكانش قصدي نديرلها مشكل شووف اسيدي كي مايديرش مشكل واش بغا يدير هاكي تشوفي المهم طلب السماح وقالي قولها تسمحلي مام هيا اااا قولو غي بعد عليا لأنو الغش لي فيا تيجاهو قادر نقتلو بيه ونورمال معليش ختيتو فوتي برك هداك مكان رقدنا سمعنا بلي وصلت ريزيلتا تاع لباك وليت مانرقد لا ليل لا نهار ديما مخلوعة منو بيسك بقاټلي صدمة جا نهار لي راح تخرج فيه النتيجة وخرجت ولقيت روحي ديتو ب فرررررححت وفرحتي ماتوصفش بابا حتى عاد يبكي من لفرحة خاوتي من لثماك عادو يهدرو معايا كيما بكري وزيد فرحولي وباركولي سارة مام هيا دات مي معدل شوي ناقص بصح قاټلي المهم ديت مايهمش المعدل درنا حفلة انا وياها في دارنا جاو ماليها ومالينا فاااات نهااار يهبللل عطاوني دراهم درت ليقاطو ودرت ليصالي والتاي والقهوة ولحليب والجو درتهم كامل وسارة دارت لاتارت فيها اسمي واسمها صغيرا وكيوت فرحنا داك النهار رووووعة ويهبلللل تصورنا شطحنا على كلش المهم فاتو ليمات على ديك الفرحة .......
الحلقة 34
فاتو ليمات على ديك لفرحة وجات عندي سارة قاټلي عندي زوج خبار في زوج يفرحووك قټلها وشي هوما قاټلي لول ربي رجعلك حقك والثاني ربي جابلك قسمك مزال مافهمت اوكي ملاك وأشرف وشبيهم في زوج مداوش لباك