عشق الطفوله بقلم ايمان صالح

وعصافير جبت الاكل بتاع العصافير واكلته وكنت ببصلهم سمعت صوته ورايا 
_ اكيد هتخلي بالك منهم لحد ما ارجع 
بصتله كان واقف مبتسم أو بيحاول يقنعني انه فرحان 
رديت عليه_ هو انت هترجع تاني 
ابتسم _ اكيد هرجع تاني يا فريدة عارفه انا مش كنت عايز اسافر ولا حاجه ولا في يوم كنت اتمنى اني اسيب اهلي واسافر بس فعلا هنا الشغل مش مساعد وظروف ابويا زي ما انتي شايفه يدوب مكفيه البيت ومصاريفه مش هعرف اعمل حتى مشروع أو اشترك مع حد وكمان اختي اللي كلها سنه ولا اتنين وتتجوز نور اوقات كتير بيجلها عرسان بس احنا هنفضل نطفشهم على طول ما صدقت لقيت الفرصه دي وإن شاء الله اول ما احوش فلوس هرجع مش هقعد هناك 

بصتله بدموع _ يعني بجد هترجع انت عارف انا مليش غيرك في حياتي بعد ۏفاة بابا وانت كنت واقف معايا انت وعمي انا خاېفه تسافر ومترجعش زي هنا اختي كده 
ابتسم طبطب على أيدي _ متقلقيش انا هرجع إن شاءالله عشان اهلي و 
_ وايه 
_ وعشانك يلا امسحي دموعك كفاية عليكي كده كفاية نكد 
شاورت على نفسي_ انا نكدية يا يونس 
ضحك_ده انتي بتعشقي النكد
ضړبته في كتفه فضحك بصوت عالي _ خلاص خلاص قلبك ابيض يلا نطلع و اه متنسيش تطمني على العصافير بتاعتي كل يوم ها 
فعلا طلعنا وقعدنا مع بعض كلنا اخر يوم يونس هيكون معانا فيه تاني يوم يونس سافر وانا قعدت يومين زعلانه بحاول اتاقلم على عدم وجوده جنبي ومعايا انا اي حاجه بتحصل في حياتي كنت بروحله طيب اروح ل مين دلوقتي
كنت قاعده في اوضتي زعلانه وشهد صاحبتي قاعده جنبي 
_ خلاص بقى يا فريدة هو هيرجع متزعليش 
_ مفتقداه اوي يا شهد مش مصدقه انه خلاص مبقاش موجود 
_ يا بنتي هيرجع إن شاءالله وبعدين فوكك من الجوا ده وتعالي شوفي الدريس اللي هروح بيه فرح نهال صاحبتي 
ابتسمت أو بحاول ابتسم فتحت موبايلها وجابت صور الدريس بصتله وبعدها بصتلها 
_ حلو اوي يا شهد تتهني بيه 
_ حبيبتي يا فريدة ايه رايك البس عليه اي طرحه 
Eman Saleh.
ورتلها الطرحه وبعدها قعدنا شوية وهي مشيت وانا روحت شقة عمي ودخلت البلكونه واكلت العصافير كان في الوقت ده بيعمل كده يأكلهم ويطلع البلكونه ينادي عليا ونتكلم مع بعض كنت سرحانه فسمعت صوت نور أخته ورايا 
_ سرحانه في ايه 
_ هه لا مفيش عامله ايه يا نور 
_ الحمدلله بخير بس شكلك زعلانه هو يونس اخويا مأثر فيكي كده 
ابتسمت وهزيت راسي وعي ضحكت 
_ هو برضوا وهو مسافر كان بيقول ل بابا خلي بالك من فريدة الله يسهلك يا ستي 
ضحكت _ على ايه يا اختي اهو سافر وسابنا
اتنهدت _ بكره يرجع إن شاءالله وبكره مش بعيد 
كنت كل يوم بروح الجامعه واقعد اذاكر طول الوقت إن شاءالله هحقق حلمي وحلم بابا و يونس واكون معيدة في يوم كنت قاعده لقيت مرات عمي بتنادي عليا طلعت عندها 
Eman Saleh.
_ فيه ايه يا مرات عمي 
_ تعالي يا بنتي افتحي علي يونس بيرن اسمه ايه ڤيديو وانا مبعرفش في النت ده ونور مش هنا ولا عمك كمان 
ابتسمت بفرحه _ ايه ده هو بيرن 
فتحت الموبيل وهي خدته 
_ ازيك يا حبيبي عامل ايه 
_ الحمدلله يا امي انا بخير انتي عامله ايه 
_ الحمدلله يا حبيبي طمني عليك شكلك خاسس كده ليه مبتاكلش كويس 
ضحك _ لا يا ست الكل باكل بس انتي عارفه أكلك غير 
_ لا يا حبيبي كل كويس انت لازم تتغذا عشان تسند نفسك 
_ حاضر يا امي امال بابا فين و نور 
_ نور في الجامعه و باباك في الشغل 
سألتها باستفسار_ اه نسيت فرق التوقيت امال مين فتح عليا 
ردت عليه بتوضيح_ دي فريدة هي اللي فتحت عليك 
رد عليها بلهفه_ فريدة طيب هي فين يا امي 
_ اهي جنبي اهي خد كلمها 
كنت باخد منها الموبيل وقلبي بيدق بصوت عالي بصتله كان شكله فعلا خاسس ومرهق جدا بصلي وابتسم
_ عامله ايه يا فريدة 
Eman Saleh.
ابتسمت بفرحه _ الحمدلله انت عامل ايه يا يونس 
_ كويس بس مفتدكم والله 
_واحنا مفتقدينك اوي يا