#موضوع_عائلي "الجميله والشعر الابيض" _البارت الرابع ــــــــــــــبقلم_الكاتبه_رحاب_القاضيـ
يبقي تسكتي خالص...
شهد
وياريت تاخد بالك من يزن شويه هو بېخاف منك جدا وكمان عنده مشكله في الكلام..
يونس
طيب انا راجع الشغل لو احتاجتي حاجه كلميني..
شهد
وهترجع امتي..
رد عليها وهو ماشي
مش عارف..
شهد
انا هروح عند صبري انا والولاد هشوف شقتهم الجديده واحتمال ابات...
يونس
طيب هقول للسواق يوديكي..
_ وطلع بره البيت واتنهدت شهد بضيق وطلعت فوق عند ولادها...
بقلم_الكاتبه_رحاب_القاضي
_ وفي شركة عمار المنشاوي..
_الكل اتلم عليهم عشان يبارك ليهم وفي الوقت ده دخلت فريده وجميله اتخبت ورا عمار..
باااس الله يبارك فيكم كلكم واكيد كلكم معزومين علي الخطوبه..
وبص للعميل وقال
وانا بشكر حضرتك جدا يا فاروق بيه وان شاء الله هكون اول الحاضرين انا ووو.. وو.. وخطيبتي..
جميله بصوت واطي
ماما عيونها بتطق شرار والله يا عمار روحنا في داهيه..
عمار بصلها بغيظ
كان يوم اسود يوم ما عرفتك يا شيخه....
العميل
طيب همشي انا يا عمار بيه وهستناكم بكره..
جميله
ان شاء الله حضرتك اتكل بقي..
عمار بسرعه قال
جميله قصدها اتفضل حضرتك والله....
ضحك العميل ومشي وقال عمار بصوت عالي
قربت منهم فريده وقالت
بقي هي دي اصول يا عمار بيه تخطب بنتي وانا مش موافقه..
الموظفين كلهم بصولهم وعمار قال
بعد اذنك يا مدام فريده ممكن نتكلم مع بعض شويه علي انفرااد في مكتبي..
جميله
عشان خاطري يا ماما اهدي و..
فريده پحده
انتي اخرسي خالص ما اسمعش صوتك وحسابك معايا في البيت..
عمار
ارجوكي يا مدام فريده مش هينفع يبقي في اي كلام في حياتي الشخصيه هنا قدام الموظفين..
فريده
ماشي يا عمار بيه عشان انا بس بفهم في الاصول مش هعملك مشاكل هنا..
جميله
انا جايه معاكم صح..
لا انا عايز مدام. فريده لوحدها يا جميله استني هنا..
فريده بسخريه
انت فاكر انها لو قعدت هنا هتبقي هاديه دي هتخربلك الدنيا..
جميله بغيظ
يا ماما في ايه بقي والله انا هاديه وكيوت بطلي تشوهي في سمعتي بقي في الطالعه والنازله.
عمار
اتفضلي معايا يا مدام فريده..
_طلعت معاه فريده فوق المكتب وقعدت قدام عمار اللي ما رضيش يقعد علي مكتبه وقعد قدامها وقال..
عمار
تشربي ايه يا مدام فريده.
فريده
شربت بما فيه الكفايه تحت ممكن افهم بقي ايه اللي حصل تحت ده..
عمار
ركزي معايا كده. حضرتك العميل اللي كان تحت ده هو نفس العميل اللي كان في المطعم وقت ما جميله خلتني اطفش معاها العريس..
ايوه افتكرت برضو كله بسببها هي انا بجد مش عارفه اعتذر لحضرتك ازاي..
عمار
لا حصل خير وانا دلوقتي هوضح كل حاجه للموظفين تحت بطريقتي..
فريده بضيق
وانا هاخد جميله وامشي وبعتذرلك مره تانيه علي اللي حصل ده كله..
عمار بضيق
لا جميله مالهاش ذنب وهي متفوقه جدا في شغلها..
فريده
معلش طيب النهارده خليها تروح معايا لحد ما حضرتك تصلح سوء التفاهم اللي حصل..
عمار
تمام يا مدام فريده بس هدايق بجد لو جميله ما جاتش الشغل تاني وهعتبر كده ان حضرتك مش مطمنه عليها عندي..
فريده وقفت وقالت
لا ان شاء الله بكره هتيجي وبجد انت ذوق اووي يا عمار بيه ويسلم ايد اللي ربوك بجد...
وقف عمار قدامها وقال
ده من ذوقك يا مدام فريده بس ياريت ابقي عمار بس يعني انتو غالين اووي عندي من معاملتي معاكم وكلام مروان عنكم..
_ ابتسمت فريده بس اول ما فتحت الباب بتاع المكتب وقعت جميله علي الارض..
وقفت بسرعه وقالت
في ايه يا ماما ما بالراحه حد يفتح الباب كده..
فريده بغيظ
وحياة امك بس نروح البيت وانا هربيكي يا جميله تعالي ورايا يلا..
مشيت فريده وقربت جميله بسرعه من عمار
اوعي تكون سلمتني ليها يا عموري..
عمار كتم ضحكته وقالها
امشي يا بت من هنا بدل ما اندهلك امك..
جميله
