توامي بقلم غرام

لقيتك كده مش هيسمحولك انك ترجعي للست دي تاني وممكن تحاول تخط. فك تاني او الله اعلم اي للي ممكن يحصل 
ديلارا _وانا موافقه
كيارا وديلارا دخلوا التويلت غيروا لبسهم وخرجوا
ديلارا_ مامتي او اقصد الست للي ربتني اسمها سمر وده عنوان البيت 
كيارا_كده تمام اوي دلوقتي انتي هتخرجي هتلاقي عربيه رنج روفر سوده والسواق مستنيكي بره هتركبي معاه خليه يرجعك الڤيلا ولو في اي حاجه وقفت معاكي كلميني احنا هنفضل على تواصل وهنتقابل بكره في نفس المكان
في الفيلا
ساره_كيارا حبيبتي انتي جيتي اطلعي غيري هدومك وانزلي هيكون بابا خلص صلى ونتعشا كلنا

ديلاراوهي متقمصه شخصية كيارا حاضر
ديلارا طلعت الاوضه حسب الوصف للي وصفتهولها كيارا غيرت لبسها ونزلت لقت ساره وفاروق قاعدين ع السفره
ديلارا كانت متوتره جدا ومش عارفه تتصرف
ديلارا قعدت ع السفره وبدأت تاكل 
ساره_كيارا انتي من امته وانتي بتاكلي مكرونه بشاميل ديلارا بس للي كانت بتحبها
ديلارا_بتوتر هااا عادي يعني يا ماما انا قولت اجرب مفيش حاجه 
ساره _تمام يا حبيبتي بالهنا
خلصوا عشا وديلارا حمدت ربنا عشان تطلع الاوضه عشان هي مش عارفه تتأقلم ع الوضع وحست انها كده ممكن تخرب كل حاجه 
ديلارا_انا هطلع اوضتي بقا ارتاح شويه 
فاروق_ماشي يا حبيبتي تصبحي على خير 
ديلارا كانت طالعه لكن صوت ساره وقفها وهي بتقولها
ساره_كياره فين الحضن بتاعي انا وبابا
كيارا_اسفه يا ماما بس يومي كان طويل ومتعب شويه ف ممكن اكون مش مركزه 
ديلارا راحت حضنت فاروق وساره وهي في حضنهم حست احساس غريب اوي حست بدفا العيله حست بحبهم وحنيتهم فعلا هي متنكرش ان سمر كانت معوضاها عن كل حاجه لكن دول اهلها الحقيقيين احساسها بيهم مختلف
ديلارا سابتهم وطلعت اوضة كيارا
عند كيارا
كيارا_وصلت مكان البيت وهي مستغربه وخاېفه من المكان وبتكلم نفسها ازاي في ناس عايشه في المكان ده مره طلعلها حديده من زوقه صغيره وهو شبه مسطول 
حديده_اي يا انسه دوبارا مش ناويه تحني بقا
كيارا_بخوف وصويت يا ماااااااااامي
حديده_في يا دوباره مالك هو انا جيت يامتك
كيارا_طب لو سمحت سيبني امشي
سنر طلعت في البلكونه على صوت كياره
سمر_مالك يا ديلارا يوه الله خيبك يا حديده الهم عايز اي من بنتي يا واد يا سكري يا ناقص
حديده_بسكر في اي يا خالتشي ام دوبارا انتي عارفه والمنطقه دي كلها عاااارفه اني بحب دوباره وعايزه في الحلال
سمر_الله نيلك يا موكوس يا ابن الموكوسه اطلعي يابت بدل ما انزله ابن الورمه ده
هنا كيارا اسوعبت ان دي الست للي مربيه ديلارا وطلعت فوق لقت سمر مستنياها على باب الشقه
سمر_مالك يابت لما المدعوق حديده ده اتعرضلك تاني مجيبتيش كرشه قدامه ليه
كيارا_اص اصل ان. انا
سمر_يقلب امك يابنتي ادخلي بابت في اي بتهتهي كده ليه في حد عملك حاجه 
كيارا_لا ابدا انا بس تعبانه شويه ومحتاجه ارتاح
سمر_طب قومي يا ضنايا ريحي جتتك
كيارا_قامت متجهه للمطبخ
سمر_يوه مالك يا عين امك سلامة نضرك يا نضري انتي رايحه المطبخ مش الاوضه
كياره_اه اسفه مخدتش بالي وهي واقفه مش عارفه تروح فين 
سمر_مالك يا عين امك في حد زعلك تايهه كده ليه ووشك اصفر شبه اللمونه تعالي اما ادخلك اوضتك
سمر اخدت كيارا على الاوضه وقعدتها ع السرير
سمر _مالك يا ديلارا
كيارا_هااا ابدا مفيش انا بس محتاجه ارتاح شويه
سمر_طب اجيبلك لقمه تروم عضمك
كيارا_لا متشكره 
سمر_طب خلاص انا بره بسمع المسلسل الهندي لو عوزتي حاجه اندهي عليا
كيارا_حاضر
سمر خرجت وقفلت الباب وراها
هنا كيارا اخدت نفسها براحه وبتتلفت بنظرها في اركان الاوضه الهالكه جدرانها كاد تكون صالبه حيلها ودهان الجدران واقعه من الرطوبه كيارا هنا صعبت عليها اختها انها عاشت حياه صعبه وتقريبا عانت كتير في حياتها
كيارا_يا ترى شوفتي اي تاني في حياتك يا ديلارا واي الاسرار للي مرتبطه بوجودنا مع بعض واي القوه الغريبه للي جوانا للي مش هتظهر غير لما نتجمع
يتبع.......
غرام
توأمتي٣
بارت 3
تاني يوم في الكافيه كيارا و ديلارا اتقابلو في الكافيه زي ما كانوا متفقين
ديلارا_هاا عملتي اي عرفتي حاجه 
كيارا_ولا عملت ولا عرفت هو انا لحقت انا يا دوب وصلت طلع عليا واحد كده شبه عفروتو كان اسمه عيده بيده حاجه زي كده
ديلارا_قصدك حديده
كيارا_ايوه هو البتاع ده
ديلارا_بغيظ _وعملك اي الكائن ده
كيارا حكتلها للي حصل وازاي حديده اتعرضلها وبعدين يا ستي من التعب نمت زي القتي. له مصحتش غير الصبح وطبعا معرفتش افتش عن حاجه 
ديلارا_يا ابن الورمه وانتي ازاي سكتيله مجيبتيش كرش امه نصين ليه
كيارا_وات
ديلارا_ازغط بط
كيارا_انتي بتقولي اي انا مش فاهمه حاجه 
ديلارا _ولا هتفهمي المهم احنا هنعمل اي دلوقتي 
كيارا_مش عارفه 
كيارا و ديلارا كانوا قاعدين جمب بعض وفجأه ايديهم الاتنين قربوا من بعض بطريقه غريبه كيارا وديلارا عندهم وحمه في جمب ايدهم تحت الصوابع كده الوحمه دي عباره عن شكل نص جمجمه ولما كيارا وديلارا اديهم قربوا من بعض الجمجمه اكتملت وظهر نور غريب اوي من الجمجمه وفجأه اختفوا من الكافيه ولاقوا نفسهم في مكان غريب عباره غابه مليانه شجر في كل مكان ومفيش ولا بني ادم ولا بيوت ولا اي حاجه مكنش موجود غير قصر كبير لكن قديم ومليان بخيوط العنكبوت
كيارا بخوف_ديلارا احنا فين واي المكان ده واي للي حصل من شويه وازاي جينا هنا
ديلارا_اهدي انا زيك مش فاهمه حاجه بس تقريبا دي القوه الغريبه للي قالت عنها العرافه وسر القوه دي في الوحمه للي في ادينا 
الجو بدأ يمطر بطريقه غريبه مع انه من ثواني كان في شمس والسما صافيه لكن الغريب انه كان بيمطر د. م
كيارا_ديلارا انتي شايفه للي انا شايفاها السما بتمطر د 
ديلارا_ولسه هنشوف عجائب وغرائب
ديلارا_تعالي ندخل القصر للي هناك ده عشان كده هنمو 
كيارا وديلارا وصلو للقصر لكن الباب كان مقفول حاولوا يفتحوه بكل الطرق لكن بلا فايده والمطر والبرق والرعد بيزيد 
كيارا لمحت في مكان جمب الباب كان منحوت فيه نفس صورة الجمجمه للي على ايد كيارا وديلارا
كيارا_ديلارا 
ديلارا_هاااا عايزه اي دلوقتي هو ده وقته انا بفكر في طريقه نفتح بيها الزفت ده
كيارا_تعالي بس شوفي كده
ديلارا_يووووه اهو عايزه اي
كيارا_تعالي شوفي المنحوته دي
ديلارا_انا بحاول افتح الباب وانتي بتناديني عشان اشوف جمجمه على اساس اول مره اشوف شكلها
كيارا_اتغاظت من غباء اختها وهي بتقولها انتي اكيد عقلك ده مكانه بطاطس الجمجمه دي هي نفس الجمجمه للي على ايدينا
ديلارا هنا بدأت تاخد بالها وفهمت اختها عايزه توصلها اي وهي بتقولها
ديلارا_قصدك ان الباب ده معمول ب كلمة سر وكلمة السر دي هي الجمجمه للي على ايدينا
كيارا_الحمدلله اخيرا القرد بدأ يفهم
ديلارا _قرد مين يابت ما تتلمي
كيارا _طب خلاص اسكتي وقربي ايدك من ايدي الجمجمه للي على اديهم اكتملت ولما اديهم قربت من المنحوته.... المنحوته بقت باللون الاحمر الډم. وي والباب اتفتح
كيارا_الحقي الباب اتفتح
ديلارا_طب تعالي ندخل
كيارا وديلارا دخلوا القصر وكان عباره عن قصر كبير اوي و اثاث من الطراز القدبم والمكان كله عباره عن ستاير حمرا على الشبابيك بتحجب نور الشمس انه يدخل القصر والتراب كان في كل مكان كإن القصر متنضفش من سنين وباب ضخم للقصر وعلى جوانب القصر كان في تمثالين لمصاص دما. ء 
_ صوت من وراهم نورتوني انا كنت منتظراكوا