اليمامة والطاووس (روقة) الحلقة الرابعة

يا حبيبي ويويو دي هي متعودة عليها من واحنا صغيرين.
أكدت دعاء بيقين رغم أن الكلام ده حرام وربنا أمرنا أننا مندلعش كده عشان محدش يطمع فينا بس هي حسابها على ربنا مش عليا لكن أيه الدلع بتاعكم ده وعشا أيه ومغرب أيه اللي مبتنزلش بعديهم ومنطقة أيه اللي هادية حسستني أننا عايشين في الصحرا.
تمتم بأسى وتعاطف ده مش دلع يا دعاء لكن ده عشان الغلبانة دي حظها قليل والمصاېب نازلة ترف عليها من صغرها. 
عبس وجهها متعجبة مصايب أيه ماهي عايشة معكم معززة مكرمة وأخر دلع.
مط شفتيه بإستياء وهو يقول بحنق أنت شايفة كده عشان أنت متعرفيش اللي حصلها من سنتين.
سألته دعاء بفضول وتوجس ليه أيه اللي حصلها
امتلئ صوته بالڠضب مسترجعا ذكرى أيام عصيبة بعد ۏفاة ماما نجوى احنا كلنا عيشنا زي ماقولت لك وكام سنة كنت أنا أولى جامعة وهي أولى ثانوي اتفاجأنا كلنا بأن باباها جاي ومصمم ياخدها.
ظهرت آيات التعجب على وجه دعاء متسائلة تو ما أفتكرها.
زفر ياسر بضيق كلنا استغربنا زيك كده خصوصا أنه بعد ۏفاة مامتها بأيام جه وطلب مفتاح الشقة وأن حكم التمكين سقط ولو نجوى عايزة تعيش فيها يبقى معه وأول ما سلوى رفضت وقالت أن نجوى هتعيش معها هو ماصدق و مسألش عليهم ولا مرة من يومها.
تساءلت دعاء بفضول وطبعا كلكم رفضتم أنه ياخدها.
ضغط على أسنانه بحنق طبعا بس لأسف موقفه كان أقوى منا كلنا أولا لأنه ولي أمرها الطبيعي ده غير أنه وسط ناس قرايبنا وعمل قاعدة وقال أن مينفعش بنته تعيش في بيت في اتنين رجالة أغراب واحد منهم مراهق.
تمتمت دعاء مستهزئة كويس أنه أفتكر.
تبرم ياسر حانقا هو قال أنه كان سايبها عشان كانت عيلة لكن كده كبرت وميصحش وأنه علشان كده بعت ابن مراته البكري يعيش عند جدته وأن نجوى هتعيش معه هو ومراته وبنتها اللي من سن نجوى وطبعا الكل وقف في صفه ومقدرناش نعمل حاجة لأنه هدد أنه يمشي الموضوع بشكل رسمي.
اتسعت حدقتها بعدم تصديق وهي تهتف ونجوى راحت معاه فعلا.
أومأ برأسه إيجابا مبتلعا غصة بحلقه للأسف راحت واتفاجأنا كلنا أنها بتقول أن مرات باباها بتعاملها أحسن ما بتعامل بنتها وعلطول هدايا وفسح وبتحاول تكسبها وتنسيها اللي حصل.
صدمت دعاء وصاحت مندهشة يعني ارتاحت معهم!
نفى بسرعة وبشدة لا طبعا هما صحيح كانوا بيدلعوها ومحدش بيضايقها ورغم أن ساعة اللي حصل نجوى كانت صغيرة لكن سلوى كانت حكيالها كل حاجة وهما الأتنين كانوا بيعتبروهم سبب لقهرة أمهم ومۏتها ده غير حركات مريبة كانوا بيعملوها كل جمعة وهي مكنتش فاهمها.
سألته باهتمام وفضول حركات مريبة هما كانوا بيعملوا أيه
أغمض عينيه وهو يزفر بحړقة ماهو ده بقى طلع السر ورا كل اللي حصل. 
تساءلت بتوجس سر أيه.
أيه رأيكم بعد ما عرفته حكاية نجوى وأختها وياترى أيه هو السر