اليمامه والطاوس الحلقة الثالثة عشر

اليوم بتشتت كبير مابين نظرته لحياته السابقة التي اختلفت كثيرا عن ما سبق ونظرته للأخرين وتقيمه لهم وأسس ذلك التقييم قادته قدماه نحو الدرج ليقف للحظات مترددا تمسكت به يد حرصه على زينهم تمنعه من التحرك فهو لا يريد أن يسبب له أي ضرر يكفيه ما مر به في حياته من مصاعب ولكن كانت هناك عدة حبال تسحبه للأسفل حبل فضوله وتلك الصدمة التي تلاقها بعد رؤيتهن بالسوق وحبل تهوره المعتاد وحبل الشغف للإطلال على ذلك العالم الغريب بالنسبة له التي تفتح أحاديثهن شرفته على مصرعيها أمامه مبددا ذلك الملل الجاثم فوق صدره وأخيرا انتصرت حبال هوى نفسه متغلبة على يد الحرص ليهبط الدرج بخفة ملاصقا للجدار بجوار شقة شوقية ليصله صوتها الغاضب كعادتها مش هنخلص من موال كل يوم ده.
صدح صوت زوجها الغاضب كويس أنك عارفة أنك كل يوم على كده لا نضافة للبيت ولا تربية للعيال ولا حتى مهتمية بيا كراجل ده حتى يوم السوق مفيش لقمة عدلة ناكلها أمال روحتي تعملي أيه.
تأففت بضيق رجعت تعبانة هاعمل أيه أقطع نفسي عشان ترتاح. 
صاح حانقا لا متقطعيش نفسك بس لما اجي اتجوز متجيش وقتها تولولي وتقولي قصرت معك في أيه.
غمغمت متهكمة باستفزاز مش هاقول.
صمت لثواني ربما مصډوما من وقحتها قبل أن يغمغم بندم عامة هي مش غلطتك أنا اللي غلطت لما هودتك وسيبت بيتي وشغلي وجيت معكي هنا على الأقل هناك كنت بانزل أريح وأكل عند أمي لقمة نضيفة.
سمع خطوات ثقيلة تبتعد ليسود بعدها الصمت التام مما يعني أن أحدهم قد يأس من الحديث منسحبا لمكان أخر بالشقة.
أطلق سبة خاڤتة لاعنا ضعف الرجال فالرجل خلق قواما قائدا للعلاقة وأي بادرة ضعف منه لأي جانبا كان سواء لأما أو زوجة يهدم قوامته وينتج علاقة مشوهة وحياة غير مستقرة فأن كان ضعفه لغير زوجته شعرت معه بعدم الأمان وأن كان ضعفه أمامها انتقص ذلك من قدره بعينيها وأن استفادت من ضعفه هذا أقصى استفادة واستغلته أسوء استغلال.
تحرك هابطا نحو باب رانيا يتمنى أن ينال جرعة إيجابية بعد تلك الجرعة السلبية المكثفة ولم يخب ظنه وهو يستمع لصوتها الحاني ولا يهمك ربك اللي بيرزق.
غمغم غسان مهموما بخفوت ونعم بالله بس لو مشيلتش هم الشغل والمرتب طبيعي أشيل هم السكن كده هنرجع تاني للإيجار وقرفه.
صاحت تهون عليه بود ماتقدرش البلا قبل وقوعه مين قالك بس أن المزرعة هتتباع ماهو كل فترة يقوم القومة دي وبعدين لا بيبع ولا بيشتري.
أجابها مؤكدا بس المرة دي غير كل مرة المرة دي فعلا بيفكر يبيع وطلب من كذا حد يشوف له مشتري.
أردفت محاولة طمئنته حتى لو المزرعة اتباعت مين قال بس أن اللي هيشتريها هيمشينا هو يلاقي فين في شطارتك وأمانتك. 
زفر بضيق وهو يهتف بإستياء بس لو يهودني ولو على سبيل التجربة كنت خليت المزرعة دي تجيب دهب بدل الملاليم اللي بتجيبها.
وصله صوتها المواسي بحكمة دون مجاراة بالخطأ يا حبيبي من حكم في ماله ما ظلم وبعدين هو سبق ورفض الفكرة بتاعة خلايا النحل مع أن مكانها فاضي زي مبتقول متخيل أنه ممكن يوافق على كل اللي بتحلم بيه مطعم ومنافذ بيع وتصنيع ما أنت عارف راس المال جبان.
أجابها مقتنعا ونادما استغفر الله العظيم يارب عندك حق أنا بس شيلت الهم خصوصا أنها مش شيلتي لوحدي متنسيش أن معاش أبويا بيكفي دواه هو وأمي بالعافية والقرشين اللي بنبعتهم بيساعدوا مش عارف هقولهم أيه بس.
تمتمت بثقة أهم القرشين دول بالذات هما اللي مطمنيني أن ربنا مش هيسيبنا ده كفاية دعاهم ليك.
لان صوت غسان وهو يردف بحب وأنا أكتر حاجة مطمناني بعد ربنا أنك معايا وفي ضهري.
ضحكت بسعادة طبعا لازم ابقى في ضهرك مش وراء كل رجل عظيم إمرأة.
ضحك رائق وعملتيني عظيم كمان.
ضحكت مؤكدة عظمة على عظمة ياراجل وهاعملك حالا أعظم كباية شاي دوقتها في حياتك عشان تفوق كده وتظبط دماغك.
تمتم بود لا خليكي أنا اللي هاعمل أنت روحتي السوق وعملتي غدا جامد كفاية عليكي كده.
صاحت بحماس ماشي أعمل الشاي وأنا هاغسل الفاكهة وهنادي العيال ونقعد سوا نتساهر.
استمع لخطوات نشطة