حب امتلاك
ماهي متستغبيش فوقي وركزي وشوفي بتعملي اي
ماهي بعصبيه انت بارد ليي رجولتك ظهرت لما اتصورت علي تليفون جوز اختك لكن حبيبت قلبك تلبس عريان ايزي انت مريض وسابتو وخرجت
عبدالرحمن بيتنفس بعصبيه ويخبط سور البلكونه ب ايدو
ماهي خرجت لرناا بس مرقصتش تاني
اليوم خلص ومفيش صوره واحده ل عبدالرحمن ورنا
احمد ماشي يابني بس
عبدالرحمن متقلقش يا بابا انا رايح معاهم
رائد بيبص لعبدالرحمن من فوق لتحت ورنا كاتمه الضحكه
رائد ااه طبعا مفيش مشكله
رنا عمو امير هاخد ماهي
امير بيبص لماهي الي شاورتلو بالنفي
امير ااااا
رنا بلييز ياعمو عشان خاطري انا عروسه متكسفنيش
ماهي بتبرق بس رنا شدتها ونزلو جري ع السلم
ورائد وعبدالرحمن كانو خارجين من الباب بصو لبعض ونزلو
عبدالرحمن رنا ماهي اركبو معايا وقبل ما يخلص كلام كان رنا وماهي في عربيه رائد
عبدالرحمن قفل باب عربيتو في ضيق وقرب من عربيه رائد لقي رنا راكبه جمبو ف ركب جمب ماهي
وصلو علي مطعم وقعدو علي ترابيزه سوا
عبدالرحمن الغيره كانت باينه عليه كل ماكان رائد يقول كلمه لرنا بيتعصب
مسچ علي تليفون ماهي
انتي الي كنتي محليه الفستان مش هو اللي محليكي
قرأت المسچ وابتسمت لاحظ ابتسامتها عبدالرحمن
عبدالرحمن بتكلمي مين واخد منها الفون
ماهي ايي هااتو
عبدالرحمن قرأ المسچ وبص لماهي نظره ڠضب
ماهي انت ازاي تقلب في تليفوني هااتو
مين داا
ماهي انت مالك
عبدالرحمن قولت مين داا
ماهي هات الفون وهدي صوتك مش عاوزين نبوظ يوم رنا وشدت منو الفون
عبدالرحمن كان مضايق وعاوز يعرف مين صاحب المسچ
رائد اتمني يكون اليوم عجبكم واستمتعتو
رنا انبسط جداا
ماهي شكراا يا رائد اليوم كان جميل
ماهي بإبتسامه اكيد
عبدالرحمن يالااا
ركبو العربيه ومحدش كان بيتكلم وصلو تحت العماره
ماهي نزلت بسرعه وطلعت وعبدالرحمن لسه هيجري وراها رائد وقفو
عبدالرحمن خير
رائد انا بقول شكلها بايخ اووي لما نبقا نسايب وبنعامل بعض كداا
عبدالرحمن والله قول لنفسك
رائد بس انا مش شايف اني غلطان ماعلينا مش عاوزين نتكلم في القديم احنا نفتح صفحه جديده ونحاول نتقبل بعض شويه مش عشاني لا عشان رناا
عبدالرحمن بسخريه هحاول
رائد ركب عربيتو ومشي
عبدالرحمن طلع بس ملقاش ماهي وعرف انها دخلت شقتهم
دخل البلكونه وفضل قاعد شويه وبيفكر ف صاحب الرساله وهل في بينهم علاقه حب
ماهي نايمه علي سريرها بتفكر في كلام مراد وبتبتسم وبتفتكر غيره عبدالرحمن عليها وبتبتسم اكتر
تاني يوم علي الغدا في شقه ماهي
امير كان يوم جميل رائد باين عليه ابن ناس
هايدي ايواا معاك حق ومراد بردو عجبني اووي
امير اه عجبني وذوق
ماهي ايواا
هايدي ماتعزميه عندنا يا ماهي ونتعرف عليه اكتر ملحقناش نتكلم يوم الفرح
امير ااه يا ماهي هاتي رقمو واكلمو نعزمو بكره علي الغداا
ماهي اللي تشوفو يا بابا
امير اخد رقم مراد من ماهي وكلمو ومراد قبل الدعوه وكان متحمس جداا
ماهي مخرجتش خاالص عشان متتقابلش مع عبدالرحمن ويتخانقو ف فضلت في اوضتهاا وسمعت صوت شجن وكانت هتتجنن
بليل
ماهي طلعت ع السطح ترسم شويه ورسمت رسمه جميله
بعد شويه حست بأنفاس حد وراها
ماهي بعصبيه انت اي اللي طلعك وانا هناا
شجن its me انها انا
ماهي بتنهيده Welcome اهلا
شجن Its a great انها رائعه
ماهي Thank you شكرا
شجن You drew it انتي رسمتيها
ماهي هي عاميه ولا اي Yes me نعم انا
شجن It It انها انها
ماهي I can speak English استطيع التحدث بالانجليزي
شجن Yeah نعم
شجن Can I sit with you هلي يمكنني الجلوس معك
ماهي no problem لا مشكله
شجن are you friends هل انتم اصدقاء
ماهي What ماذا
شجن Abdulrahman عبدالرحمن
ماهي Yes friends نعم اصدقاء
شجن do you love him هل تحبيه
ماهي بتبصلها بإهتمام وبإبتسامه حزينه No
شجن He loves you هو يحبك
ماهي No
شجن Okay
عبدالرحمن شجن
شجن Yes
عبدالرحمن I was looking for you كنت ابحث عنك ووجه نظرو لماهي
شجن She is nice انها لطيفه
عبدالرحمن وماهي فضلو باصين لبعض وبعدين نزل هو وشجن عشان يوصلها
في العربيه
شجن Well go tomorrow سنذهب غداا
عبدالرحمن حس ان الوقت جري وهو لسه عاوز يفضل
شجن لاحظت انو مش مبسوط Germany is waiting for us ألمانيا تنتظرناا
عبدالرحمن Yes you are
waiting نعم تنتظر
تاني يوم
متابعه روايتي بقلمي يارا غزلان..
عبدالرحمن كان قاعد ع السطح وسط اللوحات
وماهي طلعت
عبدالرحمن كنت عارف انك هتطلعي
ماهي ايوا وهنزل دلوقتي
عبدالرحمن مش غريب ان وسط كل اللوحات دي مفيش رسمه لياا
ماهي بضحك انا مش برسم غير حاجتين شخص مهم عندي واولدر مطلوب مني
عبدالرحمن افهم من كداا اني مش مهم
ماهي بالظبط يمكن زمان من سنتين كنت ارسمك لكن حالياا اسفه مش هقدر
عبدالرحمن كان باصصلها بنظره حزينه علي فكره انا مسافر النهارده
ماهي بقلب مكسور تروح
