قصه مشوقه

بنتي
فاطمة_ .. أهلا يا حاج
_ .. أنا عمك عبدالبديع مأذون الناحية جوليلي هل تقبلين ابراهيم عبدالرحيم الجمال زوجا لكي.
تنهدت فاطمة بقوه حتي ان صوت التنهيدة سمع في التليفون ثم قالت _ .. موافقة يا سيدنا
المأذون_ .. أنا بجولك جدام الجميع لو حد غصبك جولي وانا اللي حجفله حتي لو عيلة الجمال نفسهم اكبر عيلة في الصعيد
ابراهيم پغضب طفولي _ .. في إيه يا شيخ والله لتجوزها حتي من غير ما تكتب 
ضحك الشباب نظر لهم عز نظرة اخرستهم_ .. ما خلاص يا سيدنا مش جالتلك موافجة
المأذون _ .. متآخذنيش يبني كلمة الدكتور عادل فكري في أمك واخواتك حسيته كأنه بيهددها.

ردت فاطمة وكانت ما زالت السماعة مفتوحة_ .. متقلقش يا شيخنا أنا موافقة
المأذون وقد أحس ان الامور ستنقلب ضده ورغم عدم راحته_ .. خلاص علي خيرة الله 
وتم كتب الكتاب وبعد كتب الكتاب والتهنئة من الجميع وهم عائلة الجمال للانصراف
ابراهيم_ .. انا مش حمشي غير لما اشوف عروستي الاول
عبدالرحيم باحراج_ .. يوم الخميس الفرح وحتزهق منها
ابراهيم كالاطفال يجلس ويربع علي الاريكة_ .. لع محامشيش غير لما اشوفها والعب معاها كمان 
كتم الشباب ضحكتهم ولكن عز والكبار نظروا له بأسي
عادل بخبث_ .. سيبه يا حاج متقلقش عليه وبعدين دا بقي واحد منينا
عز_ .. سيبه يا عمي وانا حفضل معاه وحجيبه معايا
عبدالرحيم اقترب من عز وتحدث بصوت منخفض_ .. خاېف تشوفه وتتحدث معاه تغير رأيها
عز _ .. متخافش ماني عشان كده حجعد لأنك لو خدته مش حيبطل وحيفضحنا هناك جدام اللي حييجوا يباركوا
عبدالرحيم_ .. تسلم يا ابني بس خاېف لاعطلك عن شغلك
عز_ .. ولا يهمك يا عمي ابراهيم دا أخويا و
عبدالرحيم_ .. ربنا يباركلي فيك يبني
وانصرف الجميع وجلس عز وابراهيم وعادل
عادل_ .. منورينا والله يا عز بيه
عز بعدم راحة_ .. نورك يا دكتر
دخلت فاطمة الخادمة_ .. في ناس عاوزينك بره يا دكتور
الدكتور_ .. بعد اذنكم يا جماعة 
وخرج ثم عاد مرة أخري_ .. بعد اذنكم مشوار صغير واحد من الفلاحين بقرته عيانه مش حتأخر عليكم
عز_ .. طب احنا خايفين نسبب قلق للچماعة هنا نيجي وقت تاني
عادل_ .. لا والله انا اتصلت بيهم زمانهم في السكة وابني عزت جاي حيقعد معاكم وانصرف
عزت_ .. سلام عليكم
عز_ .. وعليكم السلام
ابراهيم_ .. انا جاعد ساكت اهه كيف ما بوي جالي جيبولي العروسة بجا
عزت بضيق_ .. وهي لعبه عنجبهالك
عز بجدية _ .. عادي يعني مش كتب كتابها وبجت عروسته وعاوز يشوفها
عزت بتوتر وخوف_ .. تحبوا تشربوا حاجة.
عز وهو يضع رجل على الأخري_ .. قهوة مضبوطة
عزت_ .. وانت يا عريس
ابراهيم نظر لعز_ .. زي عز
عزت_ .. يا فاطمة فاطمة
أتت فاطمة_ .. نعم يا سي عزت
عزت_ .. تلاته قهوة مضبوط
ابراهيم جلس بجوار عز_ .. هي دي العروسة أبوي جالي اسمها فاطمة
عز باستغراب_ .. ولما هي موجودة نكروها ليه
ابراهيم_ .. لا خلاص مش عاوزها دي قد امي ومش حتلعب معاي
عز لعزت_ .. هي دي العروسة أمال جلتو مش موجوده ليه
عزت باستغراب_ .. مين دي العروسة 
ثم انتبه وضحك_ .. لا لا دي فاطمة الخدامة أصل اسمها زي اسم اختي
ثم دخلت فاطمة ومني_ .. السلام عليكم ورحمة الله
عزت_ .. اهي العروسة وصلت
عز باستغراب_ .. مين العروسة
عزت _ .. ادخلي يا فاطمة سلمي علي عريسك
دخلت فاطمة ونظرت لإبراهيم وسرحت_ .. سبحان الله معقولة دا زي ما بيقولوا متخلف
ابراهيم بفرحة يمسك يدها _ .. انت عروستي
سحبت فاطمة يدها بحرج واحمر وجهها
هلل ابراهيم بسعادة _ .. شفت يا عز عروستي حلوة ازاي
صمت عز وهو ينظر نظرة غير مفهومة ومني وعزت يتابعون فقط
ابراهيم مسك يدها مرة أخري وأجلسها بجواره _ .. انتي مرتي وأنا مش حسيبك واصل.
فاطمة_ .. طب حقوم اغير واجيلك تاني
ابراهيم_ .. الله انت عتتكلمي كيف اللي في التلفزيون تعرفي انت احلي منيهم كمان.
فاطمة بحرج_ .. حغير بس واجي 
وخرجت مسرعة وخرج خلفها عزت ومني
ابراهيم_ .. شفت يا عز مرتي احسن من نسوانكم كلاتكم
عز في نفسه_ .. ما دي المصېبة بجا دي يا عمي اللي عنديها ٤٠ سنة
عند فاطمة عندما دخلت حجرتها جلست علي السرير شاردة
مني وهي تتقدم منها_ ..مش عارفة اقول ايه صراحة بس صعب عليه تشوفيه للوهلة الأولي تحسيه حاجة تانية وراجل ملو هدومه لكن لما يتكلم تحسي طفل صغير مكملش عشر سنين
عزت_ .. قولتلك خدي موقف وأنا في ظهرك
فاطمة بابتسامة_ .. خلاص يا عزت دا بقي جوزي واللي أبوك عاوزه اتنفز
دخل عادل لعز وابراهيم
عادل_ .. آسف اني اتأخرت عليكم ايه دا هي العروسة لسه مجتش
ابرهيم بسعادة_ .. جات حتغير خلاجتها وتاجي
عز يتابع فقط في صمت وسارح ومصډوم
عادل نده_ .. يا فاطمة
فاطمة الخادمة_ .. نعم يا دكتور
عادل_ .. نادي فاطمة وقوليلها تستعجل شوية
دخلت فاطمة وجه لها عادل الكلام وهو ينظر لها بشماته_ .. اقعدي جنب عريسك يا حلوه 
نظرت له بسخرية وجلست بجوار ابراهيم الذي فتح فمه بمجرد أن رآها لاحظ كل هذا عز وأحس أن عادل يكره فاطمة والا ما زوجها هذه الزواجة الغير متعادلة بالمرة
عز _ .. هي فاطمة بتك الكبيرة
عادل بغل_ .. لا دي بنت المدام بس
نظرت فاطمة بقوة_ .. بنت الدكتور أحمد مختار عبدالرحمن.
نظر لها عادل پغضب وعز يتابع
دخلت ورد والدة فاطمة_ .. السلام عليكم ورحمة الله رد الجميع
ورد وهي تنظر بحزن لفاطمة_ .. جيتي من بدري يا حبيبتي
فاطمة_ .. من شوية قومتي من السرير ليه بس حضرتك تعبانه
جلست الأم بجوار فاطمة بتعب وبكت_ .. أنا مش عارفة اباركلك ولا أواسيكي سامحيني يا بنتي
هب عادل واقفا _ .. في إيه يا ورد وبعدين مش تسلمي الاول علي نسيبنا العريس وابن عمه
نظرت له بحزن_ .. مش حقول غير منك لله.
وقف عز وأمسك يد ابراهيم وابراهيم يده الأخري ممسكة بيد فاطمة.
عز_ .. يالا بينا يا ابراهيم كفايا كدا
ابراهيم وهو ما زال ممسكا بيد فاطمة_ .. لع روح انت انا مش حسيب فاطمة.
عز_ .. يالا دلوك وحبجي اجيبك وجت تاني.
نزع ابراهيم يده من عز _ .. لا هي بجت مرتي معسبهاش
وقفت فاطمة لجواره ووضعت يدها الأخري علي يده الممسكة بها وتحدثت بحنان_ .. متزعلش يا ابراهيم روح دلوأتي وكلها يومين وحاجي عندكم وأفضل معاك علطول متزعلش ابن عمك.
نظر عز لها واستغرب هدوؤها وطريقتها والتي المفترض تكون العكس
ابراهيم_ .. بس أنا معايزشي أسيبك
فاطمة_ .. عشان خاطري
تركها ابراهيم مرغما_ .. يومين بس وحتاجي معايا.
فاطمة برقة_ .. من عيوني
اغتاظ عادل من ثباتها ولا مبالاتها
عز_ .. نستأذن احنا
عادل وهو ينظر بغل لفاطمة_ .. نورتونا يا عز بيه
عند الشباب ..جمعة يضحك بشده نفسي أشوف ابراهيم أول ما يشوف عروسته
علاء_ .. بس سمعت الصوت دا انا انسحرت من ساعة مسمعت معقولة دا صوت واحدة عندها ٤٠ سنة
زين_ .. عادي ومال الصوت والسن
علاء_ .. أنا شفتها مرة وهي جايبه الشنطة للدكتور واحنا في المزرعة شكلها مش بطال بس شكلها شقيانه تشوفها تقول أم إبراهيم مش أكبر منه بخمس سنين
زين_ .. المهم انتم تعاملوها باحترام وانت بالذات يا علاء خلي مرتك تتلم من ناحيتها متخليهاش تشوف نفسها عليها.
علاء_ .. يا عم دي بلوة وابتليت بيها لولا أمها ونسمة بتي كنت خلصت منها من زمان وحاسس ان حييجي وجت واعملها.
جمعه_ .. اللي يشوفك دلوك ميشوفكش لما كنت حتموت وتتجوزها.
علاء_ .. انسحرت بالشكل ومخدتش بالي من المعدن كيف ما جالي أبويا وانا مسمعتلوش وهي لسه عايشالي في دور ست الحسن والجمال
في منزل ابراهيم
دخل ابراهيم وعز جري ابراهيم علي أمه بفرحة وكانت جالسة ومعها رقيه زوجة جمعة وليلي زوجة علاء_ .. مرتي حلوة جوي يمه وحتاجي تجعد معاي كمان يومين ومعتسبنيش واصل
ابتسمت الأم طب الحمد لله انها عجبتك كنت خاېفة تكرها حكم انت لم تكره حد بطهجوا في عيشته
عز في نفسه_ .. وكيف دي متعجبهوش مش ممكن حد يشوفها ومينسحرش بيها.
ليلي بسخرية_ .. دا احنا حنشوف البدع
ثم انتبهت لعز وابتسمت_ .. كنك واجف يا واد خالي متاجي
عز بجدية_ .. فين عمي
أم ابراهيم_ .. راح لابوك حتلاقيه حداكم
عز_ .. تمام بالاذن انا
ليلي بابتسامة_ .. متاجي تشرب فنجان جهوة حتي
نظر لها عز بقلة حيلة_ .. شكرا و انصرف
نظرت لعا عزيزة بقلة حيلة_ .. متجومي تشوفي بتك فينها
قامت علا بدلال_ .. أنا طالعة اريح شوية وانصرفت
رقية_ .. جولي يا ابراهيم اتحدت مع العروسة
ابراهيم بهيام_ .. تعرفي يا مرت اخوي بتكلم كيف اللي في التلفزيون بس هي أحلي كمان واني مكنتش حسيبها بس هي جالتلي عشان خاطري روح مع واد عمك وهي حتجيلي كمان يومين 
ثم نظر لأمه_ .. صح يمه حنلبسوا عريس وعروسة كيف اخواتي
ابتسمت أمه بحنان_ .. أمال دانت كمان حتكون أحلي عريس
دخلت نسمة بنت علاء ذات الخمس سنوات_ .. ابراهيم تعالي العب معايا
نهض ابراهيم_ .. يالا بس دوري الاول وخرج معها
رقية_ .. مبيجول حلوه اها أمال انت زعلانه ليه يا خالتي وتجولي كبيرة وعاملة كيف أمه
عزيزة_ .. انت عارفة ابراهيم وعجله تلاجيها جالتله كلمتين حلوين فشافها أحلي واحدة
رقية_ .. هو انت تعرفي أمها يا خالتي شفتيها
عزيزة_ .. لع الدكتور دا من يومه هو وعيلته مع نفسه مبيختلطش بحد وحتي سألت عليها في كتب الكتاب بيجولو تعبانه وسمعت ان عندها عملية جلب مفتوح حتعملها بعد الفرح
رن تليفون عز وهو في طريقة لمنزله
عز_ .. السلام عليكم كيفك يا نادر بتجول ايه وفين الأمن وعمال النبطشية طب اجفل اجفل واني جاي حالا
ودخل من البوابة واتجه للجراج وصعد سيارته وانطلق
داخل المنزل ربيع وهو يجلس بالمربوعة المفروشة علي النظام العربي ومعه أخيه_ .. دا صوت عربية طالعة يا تري مين
نظر عبدالرحيم من الشباك الذي خلفه وهو جالس_ .. دي عربية عز يبجي روح من عند العروسة كنت عاوز احكي معاه ويجولي انطباعه عنها.
ربيع_ .. استني حرن عليه
_ .. أيوه يا عز فينك يا ولد وطالع ليه بالعربية دلوك
ثم أكمل بخضة_ .. وه وكيف المخزن ۏلع وفين الأمن والعمال طب خلي بالك من نفسك يا ولدي وابجي طمني
عبدالرحيم_ .. حصل إيه يا خوي وايه اللي ۏلع
ربيع_ .. المخزن التابع لشركة عز ونادر صاحبه بيجول مسكت فيه الۏلعة
عبدالرحيم_ .. استر يا رب طب كان خد حد معاه
ربيع_ .. ما هو طلع مستعجل حرن عليه علي بالليل يكون وصل ويطمنا
في منزل عادل في حجرته
حيث كانت ورد تجلس ممددة علي السرير دخل عادل وبدأ تغيير ملابسه في صمت
ورد_ .. يا ريت تكون ارتحت وجبت