اسكريبت حبيبه بقلم ايمان صالح

اسكريبت 
بس انا دكتور وحبيبه مجرد طالبه في كليه حقوق !
يعني اي احنا اخترناه حبيبه عشان شايفنها مناسبه ليك اكتر تقوم انت تقول كده 
مناسبه اي انا دكتور و عايز دكتوره زي مش محاميه انا عايز واحده تكون كليه مراتي وافتخر بيها !
 يعني دي مش هتفتخر بيها دي في كليه برضوا و تعليم عالي !
لا لا فوككم من الحوار ده مش هي دي اللي في دماغي وبفكر تكون زوجتي ام اولادي 
ماشي بس خليك عارف هتندم في يوم 
لا متخفوش عليا مبندمش سيبوني انا حر 
 براحتك يا دكتور 
كنت رايحه بيت الجيران ماسكه طبق الاكل اللي ماما عملته و قالتلي اروح سمعت الكلام ده بين أسر و باباه مش هقول اني زعلت لان الكلام عليا بس برضوا متأثرتش اوي عادي انا اختارت ادبي من الاول عشان كليه حقوق دي كانت حلمي من البدايه مفكرتش اني اكون دكتوره انا عايزه اكون محاميه وحابه ده كنت همشي بس تظاهرت بالثبات كده كده رايه مش هممني ومش هخلي كلامه يأثر فيا وقفت شويه و رنيت الجرس و بعد شويه طنط فتحتلي .

 اي ده حبيبه حبيبتي تعالي وحشتيني والله .
ابتسمت وانتي كمان يا طنط وحشتيني 
تعالي ادخلي طيب بدل ما انتي واقفه كده 
معلش يا طنط فرصه تانيه انا عندي امتحانات الايام دي بس ماما قالتلي اخليكي تدوقي اكلها 
خدت الطبق وابتسمت انتي هتقوليلي علي اكل مامتك يلا ادخلي 
معلش مره تانيه
مين يا ام اسر اللي معاكي .. اي ده حبيبه تعالي يا بنتي 
شكرا يا عمو انا لازم امشي عشان اذاكر شويه 
بص ل أسر اللي بصلي بتوتر و بصلي تعالي اقعدي معانا طيب شويه 
ابتسمت بهدوء معلش مره تانيه بعد اذنك
مشيت وانا بحاول اداري ۏجعي وكبريائي انا فعلا متأثرتش بس هو انا انا كنت بفكر فيه كنت شايفاه كبير في نظري عمري ما توقعت منه أنه يقول كده في يوم ! 
اي ده يا ماما رايحه فين 
تعبانه شويه رايحه عند أسر يكشف عليا تعالي معايا 
الف سلامه عليكي بس اشمعنا هو تعالي نروح عند دكتور تاني 
لا يا بنتي انتي عارفه انه متابع حالتي من الاول يعني هو اللي هيعرف مش حد غيره يلا البسي بسرعه عشان ابوكي قال إنه هيرجع بدري النهارده وانا قولتله مش هنتاخر! 
حاضر يا ماما
لبست بسرعه لاني شايفه حالت تعب ماما رغم اني مش عايزه اشوفوا أو بتهرب من ده بس للاسف لازم اروح معاها .
روحنا العياده و دخلنا قعدنا كانت زحمه اوي انتظرنا شويه بس ماما شكلها كان تعبان خدت الموبيل واتصلت عليه و خليت ماما كلمته بعد شويه الممرضه ډخلتنا كشف عليها بسرعه وبعدها خد نفسه و اتكلم بهدوء
اطمني انتي كويسه خالص مفيش حاجه 
ازاي بس يا دكتور انا حاسه