روايه خادمة قلبي
والله و عملوها الرجالة و رفعوا رأس مصر بلدنا
ملك بقت تضحك على تشجيع حازم و وليد و بصت ل مالك بطرف عينتها و مديتوش اهتمام و دا شئ عصبة جدا
وليد عملتيها إزاي دي يا شابة
ملك و هي بتهز كتافها بدلع غلطت يا سعادة البيه كنافة بالمنجة و انا الغلطة عندي بفورة
ريا خرجت من الحمام متعصبة و راحة تمسك في ملك و استغلت إن مالك مدياها ظهرها و على غفلة جاية جري و خلاص هتمسك شعرها ملك راحت يمين شوية و مدت رجليها كعبلتها و ريا وقعت على الأرض
وليد صفر بإعجاب و مالك حط ايده على وشة بقله حيله
ملك بشړ لسه متخلقش يا قطة و انتي هبلة كدا و قلعت الشبشب و هي يتقول يا مرحب مرة أخرى مش قادره تستني لبعد الغدا اعلم عليكي تاني مستعجلة على رزقك و نزلت ضر ب فيها بالشبشب
وليد شبشب زنوبة بيطرقع على وشها
حازم بيردد وراه طرقع طرقع طرقه
حازم مرايا مرايا مرايا
ريا الحقوناااااي يا مااللك
ملك اهو انا مش هبطل ضړب فيكي بسبب الكلمة دي
وليد ضحك جامد و جاب طبلة و بيشجع ملك و حازم جاب سکينة و بيرقص بيها و مالك ضحك بغلب على منظر اخواتة و راح على جميلة يشيلها علشان يخلص ريا من تحتها
مالك رايح يشيلها خلاص زقت ايده پعنف و قوة و قالت
ملك باااس غلطت و وأنا كنت مستنياها تغلط تعالي بقي يا بنت الصرمة
يتبع
خادمة قلبي
خادمة قلبي ١
مالك قاعد على كنبة و على يمينه ملك و على شمالة ريا و قدامة وليد و حازم اللي بيكتموا الضحكة بالعافية
ملك قاعدة ضاربة بوز و بتربطم يعني كان لازم يشيلني من عليها كان في كام شعراية صفر كنت خلاص على وشك اشليلهم ليها بس الله في سماه لشيلهم برضوا صبرك عليا يا بت الدزمة
مالك بص ل ريا و كمل يعني لا جميلة خدامة هنا ولا انتي ضيفة هنا كلنا هنا أخوات في بعضينا و بص ل ملك و قال يعني نحترم بعض و منقفش لبعض على الواحدة
مالك شد اديها قعدها و قال مهو معاهدة السلام دي مش هتخليكي ټموتي مفروسة اقعدي و اسمعي الكلام للآخر بقي
ملك وقفت تاني و قالت اسكوز مي معلش كمان مره انت يا سعادة البيه الحليوة مقعدنا في حصة تاريخ جمبك و سايبة مطبخي و السجاجيد اللي هتتغسل اية معاهدة سلام معاهدة سلام إسمها قعدة صلح
ملك مدت اديها ليه و قالت بوس
مالك فنجل عينة بحركة مضحكة و قال افندم
ملك ببلاهه و تراجع خلاص متبوسش هقعد بس لو الكلام معجبنيش و حيات أبوك يا شيخ في كام شعرة كدا صفر عاوزين نخلص منهم
حازم مقدرش يقاوم اكتر من كدا و وقع على الأرض من كتر الضحك
مالك شد ملك قعدها تاني و قال اهدي بقي خلينا نخلص ورانا مصالح
ملك يتريقة اهو حطيت حذمة قديمة في بوقي و سكت اهو ربنا على الظالم المفتري و بصت في السقف و قالت أهم يا رب أهم و
شاورت على اللي قاعد كله و كملت اهم اللي جايين عليا اكمني وحدانية اسخكهم قرود و أنا هرضي بالأمر الواقع و هقول قضاء و قدر
مالك بصلها بصه خلتها تقول تحط ايد على بوقها و الايد التانية تشاور ليه بيها بمعني خلاص
مالك نرجع تاني معاهدة السلام دي مش بين جميلة و ريا بس لا دي مبين الكل
حازم إني أعترض
مالك بسخرية و غيظ بتعترض على اية إن شاء الله إحنا لسه قولنا حاجة يا زفت
حازم معرفش بس طلما اجتماع بيقي لازم أعترض فيه اية يقولوا عليا مش فاهم
مالك حط ايدة على وشه لما شاف ملك بتشجعة و يتقول برافوا عليك يا سعادة البيه كريم شانتيه أصلا محدش بيفهم هنا غيرك و رفعت اديها و قالت أنا بايد اعتراض سعادة البيه كريم شانتيه مهو مش هيبقي لوحدة اللي بيعترض لازم كلنا نعترض إية هنسيبه يعترض لوحدة
مالك اتعصب مره واحده و قال وقف مسك شبشبة و هو بيقول طب يلا يا ولاد الكلب من هنا بقي أنا عمال ادادي و احايل عشان منكترش مشاكل و انتوا مش راضين تسكتوا
كلهم أول ما شافوه كدا طلعوا يجروا حازم شد ريا و قال تعالي انتي مش حمل شبشب تاني كفاية عليكي جميلة
ملك اخص بتتحالف مع الأعداء بس ابقي خليك فاكر
حازم ساب ايد ريا و طلع يجري على اوضته و هو بيقول سوري بس العمر مش بعذقة و دي شرانية
وليد كان وصل لاوضتة و بيضحك على منظرهم
مالك ماسك الشبشب و بيجري وراهم بص لقي اللي بتستخبي تحت ورا الكنبة پخوف
مالك بيتسحب علشان متحسش بيه لحد ما قعد على الكنبة
ملك طلعت رأسها تبص تشوفة فين لقيته في وشها ضحكت ببلاهه و قالت أحلي مسا عليك يا ريس
مالك خلع الحزام و لفة لفتين على ايدة ملك شافته كدا جريت و هو جري وراها ضړب ضړبة بالحزام يدوب جت حاجة بسيطة عليها
ملك عااااا اهدي يا سعادة البيه الحليوة اهدي يخويا هتعمل عقلك بعقل عيلة طلاق تلاتة عيلة
مالك بغيظ بقي انا مقعدكم في حصة تاريخ مش كدا تعاليلي بقي يا حلوة لحسن دا انتي غلاوتك عندي فوق ما تتخيلي
ملك بتجري لمحته هيضرب نطت و هي يتقول أركب الهوا وقفت على ناحية من السفرة و هو وقف الناحية التانية بصتله ببلاهه و قالت و مالها حصة التاريخ جميلة حصة التاريخ ظل أنا أصلا بدأت افهمه منك كنت بجيب فيه كحك في المدرسة
مالك بغيظ انا بقي ظالم و هتتربي النهارده يا جميلة
ملك الله يخربيت جميلة علي اللي جابوها في ساعة واحدة حطت ايديها في وسطها و قالت هو أنت يا سعادة البيه الحليوة جاي تتشطر عليا انا طب ما تشوف اللي جريوا يستخبوا في اوضهم دول وإلا عشان أنا الدعييفة اللي فيهم ملحقتش اجري
مالك دعييفة انا يا ستي ظالم
مالك كان قريب من اوضة ريا اللي واقفة تتفرج عليهم و مبسوطة أوي و قالت أيوة كدا يا مالك ربيها و خدلي حقي من حتت الخدامة اللي محدش عارف يشكومها دي
ملك اسكتي بدل ما اجي أشيل الشعرتين اللي فاضلين كانت بتكلمها و هي مركزه مع مالك اللي ضړب ريا حزام على رجلها و قال بزعيق ادخلي جوه
ريا صوتت من الۏجع و قفلت في وشهم الباب و هي بتبرطم
مالك رجع بص ل ملك اللي بتضحك و مش واخدة بالها و في حركة سريعة كان قدمها و ضربها بالحزام ضړبة على رجلها
ملك جريت على طرف السفرة التاني و هي بتصوت و بتقول عااا بتوجع يا سعادة البيه الحليوة بتوعج والله
مالك هتسمعي الكلام وتقصري الشړ وإلا لا
ملك بعند و هي حاطة اديها على رجلها مكان الضړبة الله و أنا مالي يا لمبي دا نسمة هوا تعدي في وقت حر دا انا محدش بيسمع صوتي ولا بيحس بحركتي دا انا الدنيا جاية عليا أوي
مالك جري وراها و هي طلعت على السفرة و جريت لاخرها عملت اديها على شكل مايك و قالت واحد اتنين تلاتة هبا بصت على مالك و قالت سلام كبير أوي ل أبو رحاب اللي مشرفنا في المنطقة
وليد و حازم جم من وراها و قالوا هااااااا
ملك لعبت حواحبها ل مالك وقالت و سمعني سلام لو مكنتش انتي تدلعني مين هيدلعني
مالك حط ايدة على وشه بقلة حيلة و ضحك عليها و على خفة ډمها اللي كفيلة تخرجوا من أي مود
مالك ربنا يهديكي يا بنتي
ملك بغمزة يا رب يا بابي
ملك جت في دماغها فكرة و حلفت لتعملها بصت ل حازم و وليد و عينها لمعت بخبث
مالك عدل لبسة و قال أنا رايح الشركة و انتوا خلوا بالكم من ريا لحسن ريا وسکينه دي تاكلها
ملك متخافش عليها يا سعادة البيه الحليوة هحطها في عنيا و غنت و حياة عنيك و فداها عنيا أنا بحبك قد عنيا و بقت تهز كتافها
مالك هز راسة بقلة حيلة و خرج ملك نزلت جري من على السفرة و قالت بعد ما اخلص ترويق و عمايل أكل عوزاكم في مهمة قومية و بلاش جبن و تسبوني قدام سعادة البيه الحليوة لوحدي ها
وليد فيه في دماغك اية أعرف بس شكلك ناوية على خړاب الديار يا عبلة
ملك لو مجبتش ال ١ ناقة الحمر مفيش جواز يا عنتر
حازم لاااا بد من أن تاني بيها يا عنترة عبلة ملكت ديار بني عبس
ملك بس يا شيبوب انت و تعالوا ساعدوني
ريا قاعدة في الاوضة بغيظ و قالت اللي إسمها جميلة دي مبوظة عليا كل مخططتاتي كدا مش نافع لازم أخلص مهمتي في أقرب وقت
ملك قاعدة بتغسل السجاد و حازم بيحول ليها ماية من الحمام
وليد كان بينفض و يروق على الرغم من اعتراضة في الأول بس اندمج معاهم
ملك بصت بضحكة شغلت السماعات على اغنية يا مدلع يا مدلع يا سايبني في ڼار قلبي مولع
وليد بص على منظرهم اللي خالي من أي دلع و نزل ضحك و ملك اللي كل شويه ترفع اديها على رأسها و تضحك و تغني و تهز كتفها بترقص بشكل مضحك مسكت جردل الماية و زقلته على حازم اللي شهق و قال بنبرة انوثية ينفع كدا تبلي هدومي كدا استهوي اه يا جميلة يا قاسېة و قضوا اليوم كله في الترويق لحد ما قعدوا بتعب
وليد كنتي بتفكرني في اية بقي يا جميلة اتحفينا
ملك بخبث سعادة البيه الحليوة لو عرف اعتبرنا في المقاپر يا سعادة البيه كنافة بالمنجة
حازم بفضول ليه هنعمل اية
ملك بخبث هنتفح مدرسة رقص
بتبع.....
خادمة قلبي
خادمة قلبي ١
ملك بخبث سعادة البيه الحليوة لو عرف اعتبرنا في المقاپر يا سعادة البيه كنافة بالمنجة
حازم بفضول ليه هنعمل اية
ملك بخبث هنتفح مدرسة رقص
وليد و
حازم في صوت واحد ايية
ملك اسمعوني بس
وليد لا دي هربت منك على الآخر رقص اية دا مالك كان كرشنا كلنا من البيت
ملك استهدي بالله بس يا سعادة البيه كنافة بالمنجة خد مني و اشتري دي مدرسة صغيرة يدوب لينا إحنا التلاته
حازم لا متعمليش حسابي معيش فلوس اشتري مالك هينفخ اللي جابوها
ملك خلاص يبقي تمثيل ورقص يلا نبدأ
و بعد ساعات من محاولة اقناعهم
مالك داخل الشقة لقي الوضع كالتالي
وليد و حازم و ملك لابسين عبايات قصيرة أول ما شافوه داخل ملك مسكت الطبلة و بقت تطبل و تغني و هما يرددوا وراها
ملك جاموسة راحت تقابل جاموسة
حازم و وليد اااااه
ملك جاموسة راحت تقابل جاموسة يعيني ملقتهاش جاموسة يا ليلي لقتها بقرة يا عيني يا ليل و اااااه و ادلع يا عريس يا ابو لستة نايلو
حازم و وليد مسكوا الساجات و بقوا يخبطوا بيها و ملك تطبل و تغني
حازم بمياعة الله عليكي يا ابلتي
ملك أنزل لم النقطة بقي يا سعادة البيه كريم شانتيه و بصت ل مالك و قالت شخلل جيبك و نقطنا الله إحنا مش عاملين العرض دا زينة يا سعادة البيه الحليوة
مالك الصدمة لجمت لسانة و مبقاش عارف يعمل اية
ملك خدتة قعدته على الكنبة و هو فاتح بوقة و مش قادر يستوعب
مالك بداخلة حتي وليد اللي مبيطقش حد يا قادرة
ملك شاورت ل حازم و وليد و قالت يلا فقرت الرقص
مسكت الساجات و وقفوا التلاتة صف واحد و بقوا يقولوا مع بعض يلا معايا
اتنين دربن دح و الغرزة الضيقة اتنين دربن دح و الغرزة الضيقة
ملك شغلت اغنية و بقوا التلاتة يعملوا عليها نفس الحراكات
مالك قلب البيت كبارية هو دا اللي أنا كنت خاېف منه بص على اوضتة بخبث و دخل في هدوء من غير ما حد يحس بيه فتح الدولاب و خرج منه عصا و قال و ربنا لربيكم انتوا التلاتة يا شوية عرر
مالك خرج و حط العصاية ورا ظهره و على وشة ابتسامة
وليد الحقوا مالك بيضحك
ملك بيج احية هو دا الهدوء اللي قبل العاصفة أنا عارفة
حازم بيولول و بيقول انا اية اللي خلاني اسمع كلامكم هنتشلوح كلنا مش هيعتق حد فينا
ريا كانت خرجت تتفرج عليهم لما سمعت صوت الأغاني
مالك قرب منهم و التلاتة وقفوا انتباه
مالك برافوا عاوز احجز الفرقة لفرح واحد معرفة الاتفاق مع مين
ملك شاورت على وليد و وليد شاور على حازم و حازم شاور على ملك
مالك منين بيودي على فين
ملك بشجاعة ٥ جنية ايجار الفرقة ساعة قولت اية
مالك ضړب بالعصا على تربيزة جمبهم و قال قولت لا اله الا الله تعالولي يا شوية اوباش ورحمت ابوكوا لربيكوا من أول و جديد
ملك أول ما شافت العصا تنحت و قالت و هي بتدلك رجليها انت مش هتضربني بالبتاعة دي صح أنا لسة ضړب امبارح مخفش
مالك و و إنتي بيهمك حاجة كنتي عملتي حساب للضړب بتاع امبارح و سكتي لكن إزاي متقدريش تقعدي دقيقة من غير مشاكل صح
ملك هزت راسها في الأول ب اه و بعدين هزتها تاني بسرعة ب لا
حازم كان بيحاول يتسحب يبعد عنهم لكن مالك لمحة و ضړبة على رجلة بالعصا
حازم ااااه حرام عليك يا مالك أنا مظلوم والله اخوك اللي ڠصب عليا
ملك پخوف سعادة البيه كريم شانتيه
حازم عاوزه اية
ملك بتوعج
حازم هز رأسه ب أه من غير كلام
ملك بصت ل مالك بعيون قطة
