زهره

زهر___ة 
الحلقة__ 1
نعرفكم بروحي انا اسمي زهرة عمري 18 سنة جايا قصيرة بينازة وبلوندا وجسمي معمر سما لي يشوفني يعطيني كثر من عمري جايا شابة وعينيا كبار وكوحل يبانو مكحلين شفاري طوال بلا ريسيل عندي ليفوسات وشواربي معمرين 
قصتي بدأت من نهار خرجت ريزيلتا تاع لباك انا كنت ضعيفة شوي فالمستوى الدراسي بصح في نفس الوقت حابا نحقق حلمي لي هوا ندي لباك ونفرح والديا بيسك انا عايشا في عايلة فقيرة بابا مسكين يخدم ليل ونهار غي باش يوفرلنا لقمة العيش وعندي خاوتي زوج كبار عليا منبعد ختي ومنبعد نجي انا بطبيعة الحال انا المازوزية نحكيو درك على الحياة العاطفية جامي حبيت وجامي دخلت في علاقة حب تبانلي حاجة تافهة وانو مانخسرش ثيقة بابا على جال ولد لمرا المهم عام لباك كيما تعرفو نقرا فليكور وفالليسي مراجعات وحفاظات حتى وصل نهار لباك عقبت وماديتش للأسف شحال بكيييت هداك النهار تقهرت صحصح والعام هداك داروه صعيب بزاف ماما تساعف فيا هيا وبابا ماخلاونيش وحدي الماكلة ماناكلش نقعد غي نبكي وخاصتا كي سمعت بنات عماتي داو وفرحو وانا لا لاعلينا فات شهر من ورا الريزيلتا كامل اكتئاب وماخرجتش من الدار ومنبعد قررت نبدا حياتي من جديد ونعاود لباك ونديه كيما داوه نضت الصباح درت دوش وصليت رحت للكوزينة جبدت لحليب طيبتو زدت لقهوة كيف كيف ناضت ماما لقاتني هكاك فرحانة والله من وجها عرفتها مام هيا فرحت جات عندي زهرة بنتي لعوينة تاعي ياعمري عندي مدة ماشفتكش هكا فرحانة عييت مانواسي فيك بصح تي راسك حجر وشنفت عليا مانعرف شكون لي راح يلمك نتي براسك هادا يووووو ماما تقولي عليا هكا ديجا مانيش راح نتزوج نبقا هنا معاك وديما غي في حضنك ياقلبي على طبوزة تاعي راح تقعد معايا كشغل صدقتك والله اماما مانيش نزعق نقعد معاك طول لعمر ههه معليش بنتي لعزيزة قرصتني في ضراعي وقاټلي ااي اااي عندي بزاف مادخلتي للكوزينة ماطيبتي ماهزيتي حاجة مدام رجعتي زهرة تاع بكري صاي وراحت خلاتني جابت لبراس تاع القهوة وراح تسربي قټلها اااا سما نرجع للإكتآب خير كعاد هكا قاټلي بعيد الشړ على بنتي مي ختك راهي تعبانة مسكينة من الدار وتوجاد شورتها للعرس تاعها عاونيها........

زهر___ة 
الحلقة__ 2
عاونيها واوقفي معاها نتوما خواتات هنا تلقاو بعضاكم قټلها لاه حددو لادات قاټلي مزال بصح راجلها راه يقولها باغي ندخل في آخر الصيف وجدي حوايجك اييي ماما والله مابقا بزااف لازم تحضر روحها ولاه راني نقولك انا نوضي هاعلابالي اوكي اوكي ماماتي صاي والله نعاونها مانخليهاش وحدها صحيتي بنتي لفحلة خرجت من الكوزينة نغني وندندن حتى يخرج خويا من شمبرتو حال عين وقافل عين وشعرو طاير يضحك 
قالي شبيك تي على صباح ربي مدايرا حس كثر منك نوضتيني وجه الشړ ضحكت في وجهو وقتلوا وجه الشړ راح تقولك صباااااح الخير ونقزت لشعرو طيرتهولو كان راقد كي قطشتو هكاك ناض وتحلو علنيه قالي ياارب.... جرا ورايا بصح والله ماحكمني زربت دخلت لشمبرتي سمعتو من ورا لباب خي راكي راح تخرجي ونتفاهمو عليها ضحكت بصوت ونسيت ختي بلي راهي راقدا فطنت مام هيا قاټلي وشبيييك تي هههه والو طيرت شعر اسلام برك والله ماكي صحيحة نتي في راسك ماشي كنتي مدايرا مندبا على الباك هيه ندير ونزيد ني في دار بابا روحي روحي خليني نرقد يرحم باباك صحصح ماكيش نورمال وغطات وجها بالكوفيرطا نحيتهالها نسرييييييييين نوضي نوضي ازهرة والله يا ونوضلك خليني نرقد ابنتي كفاه هادا ترقدي ونتي عرسك ياربي شهرين بقالو خرجت راسها من الكوفيرطا ونتي شكون قالك شكون راح يقولي راجلك مثلااا باااينا ماما قاټلي هيه معليش ونتي هاذا وين خممتي فيا ماتلومينيش نسرين حبيبي والله ماكنت مليحا مي ذرك ني بياااا ونهبل وراح نعطيك الطاقة ونعاونك باش تكملي جهازك نوضي مام نتي يااا صح تعاونيني وانا كنت مقلقا ومدبرسا كثر منك بصح نتي بنتي عليا ولتاو بيك ونساوني وشنفت ماتزعفي موالو انا انا ونتي نتي ضړبتني بالمخدا ضحكت عليها هيا نوضي ودرك نتفاهمو عليها اوكي اوكي ناضت راحت وانا قعدت نفرز فالحالة تاعنا طبقت لقش وحليت الطاقة واحد الجو يهبللل في بداية الصيف هكاك المهم ستيكيتها مليح منبعد جبدت سوشوار وقعدت نشيح في شعري انا شعري جاي طويل وكحل ورطب سما غي نشيحو يولي يهبلللل المهم حكمتو كوتشيفال وخرجت رحت للكوزينة نسمع فيهم يقصرو نسرين وماما دخلت وقعدت معاهم فجأة....
زهر___ة 
الحلقة__ 345
الحلقة 3 
فجأة حسيت بواحد طيرلي شعري درت لقيتو اسلام خويا ماينساش الضړبة وااالو يرجع ضړبتو كون ېموت بعد وانا نسيت بلي تحلف فيا قتلو ياااااا اسلام اطلقني والله وجعتني مااااماااا شعريييي طيرهولي قاټلو ماما خليها اسلام واش داك ليها قالها واش داني ليها ههههههههههه هيا لي جات صباح بدات قطشتني وهاني رديتلها الضړبة وقالي باش منو هكا تعرفي معامن خربتي اطلقني برك مانزيدش نقيسك طلقني وراح يضحك عيطت صااااامط هادا سمعتو قالي هاني نرجع نكملك زوج شعرات لي بقاو سكتت ونتوجع ااااي راسي راسي قتلني حمار ماما ونتي واش داك ليه ياماما لعبت معاه برك مام هوا لعب معاك وجاب حقو اووووف انا نوض ندير شوي طعام للغدا قاتلها نسرين هاتي نعاونك قاتلها ماما لالا روحي تفاهمي معا ختك على حوايجك راح عليك الحال تفاهموا شاتشريو ووكتاه تروحو ايه دارت عندي اييي نوضي تي نروحو للشومبرا نضت وانا حاكما راسي دخلنا للشومبرا قاټلي زهرة جيبي ستيلو وورقة نكتبو لحوايج لي خاصين ولي شريتهم هزيتلها براسي ورحت جبدت ستيلو وورقة وقعدت معاها وقاټلي شوفي انا يعني كي تجي للصح مازال ماشريت والو ولاه مالا تقوليلي نكتبو لحوايج لي شريتهم ماشي ماشريت والو ذرك نعتلك شاشريت جبدت سااااشياااات هادا وماشريتي والو وحليت فمي ابنتي انا نيي عروسة هادو مايديرو والو قولي بغيتي تقلشيه هاباينة كي مانقلشوش انا شكون تقلشو ااا صح مكانش المهم خصني لي روب قصار شريت غي وحدا وخصني مكياج بكل انواع و ليكلاكات وطالو وصابوات هادو ماشريتش خلاااه وتاني ملايا تكون باهية ياربي واش راكي ديري اكتبي باش ماننساوش ااا اصبري درك نكتب لاه ټعيطي زيدي كشما تفكرتي نتي اشري شورت دجينز معا pull يكون غوز يجيوك يهبللوووو واش راح ندير بيهم هادو انا لاه راح نخرج بيهم اييي بهلولة نتي والله ابنتي لازم تلبسي هاذ الصوالح بيسك هوا يشوفهم برا ويسخف تكون عندو فالدار لي لابسا هكاك زعما صححح .....
الحلقة 4 
زعما صحح هيه انسرين والله يهبللل عليك ايا مشات اكتبيهم كشما نلقاو نشري يواحد ستوتة مينتا تعرفي الرجال شايبغيو انا في عمري 23 وماعلاباليش خي قتهالك قبيل انا انا ونتي نتي تمهجيل لالا خيتي ماوش تمهجيل هادا يسموه ذوق المرأة لي عندها اونوثة ماشي كيفك خي تعرفي تبلعيه هاني سكت زيدي واش نكتب زيدي