زهره

قنادر كشما نلقا نشري خير مانخيط ولي بارفا شريتيهم لالا نسيت قټلك بهلولة استناي نكتب لازم كل شهر يشم فيك ريحة بارفا جديد ولاه انا راح نشري لحانوت كامل !!! باااينا شوف اسيدي نشري وحدا ولا زوج بزايد صواردي عازين عليا مالا خلي كي ماتعجبيهش مانيش انا اييي روحي الهم هادي كي نخرجو وساهلة سمعنا تلفون يصوني لقيتو تاع نسرين عيطلها حب تر متها بقاو يقصرو وانا هزيت لورقة حطيتها فالخزانة وخرجت باش تهدر براحتها 
رجعت للكوزينة قاټلي ماما وش تفاهمتو ايه اماما تفاهمنا شراح نشريو ايا معليش وكتاه تخرجو مقاتليش بصح درك نقولها غدوا نخرجو ياربي وراهي مزال لقاطو ومازال شعرها راح ديرلو صبيغة لازم تحكم لبلاصة من ذرك عند الحفافة ولازم ولازم ولازم ... 
دخلت علينا نسرين قاټلي لعشيا راح يجي سامي راجلها معا شيخي يهدرو معا بابا فلادات قاتلها ماما مرحبا بيهم قټلها ايا مبروك حبيبي ربي يكملك نشالله نشالله ختيتو حقا خي غدوا نخرجو هيه غدوا وخممتي وشمن نوع تاع لي قاطو ديريه والله مانعرف راني مشلوشا ذرك نشوف كشما نلقالك ديري بقلاوة ومقروذ وزوج انواع تاع صابلي بريستيج وصاي واش رايك ماما مليح شقالت زهرة هيه ابنتي بزايد فيها براكة ايا مشات مالا فطرنا وصلت لعشيا جا سامي وباباه وعمو وخوه لكبير حطينالهم لقهوة ودرنا شوي قاطو كيما كان الحال تفاهموا على لعرس في 2 سبتمبر كان باغي راجلها في اوت مي قالهم بابا الطفلة ماهيش واجدا درك تفاهموا وراحو خبرنا بابا فرحنالها بزاف وفي نفس الوقت الدمعة في عين بابا حس بلي صح بنتو كبرت وصاي مابقاش راح يدوها ودير دارها مام هيا بصح سنة الحياة لازم هكا..
الحلقة 5 
صباح جديد نضت غسلت روحي ونوضت معايا لبقرا تاع نسرين وجدنا رواحنا لبست سروال عريض معا شوميز بيضا مشطت شعري وهزيتو طوماطيشة وطلقت شوي ابتيت درت اونتي صولاي شوي ريسيل وغلوص في فمي وشوي بارفا تاعي ولبست باسكات بيضا هزيت صاكي نسمع فيها زهرااااااااا خرجت لقيتها تستنا وتسب فيا واخيراااا لالة خرجت وكملت نزغرتولك ولا كيفاه لا ماتزغرتيش كحلي برك على الأناقة هيا هيا قالو اناقة كون نتبعك نتزوج في 2030 نتي تصبري بلا زواج ياااا اسكتي خاوتك راهم هنا مشي مشي 
خرجنا ركبنا فالبيس رحنا للحوانت لي يبيعو حوايج لعرايس شرينا كل شي ودخلنا لحانوت يبيعو لي صواري زادت خيرت لاروب تاعها لي راح تكريها وانا عجبتني واحد الصواري جايا حمرا وكلي تاع برانساس ماشي قونفلي بزاف مي جايا مفضوحة جيهة الظهر والصدر وسور طاي من لفوق منبعد لتحت تجي شوي قونفلي ومشقوقة على طول الرجل تههبلللللل تهبللللل داتلي عقليييي كي شافتني نسرين سخفت عليها مسكينة والله شراتهالي بعد ماقستها زدت تسحرت فيها صحصح جاتني سوا سوا وتهبلللل خرجت فرحانة زدنا رحنا شرينا حوايج تاع النظافة والكوسميتيك كيما لي جال ولي كرام المهم هادو تعرفو 
وصلنا للدار على 4 30 مقطعييييين رجليا هلكوني وساشيااات دايرين حالة المهم رحت نحيت قشي غسلت شوي روحي وديراكت رقدت فقت غي على ماما كانت تنوض فيا باش نتعشا قټلها لالا خليني نرقد راحت وخلاتني زدت رقدت نوضني صوت تلفون لقيتها ملاك صحبتي هزيت عليها سبيتها شوي وقټلها خليني نرقد بصح والله ماقدرت الضو تاع التلفون يأثر فيا نضت لقيتهم فالصالة ملمومين بابا وخاوتي وماما ونسرين رحت ديراكت لبابا حضنتو وقعدت ناض ايوب يضحك خويا لاخر اييي بنت باباها تحساب روحها مازالت صغيرا اسلام هاك تشوف وتوما شادخلكم بابا هيه شادخلكم خليو بنتي تقعد ديما عندي ومازالت في عيني صغيرا اشح اسلام والله فزدتها بالدلال تاعك ابابا عادت تتلاح كي لكلب ياودي خليوها برك منبعد قالنا بابا نسيت راهو عمكم عيطلي قبيل قالي بنتو تخطبت ااا شكون بابا يبالي ياسمين فرحنالها كامل وقلنا ربي يكملها نشالله قالنا بابا باش الجمعة الجاية تروحو راهو عرضنا راح يفتح عليها المهم خاوتي ناضو راحو لشنابرهم وبابا وماما كيف كيف غي انا وختي فالصالة قعدنا شوي ....
زهر___ة 
الحلقة__ 678910
الحلقة 6
غي انا وختي فالصالة قعدت معايا شوي منبعد قاټلي انا تعبت نروح نرقد بيسك هيا مارقدتش كي روحنا وانا مدام رقدت مانقدرش نرجع نرقد شعلت لتلفزيون دورت دورت مالقيت والو منبعد هزيت تلفوني ورحت للشومبرا تاع نقصر معا ملاك صحبتي قاټلي توحشتك قټلها مام انا ولقيتها زعفانة كعاد عيطتلي وسبيتها كلش كلش غي الرقاد مانسامحش فيه المهم حكاتلي على صاحبها بلي بدا يجبد في روحو وراها شاكا بلي يخون فيها نصحتها شوي نصايح شيطانية على الرجال مالغري انا ماعشرتشهم مي نحس نعرف عقليتهم ومن لحكايات لي نسمعهم عندي ړعب من الرجال نحسهم استغلاليين خلاه تفرجت ليفيديو فالتيك توك جوايه 2 باش عاودت رقدت 
لغدوا نضت على نسرين تنوض فيا زهرة زهرة نوضي لاه شكاين مالقيتش واش نلبس فالفاتحة تاع ياسمين وعلى هادي تنوضي فيا هيييه على هادي نوضك مالقيتش ني حاصلة نوضي برك نتي تعرفي للخرد هادو اااا سما واخيرا ستعرفتي بلي انا أنيقة عليك روحي برك كيف كيف لا ماشي كيف كيف هههههه المهم درك نوض خرجت لقيتها لمت الشومبرا تاعنا زدت عدلت سرير تاعي وخرجت غسلت وجهي رحت للكوزينة وجبت معايا تلفون باش نحوس انا وياها على حاجة نلبسوها فالفاتحة تاع ياسمين قاټلي هيا نعتيلي تره روشارشيت خرجو بزاف ديمودال وعجبها واحد جاي سور طاي طويل وظهرها مفضوح دخلنا لقينا نقدرو نكريوه زدنا هزينا لادراس باش لغدوا نروحو نجيبوها سقساتني انا ونتي شراح تلبسي عندي لاروب هاديك النواغ نلبسها وصاي جايا روب قصيرة ولفوق كشغل حرف v تخرج عليا تهبللل قلت نلبسها وصاي بعد ماقررنا شراح نلبسو عيطتلنا ماما هيا روحو تسيقو هزينا كلش مسحنا الغبرة وسيقنا الله الله رجعت الدنيا تشعللللل .....
الحلقة 7
رجعت الدنيا تشعللل فاتت لعشية لغدوا زدت خرجت انا وختي جبدنا ديك الروب قاستها جاتها روووعة مام هيا عجبتها زدنا معاها ليكسيسوارات خرجت فريي شابة ومعا هيا لاطاي تاعها تاني مليحا فاتت السمانا وحنا رانا نوجدو للفاتحة وعيط عمي لبابا قالو جيبهم لخميس فليل كيما كان لحال رحنا ومعا أجواء لفاتحة كااانت تهبللل عماتي ونسا عمامي كامل زهوانيات جابو دربوكة ويدربكو هولنا الحالة لغنا الشطيح الرديح تقول عرس ماشي فيونساي بتنا عندهم ومسكينه ياسمين خاېفا قاټلي عييت نرقد كفاه راح نواجهوغدوا وقدام لافامي يلبسلي الخاتم كان صاحبها قټلها خطيبك وراح يولي راجلك سما حلال واحد مايحكي معاك قعدنا نقصرو هكاك ونضحكو فوتناها ليلة تهبللل ورقدنا لغدوا نوضونا بكري لي توجد توجد ولي حاكما شعرها حاكما ولي تماكيي ولي تسشور المهم حالة وفرات انا ماكييت لختي ومشطلها كشغل نحب نخرب فهاذ الصوالح تاع الشعر والمكياج زدت انا درت شعري اوندولي وعاونتني ختي بيسك كان طويل وتعبني زدت ماكييت خفيف رسمت عينيا بلاينار ودرت شوي بريون فاول