زهره

العين شوي ريسيل ورسمت شواربي غلوص وبلاشر خرجت فرييي زلة احم احم حوحو يشكر روحو علابالي
وصل وقت لفطور حطولنا منبعد لتينا معا الزغاريت والشطيح جات عروستنا هه ياسمين جات بوووبية تهبلل الله يبارك سلمنا وزغرتنا عليها شوي هكا نسمعو الكورتاج جا ولكلاكسون تاع الطاكسيات دخلو مالين لعريس للصالة شطحنا شوي منبعد سربينالهم لقهوة والقاطو ولاتاي دارو كل خير الله يبارك منبعد دخل هوا لبسلها لخاتم وقصو لاتارت كانت اجواء فرييي شابة ومام هيا كانت مسكينة ترجف وفي عينيها الفرحة راحو مالين لعريس بقينا غي لافامي هولناها صحصح دخلو مام خاوتها بردنا قلوبنا كي خرجت من الصالة جرني واحد من ضراعي انا ندور ونلقااه .....
الحلقة 8
انا ندور ونلقاه ولد عمي محمد هادا في عمرو 20 خو ياسمين قتلو ااا محمد cv خويا قالي نن مانيش cv بغيت نحكي معاك لاه شكاين غي لخير محتاجك دقيقة وخصني نحكي معاك وحدنا لاه بصح خويا احكي هنا شاتستحق ماشي هنا قټلك لازم وحدنا ماعندي وين نروح كشما لي يشوفنا يحسب حساب خاطي اخطيني مانخطيكش زهرة ني حابك وراكي تعجبيني تن... عليك من لبارح وانا نتبع فيك بعينيا بصح نتي ماكيش حاسا بيا اسمع محمد هاد لهدرة ماتزيدش تعاودهالي انا ني نشوف فيك كيما تا كيما اسلام وايوب سما مكلاه ايا صحا ماتروحيش خليتو يحكي وحدو ورحت عاودت دخلت للصالو حسيت روحي تخنقت كي قالي هكاك جات ماما ليا وشبيك وجهك صفر هكا لا والو ماما غي تعبت روحي اشربي شوي ما وكولي هزيتلها براسي وقعدت صماطتلي شوي خفت من دارنا وشوي تشوكيت في كلامو بيسك هوا جامي هز راسو فيا فاتت ديك لعشية قد ماحاولتنا ياسمين نقعدو معاها انا عارضت وقلت لالا مابغيتش يصرالي مشكل معا خوها عيطت لبابا جا دانا طحنا كاااو من التعب لغدوا هزيت تلفوني نلقا لي زابال من نيميرو جديد ماحوستش نفهم طفيتو ورحت دوشت ولمېت لحالة انا وختي لعشية دخلت للفيس نلقا انفي من عند ولد عمي محمد هادا وديميساج بزاااف فالنيميرو والفيس حكمتني الرعشة عييت نستوعب هزي عليا نحكي معاك راكي هبلتيني وميساجات كيمن هكا دخلت عليا ختي قاټلي شكاين محمد ولد عمي مافهمتش واش بيه شوفي ونعتلها التلفون يووووو كون يسمعو ايوب وإسلام والله ېقتلوه فاصي وابلوكيه من كلش درت كيما قاټلي ووصيتها ماتحكي لحتى واحد ....
الحلقة 9
فاتت سمانا تاني وحنا غي تحضيرات ونوجدو لعرس نسرين بقات سمانتين لحالة مرونة كلش داخل في بعضاه بنات خالاتي جاونا وسقساو نسرين شراح دير الأنواع تاع القاطو قاتلهم قالولها مالا علينا حنا القاطو بريستيج كشغل داروهالها كادو وماما وخالتي تفاهموا على نهار باش يوجدو لمقروذ والبقلاوة نسرين راحت للحفافة صبغت شعرها جاااات تهووووبل حنا عندنا لعروس تروح للحفافة قبل 15 يوم دير لاكولاغ تاع شعرها لي بغاتها باش اونكا فسدتلها يكون عندها لوقت تعاودها نهار التاني رحت معاها درنا مساج ونيتواياج وقوماج المهم هاكو تعرفو صوالح لبنات خممت نصبغ شعري مي ماما ماخلاتنيش وصح هوا باهي وخارج عليا هكاك نواغ قلت عندها لحق مانفسدوش خليتو كيما راه ياسمين في كل دورا تجي والدمعة في عينيها تعنقنا وانا قلبي مقسوم مي فيا طبيعة انا وبابا مانبينوش شي لي في قلوبنا لا علينا وجدنا كاباتها وجهازها حطيناه وكوفرناه جاو بنات خالاتي ربي يحفظهم لينا ماخلاوناش وحدنا خلاه ربي يجازيهم ودرنا ميناج لكامل الدار تعاونا فيها يد بيد لي تمسح ولي تسيق ولي تجري ولي تجيب فالسارفيس المهم حالة 
بقاو يومين للعرس رحنا كامل للحمام بنات خالاتي وبنات عماتي وعمامي رحنا في رحبة وباينا لعروسة وماما وخالاتي وعماتي دينا معانا كل خير جو مانحكيلكمش عليه صحصح روووعة قلبنا داك الحمام غي بالزهو تاعنا كملنا روحنا دارنا تغلييي بالغاشي عائلتنا شوي كبيرة .....
الحلقة 10
عائلتنا شوي كبيرا ولازم يتعرضو كامل النهار ماقبل نهار العرس درنا سهرية تههههبللل حنات فيها ودرنا مام حنا الفال انا لبست جبة قبايل جايا قصيرة تحت الركبة لونها نواغ تهبللل وهزيت شعري لا علينا جاو جيرانا وجاو شوي لي بعاد سهرو معانا وراحو مي حنا لبنات قعدنا مقصرين وننصحو في نسرين واش دير في ليلتها مسكينة خاېفا مابغيناهاش تسهر بزاف باش تقاوم قلنالها روحي ترقدي وحنا قعدنا تيريري ترارا على 6نوضونا راسي هزيتو حجرة يخاااه كون علابالي ني رقدت ماسهرتش بالضراع باش هزيت روحي ولازم نروح معا ختي للحفافة ماجينا نوجدو وونكونفيرميو على لحوايج حتى 8 لبست ملاية برك ومام ياسمين ورحنا وصلنا اسلام لقيناهم بداونا بالشعر سشورناه منبعد مكياج منبعد لمينا شعورنا انا درت كواف سامبل برك ونسرين خرجت مشالله تجيب العين حتى قالولها بلاكي دي معاك مصحف صغير كملنا جوايه 3 تاع لعشية جا اسلام رجعنا لدار دخلت انا بالزغاريت وكامل باغيين يشوفو نسرين رحنا لاشومبر تاعنا وبديت نرتبلها فالحوايج والتصديرا لي راح تروح للاصال وهيا قاعدا تشوف فيا ومبتاسمة شفت فيها لقيت عينيها مدمعين يوووو نسرين حبيبتي لاه لبكا راني نعيش معاك دقايق لخرة كفاه مانتأثرش يوووو عمري لاه تقولي هكا ورحت ليها حضنتها عندك لحق والله شكون راح نهبل انا كي تروحي نتي شكون نسرقلو لبستو كي يكون راقد مكاااانش مكااانش اااه حبست لبكا وشنفت عليا كي نتفكر طبايعك نقول خليي نهج هاكي حبستي لبكا خليني نروح نوجدلك يخااه عليك انا نقول واش راح يصبرها عليا واقيل راكي باغيتني نروح هيه تولي شومبرا تاعي برك ونلقا راحتي باينا نفرح هجالة قودي صاي صاي ماتزعفيش انا مابغيتش نبكي ونتي تحفري فالچرح خلي البير بغطاه ههه اوكي يطبطبو فالباب قلعوه بغاو يشوفو نسرين قاټلي نروح نقعد شوي فالصالة معاهم حتى يعيطلي قټلها اوكي راح وانا قعدت نفرز جات بنت خالتي تاني عاونتني وصلت 5 عيطلها قالها وجدي روحك جات للشومبرا قاټلي بديت انا وبنات خالاتي نعاونو فيها باش تلبس لكاراكو عدلتلها شوي مكياجها وشعرها وقعدت تستنى مسكينة ترجف انا رحت لبست هاديك الروب لغوج لي شريتها معا صوندال جيييت نهبل لبست لملاية وقاعدين نستناو حتى نسمعو فالكلاكصيو تاع الطاكسيات شعلوووو لحالة برا بليفيميجان والبارود صحصح دارلها حطة خرجها بابا بالبرنوس وراحو معا بعض من بعد بدينا حنا نسا كل وحدا وين تروح انا بغيت نركب معا اسلام بيسك مهبول وزهواني ومام بنات خالاتي يعجبهم يضالو يكحلو عليه لصقو فيا قالولي نركبو معاك.....
مي__ادة 
الحلقة__ 111213
ممنوع النقل بدون اذن 
الجزء 11
ومكالاه تقوليلي كرامتي. في الحب ني كرامة ني والو في الحب تنازلات نتي تتنازلي وهو يتنازل هكذا تنجح العلاقة انا هاني قټلك ونتي دبري راسك جيت مروحة من عند راوية والفرحة مهيش واسعتي والتخمام قتلني مالا حتى هوا يخمم فيا ودايرني في بالو زعمة يحبني كيما نحبو انا اواه من وين لوين حتى يحبني هوما اكل ثلاث خطرات ولا ربعة اللي حكا