لم يفت الاوان بعد الفصل الثاني
غاويه تعيشي دور الضحيه وبس انتي عارفه لو ابوكي كان عايش كان عمل فيكي ايه
بقول لك ايه يا نور اعيش دور الضحيه معيش دور الضحيه دي حاجه تخصني ما تخصكش انا كل اللي انا جايه له دلوقتي هي عمتي وبس غير كده مش فارق معايا حاجة اصلا والحمد لله أن ابوبا مېت يعني محدش ليه حكم عليا خلاص اقعد امشي اطفش اللي حكم ماټ من زمان
قال يتهكم
انتي شايفة كده صح أن ابوكي بس اللي كان ليه الحكم عليكي مش عاوزة تبطلي ذاكرة السمكة اللي عندك دي واحد غيري كان دفنك مكانك اول مشافك
ضحكت بسخرية مفتعله
والله جد وده بإمارة ايه بقااا
تمام كل شيء في وقته حلو ومش وقته ماشي يا اسيل الصبر حلو
عمتك جات لها جلطه في القلب مشكلة ام الجلطة جو وهي على السلالم وقعت وللاسف الواقعه دي عملت لها كسور مضاعفه في جسمها كله خالتها ما تقدرش تتحرك شبه مشلوله. ومن ساعتها وهي مش على لسانها غير اسمك وطبعا احنا ما نعرفش حاجه عن سياده البرنسيسه اللي اختفت فجاه بين يوم وليله
قومنا الصبح لقيناها اتبخرت مش موجوده
نظرت له بكره وقالت
علشان كده حضرتك عملت الاعلان علي النت كانك بدور علي كلب تاه منك
رساله مستعجله للانسه اسيل السيد مجاهد التي تقيم في قريه قنا وتركتها منذ ثمان سنوات نرجو الاتصال بهذا الرقم ضروري عمتك في خطړ
طيب والله الحمد لله ان انت حنيتي علينا وشفتي الاعلان وجيتي اهو عملنا حاجه مفيده يا ستي
بقول لك ايه يا نور بطل نغمه السخريه اللي انت عمال تتكلم بيها ديت انا ليا قوة احتمال تمام كل اللي بينا عمتي هطمن عليها وهرجع زي ما جيت وانت اصلا تنسي انك شفتني
ابتسم بسخرية معتاده و فضل الصمت
أكملت اسيل وكأنها تتعمد تجاهل ابتسامته الساخرة
هي عمتي تعرف أن انا جايه
قال بستهزاء
لاء طبعا خفت اديها امل
