غفران الماضي

يقومه بالسلامه.
ثم تابعت تضيف يا تري حاله غفران ايه دلوقتي زمانها مموته نفسها عليه دي بتحب جدها جدا ومرتبطه بيه اوي وكمان مع حملها الله يكون في عونها...
ثم اضافت تطلب منه برجاء عاصم احنا لازم نسافر اسكندريه علشان نطمن علي الحج منصور وغفران..
اجابها عاصم مؤكدا طبعا دي مش محتاجه كلام الصبح بدري ان شاء الله هنكون في اسكندريه...
....................................... 
كان عاصي يزرع الممر امام غرفه العنايه المركزه الراقد فيها جده ذهابا وايابا والقلق ينهشه علي صحه جده فهو خائڤ عليه بشده كما انه غير مستعد لخسارته هو الاخر لا قدر الله !!!
كانت دريه ونسرين يجلسن علي المقاعد المخصصه للزوار في اخر الرواق في انتظار سماع خبر وفاه منصور الچارحي حتي تتحقق كل امانيهم واحلامهم وبذلك يكونوا ضربوا عصفورين بحجر واحد طلاق غفران ورحيلها من القصر ومۏت منصور الچارحي!!!
قامت نسرين وتوجهت نحو عاصي حتي اقتربت منه وهتفت تتحدث بنبره حاولت جعلها حزينه من اجل مرض جده عاصي ... من فضلك اقعد ارتاح شويه انتي من ساعه ما وصلنا المستشفي بقالنا اكتر من 3 ساعات وانت واقف علي رجليك وقبلها اللي حصل في القصر انت لازم ترتاح احنا ملناش غيرك دلوقتي بعد جدو منصور ربنا يقومه بالسلامه...
اجابها عاصي بتقرير هيقوم ان شاء الله جدي قوي وهيقوم منها علي خير...
ابتسمت بتصنع قائله اكيد ان شاء الله ....
ثم تابعت مضيفه باهتمام طب ممكن تيجي معايا الكافيتريا علشان تاكل اي ساندوتش انت ما اكلتش من الصبح...
حدثها بنفاذ صبر نسرين من فضلك انا مش ناقص زن انا علي اخري ...
يا تروحي تقعدي جنب ماما يا اما تاخديها وترجعوا القصر قعدتكم هنا ملهاش لازمه . وانا هبقي اطمنكم لما جدي يفوق....
كزت علي اسنانها وكتمت غيظها من طريقته الجافه معها ولكنها لا تريد ان تثير غضبه عليها ولا تريد ان تظهر بانها تستغل فرصه طلاقه من غفران فهي عمدت علي تغيير خطتها معه بالكامل ....
استدارت حتي تعود الي خالتها ولكنها لمحت غفران وهي تاتي من اول الرواق ....
ابتسمت بخبث ثم اقتربت من عاصي ووقفت امامه ثم مدت يدييها واحتضنت كف يده بين يديها تضغط عليه تواسيه لكن من يراهم من بعيد يعتقد انهما حبيبان بسبب اقترابهم الشديد وايديهم المتشابكه ان شاء الله كله هيبقي كويس .. اطمن احنا كلنا جنبك...
قالتها وانصرفت وهي تسير بخيلاء مبتسمه بسعاده بعدما تاكدت من رؤيه غفران لهم....
طعنه غادره نفذت داخل قلب غفران عندما شاهدتهم علي هذا الوضع كتمت آلمها وحسرتها داخل قلبها فهي في هذه اللحظه لا تريد سوي الاطمئنان علي جدها هو اهم شخص في حياتها حتي اهم من عاصيها...!!!!
اخذت نفس عميق تهديء به من توترها وسارت بخطوات ثابته نحو غرفه العنايه المشدده.
استدار عاصي بجسده المتشنج بعدما سمع وقع خطوات تقترب منه توحشت نظراته عندما وجدتها تتقدم نحوه قطع الخطوات الفاصله بينهم في خطوه واحده ووقف مقابلها ويطلق لهيب حارق من عينيه .
هتف من بين اسنانه المطبقه بنبره شرسه ايه اللي جابك هنا انا مش قلت لك مش عاوز اشوف وشك تاني!!!!!
رفعت نظراتها اليه هاتفه پحده وانت مالك !!!
انا جايه اطمن علي جدي ولا كمان ده ممنوع ...
رمقها بغل من تحديها له وهتف پغضب مكبوت اه ممنوع انتي من اللحظه دي مالكيش اي صله بينا ...
اغتاظت من غطرسته وهتفت تتحداه اكثر انا فعلا معادش ليا اي صله بيك بس