رواية الـتــل رانيا الخولي الفصل الثالث

كل شيء عند تلك اللحظة وصړخت بمرارة
_ خليك راجل مرة واحدة في حياتك واخرج من حياتي اللي دمرتها وقضيت عليها خليني اعيش ولو يوم واحد كإنسانة وليها مشاعر مش مجرد زوجة تستنى جوزها كل يوم راجع وش الفجر من عند واحدة.
تقدمت من المنضدة لتأخذ هاتفها وتلقية في وجهه وتتابع پقهر
_ افتح وشوف الرسايل اللي بتوصلي كل يوم منها واقرأها كويس عشان تفكرك باللي كنتو بتعملوه طول الليل مع بعض.
اقرأ كويس وشوف مين اللي ممكن تتحمل كل ده.
______________
في المكتب 
سأله حسان بجدية
_ ولو جلتلك أرچع وهخليك المتحكم في كل شيء
أجاب باعتراض وهو يهم بالانصراف
_ حقي واخدته ومريدش حاچة واصل لا منك ولا من غيرك بعد اذنك
خرج جواد من المكتب فيتفاجئ بصوت اخته التي تصرخ بالأعلى
فترك جده واسرع إلى غرفتها كما حال الجميع وفور اقتحامهم للغرفة سمعوا صوتها وهي تصرخ به
_ لو راجل وعندك نخوة طلقني مش طايقة اشوفك ولا طايفة اعيش معاك.
تقدم جواد من اخته وهو ينظر لخالد پغضب
_ عملت فيها ايه
القت ياسمين نفسها بحضن أخيها تلتمس منه الأمان ولم يبخل عليها واحتواها بلهفة عندما لاحظ اثار صفعه لها فنظر لخالد نظرة حانقة تكاد تحرقه فسأل حسان الذي دخل لتوه 
_ في ايه ايه اللي بيحصل بالظبط
ازدرد خالد لعابه وتحدث بإباء
_ عادي ياجدي مشكلة عادية مفيش داعي تدخلوا.
تحدث جواد بسخط
_ ولما هي مشكلة عادية بتمد يدك عليها ليه
نظر عامر إلى وجه ابنته ليتأكد من ذلك ثم نظر إليه پغضب
_ انت كيف تمد يدك عليها
شعر بصعوبة في مصارحتهم بفعلتها كي لا يظهر أمامهم بأنه رجل غير مرغوب به لكن
ياسمين ابتعدت عن حضڼ أخيها ونظرت لجدها لتواجهه بأفعاله كي ټجرح كبرياءه كما جرحها وقالت پألم
_ الاستاذ اللي بيجولك مشكلة عادية عرف إني منعه نفسي اخلف منه.
نظر كلا منهم للآخر 
منهم الذي ينظر إليه بتعاطف ومنهم من يسخط على ياسمين ويلومها ومنهم أيضا من يتعاطف معها لعمله بحقيقة خالد لكن كريمة من كان لها السخط الأكبر لياسمين وقالت بحدة
_ وانتي مستنيه منه أيه بعد عملتك دي.
صاح بها عامر
_ استني لول نعرف منها عملت اكدة ليه
سألها حسان
_ ليه تعملي حاچة زي دي من ورانا
ضحكت بسخرية مغلفة بالمرارة
_ يعني انت مش خابر انا عملت إكدة ليه
عايز تجلي إنك متعرفش أنه بيسهر كل ليلة لوش الفجر مع واحدة احقر منه من يوم ما حكمت عليا بالمۏت وزوچتني ليه!
ولا رسايلها اللي بتدبحني فيها وهي بتسجل اعترافه ليها بإني حاجة مفروضة عليه وأنه وافق بس عشان جده ضغط عليه وهدده.
صړخت به بكل القهر الذي تشعر به
_ هددته بإيه عشان تجبره يتچوزني ياچدي ياللي مفروض تعلي من شأني مش تجرحني وتهني بالشكل ده.
وجه الجميع نظرات الاحتقار لخالد الذي اخفض وجهه بخزي لكن كريمة كان لها حديث آخر
_ ولما هو إكدة مجولتيش ليه من الأول
وجهت ياسمين نظرة حانقة لها وقالت باحتدام
_ لإني مش متعودش اطلع أسراري لحد واشمته فيا بس خلاص دي النهاية واللي عايز يشمت براحته
نظرت لجدها وتابعت بقوة
_ ياتطلجني منه ياإما حل من الاتنين ملوش تالت ارفع جضية طلاج وافضحه في التل كله ياإما أموت نفسي واخلص من العڈاب ده.
ساد الصمت بين الجميع لا يتخلله سوى شهقاتها وهي تتدراي في صدر أخيها الذي ابعدها عنه قليلا كي ينظر إليها وتمتمت بروية
_ چهزي شنطتك وتعالي معايا.
قاطعته كريمة پحقد خفي
_ تاچي معاك على فين
نظر إليها شزرا وغمغم بقوة
_ على المزرعة عندك مانع
ردت بحدة
_ طول ماهي علي ذمة ابني ملهاش خروچ من البيت إلا بإذنه.
وجه نظره إلى والده الذي وقف صامتا ورد باحتدام
_ متجلجيش بكرة بالكتير جوي ورجتها هتكون عندي اتفضلوا كلكم على برة عشان تغير هدومها
لم يستطيع حسان الوقوف امامه تلك اللحظة فهو الآن كريح عاصفة من يقف أمامها خاسر
أما خالد فقد فضل الانسحاب والخروج من القصر فهذا هو الحل الوحيد الآن.
خرج الجميع ماعدا فادية التي ظلت بجوارها
تحاول اقناعها بالبقاء لكن جواد منعها بهدوء
_ سيبيها يامرات عمي مينفعش تكمل معاه بعد اللي حصل.
وافقت على مضد وساعدتها في توضيب حقيبتها وظلت معها حتى خرجت من باب القصر مع جواد.
ظلت طوال الطريق تنظر من نافذة