بترتيب من القدر بقلم نشوه عادل

طلعتى ذكية كمان دى حقيقة فعلا ولا عندك مانع 
قدر وانا حتى لو عندى هعمل معاك ايه يعنى ده انت مقوتكش الا ربنا 
ضحك عمر وقال يارب صبرنى ع طولة لسانها
افتكرت قدر انه ظابط وقالت معليش آسفة يا باشا انا اصلا دبش 
عمر من غير ما تقولى عارف 
عدت ربع ساعة ووصل الامين ماهر ومعاه رجب ومجموعة شنط 
رجب يا عمر بيه هو حضرتك مفيش وراك غيرى ده انا لسه ملحقتش اشم نفسى
عمر ودى المشكلة ان الواحد بيفكر انك لما تخرج بعد السچن والاھانة انك هتكون واحد محترم لكن مفيش فايدة فيك اللى فيه طبع مش هيغيره طب كنت استنى شويه واستر حيك يا ناقص نظر للمسروقات وقال دول كام شنطة 
ماهر ٦ شنط يا باشا 
عمر بص لقدر انهى واحدة فيهم شنطتك 
قدر الكروس الاسود دى 
عمر طيب تأكدى ان حاجتك كلها كاملة 
رجب يا باشا كل حاجة زى ما هى ملحقتش اعمل حاجة اصلا 
عمر بحدة اخرس يا روح امك ده انت حسابك معايا عسير اصبر بس عمر لقدر ها حاجتك كاملة
قدر ايوة 
عمر شوف البطايق اللى ف الشنط دى ووصلها لاصحابها اما حيلتها ده حطه ف حجز انفرادى لحد ما نعرضه ع النيابة 
ماهر اوامرك يا عمر بيه 
خرج ماهر وبصت ليه قدر وقالت ينفع امشى
عمر امممممم ممكن بس بشرط 
قدر ايه هو 
عمر طلع الفون من الدرج تقبلى الفون منى واعتبريه هدية والنبى ﷺ قبل الهدية 
قدر عليه افضل الصلاة والسلام بس الفكرة حضرتك انى فعلا مش محتجاه انا صلحت فونى خلاص 
عمر معليش انا جيبت الفون ليكى وصدقينى مش هضايقك تانى 
قدر بابتسامة تمام عن اذنك 
اخدته قدر ورجعت ع البيت وحكيت لامها اللى حصل سماح وربنا محترم انا لو مكانه كنت حبستك ع طولة لسانك 
قدر لا حول ولا قوة الا بالله انتى متأكدة انك امى يا ست انتى 
سماح للاسف اه بس بحب الحق 
قدر ماشى يا حاجة وماله 
سماح بالمناسبة جايلك عريس 
قدر بجد وده مين اللى امه داعية عليه ده
سماح هى داعية عليه فعلا ع العموم هو حمادة بتاع الصيانة لقيته موقفنى النهاردة وبيقولى انه معجب بيكى 
قدر كنت حاسة والله 
سماح يعنى لما يسألنى ارد اقوله ايه 
قدر زى ما بتقولى لغيره دايما يا حاجة عن اذنك هدخل انام لانى تعبانة اوى 
ف منزل عمر كان الجميع ع العشا انتصار واحمد وسهر وعمار اخو عمر الاصغر وهو ف الصف الاول بالجامعة 
عمر السلام عليكم 
الجميع عليكم السلام 
انتصار جيت ف وقتك شكل حماتك بتحبك اوى 
قعد عمر جنب عمار وقصاد سهر اللى مرفعتش وشها من الطبق عمر الله المكرونة تحفة تسلم ايدك ي ماما استاذة ورئيسة قسم 
انتصار بالهنا يا حبيبى بس سهر اللى عملت الاكل النهاردة 
سهر پصدمة لا ي عمتو انا معملتش حاجة انا كنت بساعدك بس لكن مطبختش 
ضحك عمار بصوت عالى بصت ليه انتصار بغيظ فسكت انتصار بس برضه ي حبيبتى ساعدتينى كتير
سهر مغيرة الموضوع عمو احمد كنت عاوزة اطلب من حضرتك طلب ممكن 
احمد طبعا يا بنتى اتفضلى
سهر حضرتك عارف ان دى اخر سنة ليا ف ادارة الاعمال وبصراحة كنت عاوزة انزل تدريب ف مكان كويس وتحت اشراف حد يحبلى الخير فلو ينفع بعد اذنك انزل تدريب ف شركة حضرتك وعاملنى زيى زى اى موظف عادى عندك
انتصار طبعا يا حبيبتى ولا ايه ي احمد 
احمد والله فكرة كويسة وخطوة حلوة انك تاخديها انا هكلم مصطفى عشان هو اللى بيكون موجود الصبح
سهر لا ي عمو مفيش داعى انا هروح زيى زى اى حد غريب حابة اثبت كفائتى بدون واسطة
انتصار هو مصطفى ميعرفكيش يعنى 
سهر لا ي عمتو ميعرفنيش الا اسمى بس لكن عمرنا ما اتقابلنا فيس تو فيس
انتصار وانت ي عمر ايه رأيك بالموضوع 
عمر وانا مالى هو انا بفهم حاجة ف شغل الشركة 
سهر بزعل مدارى بابتسامة ي عمتو اونكل احمد صاحب القرار واستاذ مصطفى اللى هيتعامل معايا ودى حياتى انا ومع احترامى لرأى عمر كلامه بالنسبة ليا لا هيقدم ولا يأخر عن اذنكم
احمد ع فين ي بنتى انتى لسه مكملتيش اكلك
سهر لا يا اونكل الحمدلله شبعت تصبحوا ع خير 
مشيت سهر وعيونها دمعت وهى حاسة بالإهانة المتكررة بسبب عمتها احمد ي عمر متبقاش دبش كده ف كلامك 
عمر انا مقولتش حاجة غلط يا بابا وماما هى اللى مصممة تخلينى اعمل كده 
انتصار انت بنى ادم مش طبيعى بجد انا هروح انام قبل ما اڼفجر
تانى يوم جهزت سهر وهى خارجة شافت عمر عمر صباح الخير
سهر صباح النور 
عمر رايحة فين 
سهر معتقدش ان مهم اوى بالنسبة ليك تعرف انا رايحة فين 
عمر لا انا بسأل عادى ع فكرة اللى هو لو ف طريقى هوصلك 
سهر لا شكرا كتر خيرك انا هعرف اوصل لوحدى عن اذنك 
سابته سهر ومشيت عمر لنفسه معليش ي سهر بعدين هتعرفى ان طريقتى دى لمصلحتنا احنا الاثنين
وصلت سهر ع الشركة اتنفست بهدوء وطلعت لسالى وقالت صباح الخير ممكن اقابل مستر مصطفى ووووو يتبع
بترتيب من القدر السادس
بقلم نشوه عادل
صباح الخير ممكن اقابل مستر مصطفى لو سمحتى 
سالى فيه ميعاد سابق 
سهر الحقيقة لا انا جاية اقدم على وظيفة 
سالى طب اتفضلى اكتبى بياناتك هنا واستنى دورك 
سهر تمام 
عدى ربع ساعة ودخلت سهر ع مصطفى وانبهر بجمالها وشياكتها الغير طبيعية 
سهر صباح الخير ي باش مهندس 
مصطفى بتوهان ي صباح العسل هو انتى نازلة بالفلتر ولا ايه 
سهر مش فاهمة تقصد ايه حضرتك 
مصطفى وقد انتبه ولا حاجة ممكن اشوف ال CV بتاعك 
سهر اكيد اتفضل 
مصطفى قرأه باهتمام وقال انتى لسه طالبة ومعندكيش اى خبرة بالمجال ولا اشتغلتى فيه قبل كده واحنا بندور ع الناس الخبرة 
سهر معتقدش كونى انى اكون طالبة ده يكون عائق وخصوصا انى بقدم ع شغل خاص بمجال دراستى واه انا فعلا مشتغلتش بس اكيد ف تجربتي الاولى هحاول اثبت كفائتى واللى قرأته ف الاعلان ان حضرتك مش عاوز اهل خبرة بالمجال ده وانه متاح فترة تدريب اظن من حقى اتدرب ومن حقك خلال الفترة تحكم اذا كنت اهل للثقة وانى اكون جزء من كارير شركة كبيرة زى دى او لا
مصطفى اعجب جدا بردها وثقتها بنفسها بالرغم ان عمرها 22 سنة زى ما مكتوب قال تمام ي انسة

سهر متاح ليكى فترة التدريب وقتها نقدر نحدد تستحقى تكونى معانا او لا 
سهر بفرحة شكرا جدا وان شاء الله اكون عند حسن ظنك بيا 
ابتسم مصطفى وضغط ع الجرس سالى افندم ي مستر
مصطفى الاستاذة هتنضم للمتدربين ف ادارة الاعمال
سالى تمام اتفضلى حضرتك معايا 
مشيت سهر ووصل عمر ودخل لمصطفى ولقاه سرحان ومحسش انه موجود اصلا 
عمر ايه ي باش مهندس اللى واخد عقلك
مصطفى موظفة جديدة ياض ي عمر بس ما شاء الله جميلة ورقيقة وذكية حاجة كده زى بتوع الروايات 
عمر سيبك من الروايات وخلينا ف ارض الواقع 
قبل ما يكمل كلامه خبط الباب مصطفى ادخل 
دخلت قدر واټصدمت لما شافت عمر والله انت مش قولت انك مش هتضايقنى تانى 
عمر طب هو انا عملت فيكى حاجة دلوقتى 
قدر اومال جاى هنا ليه ها 
عمر انا اجى واروح زى